Solar Eclipse 2024 : ਸੂਰਜ ਨੂੰ ਇਸ ਤਰ੍ਹਾਂ ਦੇਖਣ ਨਾਲ ਧੁੰਦਲੀ ਨਜ਼ਰ, ਸਿਰਦਰਦ, ਰੰਗ ਦੇਖਣ ਦੇ ਤਰੀਕੇ ‘ਚ ਪਰਿਵਰਤਨ ਜਾਂ ਡਿਸਕ੍ਰੋਮੈਟੋਪਸੀਆ, ਵਿਗੜਦੀ ਨਜ਼ਰ ਜਿਵੇਂ ਕਿ ਸਿੱਧੀ ਰੇਖਾਵਾਂ ਮੁੜੀ ਹੋਈ ਦਿਖਾਈ ਦੇਣ, ਸੈਂਟ੍ਰਲ ਵਿਜ਼ਨ ‘ਚ ਇੱਕ ਬਲਾਈਂਡ ਸਪਾਟ, ਲਾਈਟ ਲਈ ਸੈਂਸਟੀਵਿਟੀ ਵਰਗੇ ਲੱਛਣ ਨਜ਼ਰ ਆ ਸਕਦੇ ਹਨ।
ਇਸ ਸਾਲ ਦਾ ਪਹਿਲਾ ਸੂਰਜ ਗ੍ਰਹਿਣ (Solar Eclipse 2024) 8 ਅਪ੍ਰੈਲ ਨੂੰ ਲੱਗਾ ਸੀ। ਨਾਲ ਹੀ ਇਸ ਗ੍ਰਹਿਣ ਨੂੰ ਲੈ ਕੇ ਲੋਕਾਂ ‘ਚ ਕਾਫੀ ਉਤਸ਼ਾਹ ਦੇਖਣ ਨੂੰ ਮਿਲਿਆ। ਅਜਿਹਾ ਇਸ ਲਈ ਕਿਉਂਕਿ ਨਾਸਾ ਮੁਤਾਬਕ ਧਰਤੀ ‘ਤੇ ਅਜਿਹੀਆਂ ਖਗੋਲੀ ਘਟਨਾਵਾਂ ਘੱਟ ਹੀ ਵਾਪਰੀਆਂ ਹਨ। ਅਜਿਹਾ ਨਜ਼ਾਰਾ ਸਾਲ 2026 ਤਕ ਦੁਬਾਰਾ ਨਹੀਂ ਦੇਖਣ ਨੂੰ ਮਿਲੇਗਾ।
ਗ੍ਰਹਿਣ ਦੇ ਬਾਅਦ ਤੋਂ ਹੀ ਲੋਕਾਂ ਦੀਆਂ ਅੱਖਾਂ ‘ਚ ਹੋ ਰਹੀ ਤਕਲੀਫ
ਦੂਜੇ ਪਾਸੇ ਗ੍ਰਹਿਣ ਨੂੰ ਲੈ ਕੇ ਕੁਝ ਸਖ਼ਤ ਹਦਾਇਤਾਂ ਪਹਿਲਾਂ ਹੀ ਦਿੱਤੀਆਂ ਗਈਆਂ ਸਨ। ਪਰ ਗ੍ਰਹਿਣ ਦੇ ਬਾਅਦ ਤੋਂ ਹਰ ਕੋਈ ਗੂਗਲ ਤੋਂ ਸਵਾਲ ਕਰ ਰਿਹਾ ਹੈ ਕਿ ਮੇਰੀਆਂ ਅੱਖਾਂ ‘ਚ ਦਰਦ ਕਿਉਂ ਹੋ ਰਹੀ ਹੈ?
