ਸਿੰਗਰ Jasmine Sandlas ਨੇ ਕੰਸਰਟ ਦੌਰਾਨ ਕੀਤਾ ਮੰਗਣੀ ਦਾ ਐਲਾਨ, ਸਟੇਜ ‘ਤੇ ਮੰਗੇਤਰ ਦਾ ਕਰਵਾਇਆ ਦੀਦਾਰ

ਸਿੰਗਰ ਜੈਸਮੀਨ ਸੈਂਡਲਸ ਨੇ ਕੱਲ੍ਹ ਦਿੱਲੀ ਦੇ ਜੇਐਲਐਨ ਸਟੇਡੀਅਮ ‘ਚ ਕੰਸਰਟ ਕੀਤਾ।

ਪੰਜਾਬੀ-ਬਾਲੀਵੁੱਡ ਸਿੰਗਰ ਜੈਸਮੀਨ ਸੈਂਡਲਸ ਨੇ ਕੱਲ੍ਹ, 11 ਜੁਲਾਈ ਨੂੰ ਦਿੱਲੀ ਦੇ ਜਵਾਹਰ ਲਾਲ ਨਹਿਰੂ ਸਟੇਡੀਅਮ ‘ਚ ਇੱਕ ਕੰਸਰਟ ਕੀਤਾ। ਸਿੰਗਰ ਸੁਣਨ ਲਈ ਹਜ਼ਾਰਾਂ ਦੀ ਭੀੜ ਇਕੱਠੀ ਹੋਈ, ਪਰ ਜੈਸਮੀਨ ਨੇ ਆਪਣੇ ਪ੍ਰਸ਼ੰਸਕਾਂ ਲਈ ਇੱਕ ਵੱਡਾ ਸਰਪ੍ਰਾਈਜ਼ ਰੱਖਿਆ। ਜੈਸਮੀਨ ਨੇ ਲਾਈਵ ਕੰਸਰਟ ਦੌਰਾਨ ਆਪਣੀ ਮੰਗਣੀ ਦਾ ਐਲਾਨ ਕੀਤਾ। ਇਸ ਤੋਂ ਇਲਾਵਾ ਉਸ ਨੇ ਆਪਣੇ ਮੰਗੇਤਰ ਨੂੰ ਪਹਿਲੀ ਵਾਰ ਦਰਸ਼ਕਾਂ ਨਾਲ ਜਾਣੂ ਕਰਵਾਉਣ ਲਈ ਸਟੇਜ ‘ਤੇ ਸੱਦਾ ਦਿੱਤਾ। ਉਸ ਨੇ ਆਪਣੀ ਮੰਗਣੀ ਦੀ ਅੰਗੂਠੀ ਵੀ ਦਿਖਾਈ। ਇਸ ਪਲ ਦੀਆਂ ਵੀਡੀਓਜ਼ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀਆਂ ਹਨ। ਦਿੱਲੀ ‘ਚ ਆਪਣੇ ‘ਡ੍ਰੀਮ ਗਰਲ ਇੰਡੀਆ ਟੂਰ’ ਕੰਸਰਟ ਦੌਰਾਨ ਜੈਸਮੀਨ ਸੈਂਡਲਸ ਨੇ ਇੱਕ ਖਾਸ ਵਿਅਕਤੀ ਨੂੰ ਸਟੇਜ ‘ਤੇ ਸੱਦਾ ਦੇਣ ਲਈ ਆਪਣੇ ਕੰਸਰਟ ਨੂੰ ਰੋਕ ਦਿੱਤਾ। ਫਿਰ ਉਸ ਨੇ ਆਪਣੀ ਅੰਗੂਠੀ ਦਿਖਾਉਂਦੇ ਹੋਏ ਆਪਣੀ ਮੰਗਣੀ ਦਾ ਖੁਲਾਸਾ ਕੀਤਾ। ਇਸ ਤੋਂ ਇਲਾਵਾ ਗਾਇਕਾ ਨੇ ਲਾਈਵ ਸ਼ੋਅ ਦੌਰਾਨ ਆਪਣੇ ਮੰਗੇਤਰ ਲਈ ਆਪਣੇ ਪਿਆਰ ਦਾ ਪ੍ਰਗਟਾਵਾ ਕੀਤਾ।

