ਅਦਾਕਾਰ ਅਨਿਲ ਕਪੂਰ 67 ਸਾਲ ਦੀ ਉਮਰ ਵਿੱਚ ਵੀ ਆਪਣੇ ਆਪ ਨੂੰ ਬਹੁਤ ਫਿੱਟ ਰੱਖਦੇ ਹਨ। ਲੋਕ ਉਸ ਦੀ ਫਿਟਨੈੱਸ ਤੋਂ ਕਾਫੀ ਪ੍ਰਭਾਵਿਤ ਹਨ। ਹਾਲ ਹੀ ਵਿੱਚ ਅਦਾਕਾਰ ਇੱਕ ਹੋਰ ਕਾਰਨ ਕਰ ਕੇ ਸੁਰਖੀਆਂ ਵਿੱਚ ਹੈ। ਜਿੰਨਾ ਅਦਾਕਾਰ ਆਪਣੀ ਸਿਹਤ ਦਾ ਖਿਆਲ ਰੱਖਦਾ ਹੈ, ਓਨਾ ਹੀ ਉਹ ਦੂਜਿਆਂ ਪ੍ਰਤੀ ਵੀ ਸੁਚੇਤ ਰਹਿੰਦਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਅਭਿਨੇਤਾ ਨੇ ਇਕ ਮਸ਼ਹੂਰ ਮਸਾਲਾ ਬ੍ਰਾਂਡ ਦਾ ਇਸ਼ਤਿਹਾਰ ਕਰਨ ਤੋਂ ਇਨਕਾਰ ਕਰ ਦਿੱਤਾ ਹੈ।
ਇਸ ਤਰ੍ਹਾਂ ਉਹ ਅੱਲੂ ਅਰਜੁਨ, ਕਾਰਤਿਕ ਆਰੀਅਨ ਅਤੇ ਯਸ਼ ਦੇ ਕਲੱਬ ਨਾਲ ਜੁੜ ਗਿਆ ਹੈ। ਪਿੰਕਵਿਲਾ ਦੀ ਰਿਪੋਰਟ ਮੁਤਾਬਕ ਅਨਿਲ ਕਪੂਰ ਨੂੰ ਇਸ ਵਿਗਿਆਪਨ ਲਈ 10 ਕਰੋੜ ਰੁਪਏ ਦੀ ਪੇਸ਼ਕਸ਼ ਕੀਤੀ ਗਈ ਸੀ। ਅਨਿਲ ਕਪੂਰ ਨੇ ਪਾਨ ਮਸਾਲਾ ਵਿਗਿਆਪਨ ਦੀ ਪੇਸ਼ਕਸ਼ ਨੂੰ ਅਜਿਹੇ ਸਮੇਂ ਠੁਕਰਾ ਦਿੱਤਾ ਜਦੋਂ ਕਈ ਕਲਾਕਾਰ ਅਜਿਹੇ ਵਿਗਿਆਪਨ ਕਰ ਰਹੇ ਹਨ। ਹਾਲ ਹੀ ‘ਚ ਅਜੈ ਦੇਵਗਨ, ਅਕਸ਼ੈ ਕੁਮਾਰ ਅਤੇ ਸ਼ਾਹਰੁਖ ਖਾਨ ਨੂੰ ਇਸ ਕਾਰਨ ਕਾਫੀ ਆਲੋਚਨਾਵਾਂ ਦਾ ਸਾਹਮਣਾ ਕਰਨਾ ਪਿਆ ਸੀ। ਇਸ ਪੂਰੇ ਡਰਾਮੇ ਤੋਂ ਬਾਅਦ ਅਕਸ਼ੈ ਕੁਮਾਰ ਨੇ ਪ੍ਰਸ਼ੰਸਕਾਂ ਤੋਂ ਮਾਫੀ ਵੀ ਮੰਗੀ ਸੀ।
ਕਾਰਤਿਕ ਆਰੀਅਨ ਵੀ ਠੁਕਰਾ ਚੁੱਕੇ ਹੈ ਆਫ਼ਰ
