King Release Date: ਹਜ਼ਾਰ ਜ਼ੁਰਮ, 100 ਦੇਸ਼ਾਂ ’ਚ ਬਦਨਾਮ… ਇਸ ਦਿਨ ਸਿਨੇਮਾਘਰਾਂ ’ਚ ਦਹਿਸ਼ਤ ਫੈਲਾਉਣ ਆ ਰਿਹਾ ‘ਕਿੰਗ’?

ਸ਼ਾਹਰੁਖ ਖਾਨ ਦੀ ਵਾਪਸੀ ਹਮੇਸ਼ਾ ਹੀ ਸ਼ਾਨਦਾਰ ਰਹੀ ਹੈ।

ਸ਼ਾਹਰੁਖ ਖਾਨ ਦੀ ਵਾਪਸੀ ਹਮੇਸ਼ਾ ਹੀ ਸ਼ਾਨਦਾਰ ਰਹੀ ਹੈ। 2018 ਵਿੱਚ ਜਦੋਂ SRK ਦੀ ਫਿਲਮ ‘ਜ਼ੀਰੋ’ ਫਲਾਪ ਹੋਈ ਸੀ, ਤਾਂ ਉਨ੍ਹਾਂ ਨੇ ਪੰਜ ਸਾਲ ਦਾ ਬ੍ਰੇਕ ਲਿਆ ਸੀ। ਦਰਸ਼ਕ ਉਨ੍ਹਾਂ ਦੀ ਫਿਲਮ ਦੇਖਣ ਲਈ ਬੇਤਾਬ ਹੋ ਗਏ ਸਨ। ਪਰ ਜਦੋਂ ਉਨ੍ਹਾਂ ਨੇ ਵਾਪਸੀ ਕੀਤੀ, ਤਾਂ ਇੱਕੋ ਸਮੇਂ ਤਿੰਨ ਸੁਪਰਹਿੱਟ ਫਿਲਮਾਂ ਦਿੱਤੀਆਂ— ‘ਪਠਾਨ’, ‘ਜਵਾਨ’ ਅਤੇ ‘ਡੰਕੀ’। ਇਹ ਤਿੰਨੇ ਫਿਲਮਾਂ 2023 ਵਿੱਚ ਹੀ ਰਿਲੀਜ਼ ਹੋਈਆਂ ਸਨ।

ਪਿਛਲੇ ਤਿੰਨ ਸਾਲਾਂ ਤੋਂ ਸ਼ਾਹਰੁਖ ਖਾਨ ਆਪਣੀਆਂ ਆਉਣ ਵਾਲੀਆਂ ਫਿਲਮਾਂ ਦੀ ਤਿਆਰੀ ਵਿੱਚ ਜੁਟੇ ਹੋਏ ਹਨ। ਉਨ੍ਹਾਂ ਦੀਆਂ ਸਭ ਤੋਂ ਵੱਧ ਉਡੀਕੀਆਂ ਜਾਣ ਵਾਲੀਆਂ ਫਿਲਮਾਂ ਵਿੱਚ ਇੱਕ ਨਾਂ ‘ਕਿੰਗ’ (King) ਹੈ। ਅਦਾਕਾਰ ਦੇ ਜਨਮਦਿਨ ‘ਤੇ ਫਿਲਮ ਦਾ ਟਾਈਟਲ ਰੀਵੀਲ ਵੀਡੀਓ ਜਾਰੀ ਕੀਤਾ ਗਿਆ ਸੀ, ਜਿਸ ਨੂੰ ਕਾਫੀ ਪਸੰਦ ਕੀਤਾ ਗਿਆ। ਹੁਣ ਪ੍ਰਸ਼ੰਸਕ ਸਿਰਫ ਫਿਲਮ ਦੀ ਰਿਲੀਜ਼ ਡੇਟ ਦਾ ਇੰਤਜ਼ਾਰ ਕਰ ਰਹੇ ਹਨ। ਹੁਣ ਸਿਧਾਰਥ ਆਨੰਦ (Siddharth Anand) ਨੇ ‘ਕਿੰਗ’ ਦੀ ਰਿਲੀਜ਼ ਨੂੰ ਲੈ ਕੇ ਅਪਡੇਟ ਦਿੱਤਾ ਹੈ।

ਸਿਧਾਰਥ ਆਨੰਦ ਨੇ ਦਿੱਤਾ ‘ਕਿੰਗ’ ‘ਤੇ ਅਪਡੇਟ!