ਜੈਸਮੀਨ ਸੈਂਡਲਸ ਦੀ ਮੰਗਣੀ

ਜੈਸਮੀਨ ਸੈਂਡਲਸ ਨੇ ਆਪਣੀ ਮੰਗੇਤਰ ਨੂੰ ਸਟੇਜ ‘ਤੇ ਸੱਦਾ ਦਿੱਤਾ। ਜੋੜੇ ਨੇ ਹੱਥ ਫੜੇ ਹੋਏ ਸਨ ਤੇ ਜੈਸਮੀਨ ਨੇ ਆਪਣੀ ਮੰਗਣੀ ਦੀ ਅੰਗੂਠੀ ਦਿਖਾਈ। ਇਹ ਦੇਖ ਕੇ ਕੰਸਰਟ ‘ਚ ਤਾੜੀਆਂ ਨਾਲ ਗੂੰਜ ਉੱਠਿਆ। ਜੈਸਮੀਨ ਨੇ ਆਪਣੇ ਮੰਗੇਤਰ ਨੂੰ “ਸ਼ੇਖਰ” ਤੇ “ਚੌਧਰੀ ਸਾਹਿਬ” ਕਹਿ ਕੇ ਬੁਲਾਇਆ। ਫਿਰ ਉਨ੍ਹਾਂ ਨੇ ਸਟੇਜ ‘ਤੇ ਖੁੱਲ੍ਹ ਕੇ ਉਸ ਲਈ ਆਪਣਾ ਪਿਆਰ ਜ਼ਾਹਰ ਕੀਤਾ ਤੇ ਜੋੜੇ ਨੇ ਇੱਕ ਦੂਜੇ ਨੂੰਜੱਫੀ ਪਾਈ।

h2>ਜੈਸਮੀਨ ਦਾ ਵਿਆਹ ਕਦੋਂ ਹੋਵੇਗਾ? ਹਾਲਾਂਕਿ ਜੈਸਮੀਨ ਨੇ ਆਪਣੇ ਮੰਗੇਤਰ ਦਾ ਪੂਰਾ ਨਾਮ ਨਹੀਂ ਦੱਸਿਆ ਜਾਂ ਉਨ੍ਹਾਂ ਬਾਰੇ ਬਹੁਤ ਸਾਰੀਆਂ ਜਾਣਕਾਰੀਆਂ ਸਾਂਝੀਆਂ ਨਹੀਂ ਕੀਤੀਆਂ। ਇਸ ਪਲ ਦਾ ਇੱਕ ਵੀਡੀਓ, ਜੋ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਿਹਾ ਹੈ, ਉਨ੍ਹਾਂ ਦੀ ਸ਼ਾਨਦਾਰ ਕੈਮਿਸਟਰੀ ਨੂੰ ਦਰਸਾਉਂਦਾ ਹੈ ਤੇ ਪ੍ਰਸ਼ੰਸਕ ਜੈਸਮੀਨ ਨੂੰ ਆਪਣੀਆਂ ਸ਼ੁਭਕਾਮਨਾਵਾਂ ਭੇਜ ਰਹੇ ਹਨ। ਜੈਸਮੀਨ ਇਸ ਸਮੇਂ ਆਪਣੇ ‘ਡ੍ਰੀਮ ਗਰਲ ਇੰਡੀਆ ਟੂਰ 2026’ ਦੇ ਹਿੱਸੇ ਵਜੋਂ ਵੱਖ-ਵੱਖ ਸ਼ਹਿਰਾਂ ‘ਚੱ ਕੰਸਰਟ ਕਰ ਰਹੀ ਹੈ। ਮੰਗਣੀ ਦੀ ਘੋਸ਼ਣਾ ਤੋਂ ਬਾਅਦ ਪ੍ਰਸ਼ੰਸਕ ਹੁਣ ਉਨ੍ਹਾਂ ਦੇ ਵਿਆਹ ਦੀਆਂ ਖ਼ਬਰਾਂ ਦੀ ਬੇਸਬਰੀ ਨਾਲ ਉਡੀਕ ਕਰ ਰਹੇ ਹਨ।