ਗੂਗਲ ਸਰਚ ‘ਤੇ why do my eyes hurt ਤੇ my eyes hurt ਵਰਗੇ ਸਵਾਲਾਂ ਦਾ ਹੜ੍ਹ ਜਾ ਆ ਗਿਆ ਹੈ। ਖੋਜ ‘ਚ ਗ੍ਰਹਿਣ ਦੇ ਬਾਅਦ ਤੋਂ ਹਰ ਕੋਈ ਇਹੀ ਸਵਾਲ ਪੁੱਛ ਰਿਹਾ ਹੈ।
ਅਸਲ ਵਿਚ ਕੁੱਲ ਸੂਰਜ ਗ੍ਰਹਿਣ ਦੌਰਾਨ ਜਦੋਂ ਚੰਦਰਮਾ ਧਰਤੀ ਤੇ ਸੂਰਜ ਦੇ ਵਿਚਕਾਰੋਂ ਲੰਘਦਾ ਹੈ ਇਹ ਇਕ ਦੁਰਲੱਭ ਤੇ ਖਗੋਲ-ਵਿਗਿਆਨਕ ਘਟਨਾ ਹੈ। ਇਸ ਦੌਰਾਨ ਸੂਰਜ ਨੂੰ ਸਿੱਧੇ ਅੱਖਾਂ ਨਾਲ ਨਾ ਦੇਖਣ ਦੀ ਸਲਾਹ ਦਿੱਤੀ ਜਾਂਦੀ ਹੈ। ਜੇਕਰ ਕੋਈ ਸਿੱਧੇ ਅੱਖਾਂ ਨਾਲ ਸੂਰਜ ਨੂੰ ਦੇਖਣ ਦੀ ਕੋਸ਼ਿਸ਼ ਕਰਦਾ ਹੈ ਤਾਂ ਇਸ ਨਾਲ ਅੱਖਾਂ ਨੂੰ ਨੁਕਸਾਨ ਹੋ ਸਕਦਾ ਹੈ।
ਅੱਖਾਂ ਨੂੰ ਲੈ ਕੇ ਆ ਸਕਦੀ ਹੈ ਇਹ ਪਰੇਸ਼ਾਨੀ
ਸੂਰਜ ਨੂੰ ਇਸ ਤਰ੍ਹਾਂ ਦੇਖਣ ਨਾਲ ਧੁੰਦਲੀ ਨਜ਼ਰ, ਸਿਰਦਰਦ, ਰੰਗ ਦੇਖਣ ਦੇ ਤਰੀਕੇ ‘ਚ ਪਰਿਵਰਤਨ ਜਾਂ ਡਿਸਕ੍ਰੋਮੈਟੋਪਸੀਆ, ਵਿਗੜਦੀ ਨਜ਼ਰ ਜਿਵੇਂ ਕਿ ਸਿੱਧੀ ਰੇਖਾਵਾਂ ਮੁੜੀ ਹੋਈ ਦਿਖਾਈ ਦੇਣ, ਸੈਂਟ੍ਰਲ ਵਿਜ਼ਨ ‘ਚ ਇੱਕ ਬਲਾਈਂਡ ਸਪਾਟ, ਲਾਈਟ ਲਈ ਸੈਂਸਟੀਵਿਟੀ ਵਰਗੇ ਲੱਛਣ ਨਜ਼ਰ ਆ ਸਕਦੇ ਹਨ।
ਪੂਰਨ ਗ੍ਰਹਿਣ ਦੌਰਾਨ ਵੀ ਜਦੋਂ ਸੂਰਜ ਅੰਸ਼ਕ ਰੂਪ ‘ਚ ਜਾਂ ਪੂਰੀ ਤਰ੍ਹਾਂ ਚੰਦਰਮਾ ਦੀ ਵਜ੍ਹਾ ਨਾਲ ਲੁਕਿਆ ਹੁੰਦਾ ਹੈ, ਉਦੋਂ ਵੀ ਸੂਰਜ ਦੀਆਂ ਕਿਰਨਾਂ ਅਜੇ ਵੀ ਬਹੁਤ ਤੇਜ਼ ਅਤੇ ਅੱਖਾਂ ਨੂੰ ਨੁਕਸਾਨ ਪਹੁੰਚਾ ਸਕਦੀਆਂ ਹਨ।
ਥੋੜ੍ਹੇ ਸਮੇਂ ਲਈ ਵੀ ਸੂਰਜ ਵੱਲ ਸਿੱਧਾ ਦੇਖਣ ਨਾਲ ਸੋਲਰ ਰੈਟੀਨੋਪੈਥੀ ਨਾਂ ਦੀ ਸਥਿਤੀ ਪੈਦਾ ਹੋ ਸਕਦੀ ਹੈ। ਇਹ ਅਜਿਹੀ ਸਥਿਤੀ ਹੈ ਜਦੋਂ ਸੂਰਜ ਦੀਆਂ ਅਲਟਰਾਵਾਇਲਟ ਕਿਰਨਾਂ ਰੈਟਿਨਾ ਨੂੰ ਨੁਕਸਾਨ ਪਹੁੰਚਾਉਂਦੀਆਂ ਹਨ।