‘ਪਠਾਨ’ ਤੋਂ ਬਾਅਦ ਸਿਧਾਰਥ ਆਨੰਦ ਹੁਣ ਸ਼ਾਹਰੁਖ ਖਾਨ ਦੀ ਫਿਲਮ ‘ਕਿੰਗ’ ਨੂੰ ਵੀ ਡਾਇਰੈਕਟ ਕਰ ਰਹੇ ਹਨ। ਹਾਲ ਹੀ ਵਿੱਚ, ਨਿਰਦੇਸ਼ਕ ਨੇ ਆਪਣੇ ਐਕਸ (Twitter) ਹੈਂਡਲ ‘ਤੇ ਪ੍ਰਸ਼ੰਸਕਾਂ ਨੂੰ ਉਤਸ਼ਾਹਿਤ ਕਰਦੇ ਹੋਏ ਰਿਲੀਜ਼ ਡੇਟ ਬਾਰੇ ਸੰਕੇਤ ਦਿੱਤਾ ਹੈ। ਉਨ੍ਹਾਂ ਨੇ ਲਗਾਤਾਰ ਦੋ ਪੋਸਟਾਂ ਸਾਂਝੀਆਂ ਕੀਤੀਆਂ ਹਨ। ਇੱਕ ਟਵੀਟ ਵਿੱਚ ਸਿਧਾਰਥ ਨੇ ਲਿਖਿਆ, “And…” (ਅਤੇ…)। ਦੂਜੇ ਟਵੀਟ ਵਿੱਚ ਉਨ੍ਹਾਂ ਲਿਖਿਆ, “The Date…” (ਤਾਰੀਖ…)।

ਕਦੋਂ ਰਿਲੀਜ਼ ਹੋਵੇਗੀ ਸ਼ਾਹਰੁਖ ਦੀ ‘ਕਿੰਗ’?

ਸਿਧਾਰਥ ਆਨੰਦ ਦੀ ਇਸ ਪੋਸਟ ਤੋਂ ਬਾਅਦ ਅੰਦਾਜ਼ੇ ਲਗਾਏ ਜਾ ਰਹੇ ਹਨ ਕਿ ਮੇਕਰਸ ਜਲਦੀ ਹੀ ‘ਕਿੰਗ’ ਦੀ ਰਿਲੀਜ਼ ਡੇਟ ਦਾ ਐਲਾਨ ਕਰ ਸਕਦੇ ਹਨ। ਇਸ ਦੌਰਾਨ ਰਿਪੋਰਟਾਂ ਵਿੱਚ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਸ਼ਾਹਰੁਖ ਖਾਨ ਦੀ ਇਹ ਫਿਲਮ 25 ਦਸੰਬਰ 2026 (ਕ੍ਰਿਸਮਸ) ਦੇ ਆਸ-ਪਾਸ ਵੱਡੇ ਪਰਦੇ ‘ਤੇ ਰਿਲੀਜ਼ ਹੋ ਸਕਦੀ ਹੈ। ਹਾਲਾਂਕਿ, ਅਧਿਕਾਰਤ ਤੌਰ ‘ਤੇ ਤਾਰੀਖ ਦਾ ਖੁਲਾਸਾ ਹੋਣਾ ਅਜੇ ਬਾਕੀ ਹੈ।

‘ਕਿੰਗ’ ਦੀ ਸਟਾਰ ਕਾਸਟ

ਸ਼ਾਹਰੁਖ ਖਾਨ ਦੀ ਫਿਲਮ ‘ਕਿੰਗ’ ਇੱਕ ਗੈਂਗਸਟਰ ਡਰਾਮਾ ਹੈ, ਜਿਸ ਵਿੱਚ ਉਨ੍ਹਾਂ ਦੇ ਨਾਲ ਦੀਪਿਕਾ ਪਾਦੁਕੋਣ ਨਜ਼ਰ ਆਵੇਗੀ। ਇਸ ਫਿਲਮ ਰਾਹੀਂ ਸੁਹਾਨਾ ਖਾਨ ਪਹਿਲੀ ਵਾਰ ਵੱਡੇ ਪਰਦੇ ‘ਤੇ ਆਪਣਾ ਡੈਬਿਊ ਕਰ ਰਹੀ ਹੈ। ਫਿਲਮ ਵਿੱਚ ਅਭਿਸ਼ੇਕ ਬੱਚਨ, ਰਾਣੀ ਮੁਖਰਜੀ, ਅਨਿਲ ਕਪੂਰ, ਅਰਸ਼ਦ ਵਾਰਸੀ ਅਤੇ ਰਾਘਵ ਜੁਆਲ ਵੀ ਅਹਿਮ ਭੂਮਿਕਾਵਾਂ ਵਿੱਚ ਦਿਖਾਈ ਦੇਣਗੇ।