ਪਰਚਾ ਦਰਜ ਕਰਨ ਲਈ ਸਾਰੇ ਜ਼ੋਨਾਂ ਨੂੰ ਦਿੱਤੇ ਨਿਰਦੇਸ਼
ਰੇਲ ਲਾਈਨਾਂ ਤੇ ਚੱਲਦੀਆਂ ਗੱਡੀਆਂ ਵਿਚ ਰੀਲ ਬਣਾਉਣ ਵਾਲੇ ਹੁਣ ਚੌਕਸ ਹੋ ਜਾਓ। ਜੇਕਰ ਇਨ੍ਹਾਂ ਥਾਵਾਂ ’ਤੇ ਰੀਲ ਬਣਾਉਣ ਵਿਚ ਸੁਰੱਖਿਆ ਲਈ ਖ਼ਤਰਾ ਪੈਦਾ ਕੀਤਾ ਤਾਂ ਪਰਚਾ ਦਰਜ ਹੋਵੇਗਾ। ਰੇਲਵੇ ਬੋਰਡ ਨੇ ਇਸ ਸੰਦਰਭ ਵਿਚ ਆਪਣੇ ਸਾਰੇ ਜ਼ੋਨਾਂ ਨੂੰ ਨਿਰਦੇਸ਼ ਦਿੱਤੇ ਹਨ। ਇਸ ਵਿਚ ਕਿਹਾ ਗਿਆ ਹੈ ਕਿ ਜੇਕਰ ਰੀਲ ਬਾਉਣ ਵਾਲੇ ਸੁਰੱਖਿਅਤ ਰੇਲ ਆਵਾਜਾਈ ਲਈ ਖ਼ਤਰਾ ਪੈਦਾ ਕਰਦੇ ਹਨ ਜਾਂ ਕੋਚਾਂ ਜਾਂ ਰੇਲ ਕੰਪਲੈਕਸਾਂ ਵਿਚ ਯਾਤਰੀਆਂ ਲਈ ਪਰੇਸ਼ਾਨੀ ਦਾ ਕਾਰਨ ਬਣਦੇ ਹਨ ਤਾਂ ਉਨ੍ਹਾਂ ਖ਼ਿਲਾਫ਼ ਐੱਫਆਈਆਰ ਦਰਜ ਕੀਤੀ ਜਾਵੇ। ਰੇਲਵੇ ਬੋਰਡ ਦਾ ਇਹ ਨਿਰਦੇਸ਼ ਹਾਲੀਆ ਕੁਝ ਮਾਮਲਿਆਂ ਦੇ ਸਾਹਮਣੇ ਆਉਣ ਤੋਂ ਬਾਅਦ ਆਇਆ ਹੈ, ਜਿਸ ਵਿਚ ਖ਼ਾਸ ਤੌਰ ’ਤੇ ਨੌਜਵਾਨਾਂ ਨੇ ਆਪਣੇ ਮੋਬਾਈਲ ਫੋਨ ਨਾਲ ਰੇਲ ਪਟੜੀਆਂ ਤੇ ਚੱਲਦੀਆਂ ਰੇਲਗੱਡੀਆਂ ਵਿਚ ਸਟੰਟ ਕਰਦੇ ਹੋਏ ਵੀਡੀਓ ਬਣਾਉਣ ਲਈ ਰੇਲ ਸੁਰੱਖਿਆ ਨਾਲ ਸਮਝੌਤਾ ਕੀਤਾ।
