ਆਲੀਆ ਭੱਟ ਨੇ ਵੀ ਜਿਗਰਾ ਰਾਹੀਂ ਬਤੌਰ ਨਿਰਮਾਤਾ ਡੈਬਿਊ ਕੀਤਾ ਹੈ।
ਆਲੀਆ ਭੱਟ ਅਤੇ ਵੇਦਾਂਗਾ ਰੈਨਾ ਦੀ ਫਿਲਮ ਜਿਗਰਾ ਰਿਲੀਜ਼ ਹੋ ਚੁੱਕੀ ਹੈ। ਫਿਲਮ ਆਪਣੇ ਪਹਿਲੇ ਦਿਨ ਕੋਈ ਖਾਸ ਕਲੈਕਸ਼ਨ ਨਹੀਂ ਕਰ ਸਕੀ। ਅਜਿਹੇ ‘ਚ ਆਪਣੇ ਬੇਬਾਕ ਅੰਦਾਜ਼ ਲਈ ਜਾਣੀ ਜਾਂਦੀ ਅਦਾਕਾਰਾ ਕੰਗਨਾ ਰਣੌਤ ਨੇ ਇਕ ਪੋਸਟ ਕੀਤੀ ਹੈ, ਜਿਸ ਨੂੰ ਦੇਖ ਕੇ ਲੱਗਦਾ ਹੈ ਕਿ ਉਹ ਕਿਤੇ ਨਾ ਕਿਤੇ ਆਲੀਆ ਭੱਟ ਵੱਲ ਇਸ਼ਾਰਾ ਕਰ ਰਹੀ ਹੈ। ਹਾਲਾਂਕਿ ਅਦਾਕਾਰਾ ਨੇ ਇੱਥੇ ਕਿਸੇ ਦਾ ਨਾਂ ਨਹੀਂ ਲਿਆ ਹੈ।
ਕੰਗਨਾ ਨੇ ਕੱਸਿਆ ਆਲੀਆ ‘ਤੇ ਤਨਜ?
ਕੰਗਨਾ ਨੇ ਆਪਣੇ ਇੰਸਟਾਗ੍ਰਾਮ ਸਟੋਰੀਜ਼ ‘ਤੇ ਇਕ ਪੋਸਟ ਕਰਦੇ ਹੋਏ ਲਿਖਿਆ – ਜਦੋਂ ਤੁਸੀਂ ਮਹਿਲਾ ਕੇਂਦਰਿਤ ਫਿਲਮਾਂ ਨੂੰ ਵਿਗਾੜਦੇ ਹੋ ਅਤੇ ਇਹ ਯਕੀਨੀ ਬਣਾਉਂਦੇ ਹੋ ਕਿ ਉਹ ਕਮਾਈ ਨਹੀਂ ਕਰ ਸਕਣਗੀਆਂ, ਤਾਂ ਨਹੀਂ ਕਰ ਸਕਣਗੀਆਂ। ਦੁਬਾਰਾ ਪੜ੍ਹੋ। ਧੰਨਵਾਦ। ਹਾਲਾਂਕਿ ਕੰਗਨਾ ਨੇ ਇਸ ਪੋਸਟ ‘ਚ ਨਾ ਤਾਂ ਕਿਸੇ ਦਾ ਜ਼ਿਕਰ ਕੀਤਾ ਹੈ ਅਤੇ ਨਾ ਹੀ ਕਿਸੇ ਦਾ ਨਾਂ ਲਿਆ ਹੈ। ਪਰ ਜਿਸ ਸਮੇਂ ‘ਚ ਉਨ੍ਹਾਂ ਦੀ ਇਹ ਪੋਸਟ ਆਈ ਹੈ, ਉਸ ਨੂੰ ਦੇਖਦੇ ਹੋਏ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਕਿ ਉਨ੍ਹਾਂ ਦਾ ਨਿਸ਼ਾਨਾ ਸਿਰਫ ਆਲੀਆ ਭੱਟ ਦੀ ਫਿਲਮ ਜਿਗਰਾ ‘ਤੇ ਹੈ। ਇਸ ਨੂੰ ਜਿਗਰਾ ਦੀ ਥੀਮ ਅਤੇ ਆਲੀਆ ਭੱਟ ਦੀ ਭੂਮਿਕਾ ਨਾਲ ਜੋੜ ਕੇ ਦੇਖਿਆ ਜਾ ਰਿਹਾ ਹੈ।
