ਸਾਫਟਵੇਅਰ ਇੰਜੀਨੀਅਰ ਅਤੁਲ ਸੁਭਾਸ਼ ਦੀ ਖੁਦਕੁਸ਼ੀ ਮਾਮਲੇ ਨੇ ਦੇਸ਼ ‘ਚ ਨਵੀਂ ਬਹਿਸ ਛੇੜ ਦਿੱਤੀ ਹੈ।
ਬਾਲੀਵੁੱਡ ਅਦਾਕਾਰਾ ਕੰਗਨਾ ਰਣੌਤ ਨੇ ਬੈਂਗਲੁਰੂ ‘ਚ ਸਾਫਟਵੇਅਰ ਇੰਜੀਨੀਅਰ ਅਤੁਲ ਸੁਭਾਸ਼ ਦੀ ਖੁਦਕੁਸ਼ੀ ‘ਤੇ ਪ੍ਰਤੀਕਿਰਿਆ ਦਿੱਤੀ ਹੈ। ਉਨ੍ਹਾਂ ਇਸ ਘਟਨਾ ਦੀ ਖੁੱਲ੍ਹ ਕੇ ਨਿਖੇਧੀ ਕਰਦਿਆਂ ਕਿਹਾ ਕਿ ਇਸ ਨਾਲ ਪੂਰਾ ਦੇਸ਼ ਸਦਮੇ ਵਿੱਚ ਹੈ।
ਇਸ ਤਰ੍ਹਾਂ ਦੀ ਘਟਨਾ ਨਹੀਂ ਹੋਣੀ ਚਾਹੀਦੀ। ਹਾਲਾਂਕਿ, ਕੰਗਨਾ ਰਣੌਤ ਨੇ ਸਪੱਸ਼ਟ ਕੀਤਾ ਕਿ ਇੱਕ ਗਲਤ ਔਰਤ ਦੇ ਕਾਰਨ ਦੂਜੀਆਂ ਔਰਤਾਂ ਨੂੰ ਪਰੇਸ਼ਾਨ ਕਰਨ ਤੋਂ ਇਨਕਾਰ ਨਹੀਂ ਕੀਤਾ ਜਾ ਸਕਦਾ।
ਨਿਊਜ਼ ਏਜੰਸੀ ਏਐਨਆਈ ਨਾਲ ਗੱਲ ਕਰਦੇ ਹੋਏ ਕੰਗਨਾ ਰਣੌਤ ਨੇ ਕਿਹਾ, ‘ਪੂਰਾ ਦੇਸ਼ ਸਦਮੇ ਵਿੱਚ ਹੈ ਅਤੇ ਸੋਗ ਵਿੱਚ ਹੈ। ਨੌਜਵਾਨ ਦੀ ਵੀਡੀਓ ਦਿਲ ਦਹਿਲਾ ਦੇਣ ਵਾਲੀ ਹੈ।
ਜਿੰਨਾ ਚਿਰ ਵਿਆਹ ਸਾਡੀਆਂ ਭਾਰਤੀ ਪਰੰਪਰਾਵਾਂ ਤੱਕ ਸੀਮਤ ਹੈ, ਇਹ ਠੀਕ ਹੈ। ਅਦਾਕਾਰਾ ਨੇ ਕਿਹਾ ਕਿ ਇੱਥੇ ਕਮਿਊਨਿਜ਼ਮ ਦਾ ਕੀੜਾ ਹੈ, ਸਮਾਜਵਾਦ ਦਾ ਕੀੜਾ ਹੈ, ਨਕਲੀ ਨਾਰੀਵਾਦ ਦਾ ਕੀੜਾ ਹੈ ਅਤੇ ਤਿੰਨ-ਚਾਰ ਹੋਰ ਚੀਜ਼ਾਂ ਹਨ ਜਿਨ੍ਹਾਂ ਨੂੰ ਲੋਕ ਵਪਾਰ ਬਣਾ ਲੈਣਗੇ।
ਕੰਗਨਾ ਰਣੌਤ ਨੇ ਦਿੱਤਾ ਰਿਐਕਸ਼ਨ
ਕੰਗਨਾ ਰਣੌਤ ਨੇ ਅੱਗੇ ਕਿਹਾ, ‘ਉਸ ਤੋਂ ਕਰੋੜਾਂ ਰੁਪਏ ਵਸੂਲੀ ਕੀਤੀ ਜਾ ਰਹੀ ਸੀ, ਜੋ ਉਸ ਦੀ ਸਮਰੱਥਾ ਤੋਂ ਬਾਹਰ ਸੀ। ਨੌਜਵਾਨਾਂ ‘ਤੇ ਇਸ ਤਰ੍ਹਾਂ ਦਾ ਬੋਝ ਨਹੀਂ ਹੋਣਾ ਚਾਹੀਦਾ। ਉਸ ਦੀ ਜਿੰਨੀ ਸੈਲਰੀ ਸੀ ਉਹ ਉਸ ਤੋਂ ਵੱਧ ਦੇ ਰਿਹਾ ਸੀ ਅਤੇ ਉਸ ਤੋਂ ਕਰੋੜਾਂ ਰੁਪਏ ਦੀ ਮੰਗ ਕੀਤੀ ਜਾ ਰਹੀ ਸੀ, ਇਸ ਲਈ ਦਬਾਅ ਹੇਠ ਲੜਕੇ ਨੇ ਅਜਿਹਾ ਕੀਤਾ।
99 ਫੀਸਦੀ ਵਿਆਹਾਂ ਵਿੱਚ ਮਰਦਾਂ ਦਾ ਕਸੂਰ ਹੁੰਦਾ ਹੈ
ਉਨ੍ਹਾਂ ਅੱਗੇ ਕਿਹਾ, ‘ਮੇਰਾ ਮੰਨਣਾ ਹੈ ਕਿ ਪੀੜਤਾਂ ਲਈ ਵੀ ਵੱਖਰੀ ਸੰਸਥਾ ਹੋਣੀ ਚਾਹੀਦੀ ਹੈ। ਇੱਕ ਗਲਤ ਔਰਤ ਦੀ ਮਿਸਾਲ ਲੈ ਕੇ ਜਿੰਨੀ ਵੀ ਮਹਿਲਾਵਾਂ ਨੂੰ ਤੰਗ ਕੀਤਾ ਜਾ ਰਿਹਾ ਹੈ, ਉਸ ਤੋਂ ਇਨਕਾਰ ਨਹੀਂ ਕੀਤਾ ਜਾ ਸਕਦਾ। 99 ਫੀਸਦੀ ਵਿਆਹਾਂ ‘ਚ ਮਰਦ ਹੀ ਕਸੂਰਵਾਰ ਹੁੰਦੇ ਹਨ, ਇਸੇ ਲਈ ਅਜਿਹੀਆਂ ਗਲਤੀਆਂ ਵੀ ਹੋ ਜਾਂਦੀਆਂ ਹਨ।