ਇਸ ਤੋਂ ਪਹਿਲਾਂ ਕਾਰਤਿਕ ਆਰੀਅਨ ਤੇ ਜਾਨ ਅਬ੍ਰਾਹਮ ਨੇ ਵੀ ਅਜਿਹੇ ਵਿਗਿਆਪਨ ਕਰਨ ਤੋਂ ਇਨਕਾਰ ਕਰ ਦਿੱਤਾ ਸੀ। ਇਕ ਨਿਊਜ਼ ਪੋਰਟਲ ਨੂੰ ਦਿੱਤੇ ਇੰਟਰਵਿਊ ‘ਚ ਕਾਰਤਿਕ ਨੇ ਦੱਸਿਆ ਸੀ ਕਿ ਉਨ੍ਹਾਂ ਨੇ ‘ਸੁਪਾਰੀ’ ਤੇ ਹੋਰ ਵਿਗਿਆਪਨ ਕਰਨ ਤੋਂ ਇਨਕਾਰ ਕਰ ਦਿੱਤਾ ਸੀ। ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਨੂੰ ਲੱਗਦਾ ਹੈ ਕਿ ਇਹ ਗ਼ਲਤ ਹੈ।
ਅਦਾਕਾਰ ਨੇ ਕਿਹਾ ਸੀ, “ਮੈਨੂੰ ਕਈ ਬ੍ਰਾਂਡਾਂ ਤੋਂ ਪੇਸ਼ਕਸ਼ਾਂ ਆਈਆਂ ਹਨ, ਜਿਨ੍ਹਾਂ ਨੂੰ ਮੈਂ ਠੁਕਰਾ ਦਿੱਤਾ ਹੈ। ਜਿਵੇਂ ਕਿ ਸੁਪਾਰੀ, ਪਾਨ ਮਸਾਲਾ ਬ੍ਰਾਂਡ। ਮੇਰਾ ਉਨ੍ਹਾਂ ਚੀਜ਼ਾਂ ਨਾਲ ਕੋਈ ਸਬੰਧ ਨਹੀਂ ਹੈ ਅਤੇ ਮੈਂ ਜਿੰਨਾ ਚਿਰ ਹੋ ਸਕੇ ਇਨ੍ਹਾਂ ਚੀਜ਼ਾਂ ਤੋਂ ਦੂਰ ਰਹਿਣ ਦੀ ਕੋਸ਼ਿਸ਼ ਕਰਦਾ ਹਾਂ।” ਮੈਂ ਇਹ ਨਹੀਂ ਕਹਿ ਸਕਦਾ ਕਿ ਕੌਣ ਸਹੀ ਹੈ ਜਾਂ ਗ਼ਲਤ, ਹਰ ਕਿਸੇ ਦੀ ਆਪਣੀ ਸੋਚ ਹੁੰਦੀ ਹੈ ਪਰ ਇਹ ਮੇਰੀ ਯੋਜਨਾ ਵਿੱਚ ਫਿੱਟ ਨਹੀਂ ਬੈਠਦਾ।
ਇਸ ਫਿਲਮ ‘ਚ ਨਜ਼ਰ ਆਉਣਗੇ ਅਨਿਲ ਕਪੂਰ
ਅਨਿਲ ਕਪੂਰ ਆਉਣ ਵਾਲੇ ਸਮੇਂ ‘ਚ ਐਕਸ਼ਨ ਡਰਾਮਾ ਫਿਲਮ ਸੂਬੇਦਾਰ ‘ਚ ਨਜ਼ਰ ਆਉਣਗੇ। ਫਿਲਮ ਦਾ ਨਿਰਦੇਸ਼ਨ ਸੁਰੇਸ਼ ਤ੍ਰਿਵੇਣੀ ਕਰਨਗੇ। ਵਿਕਰਮ ਮਲਹੋਤਰਾ, ਸੁਰੇਸ਼ ਤ੍ਰਿਵੇਣੀ ਤੇ ਅਨਿਲ ਕਪੂਰ ਫਿਲਮ ਦੇ ਨਿਰਮਾਤਾ ਹਨ। ਅਨਿਲ ਕਪੂਰ ਆਖਰੀ ਵਾਰ ਦਿਵਿਆ ਖੋਸਲਾ ਨਾਲ ਫਿਲਮ ਸਾਵੀ ਵਿੱਚ ਨਜ਼ਰ ਆਏ ਸਨ। ਇਸ ਤੋਂ ਪਹਿਲਾਂ ਉਹ ਫਾਈਟਰ ‘ਚ ਨਜ਼ਰ ਆਏ ਸਨ, ਜਿਸ ‘ਚ ਉਨ੍ਹਾਂ ਨਾਲ ਰਿਤਿਕ ਰੋਸ਼ਨ ਅਤੇ ਦੀਪਿਕਾ ਪਾਦੂਕੋਣ ਨਜ਼ਰ ਆਏ ਸਨ।
