ਈਰਾਨ ਨੇ ਨਾਗਰਿਕ ਟਿਕਾਣਿਆਂ ‘ਤੇ ਕਿਸੇ ਵੀ ਹਮਲੇ ਦਾ ਬਦਲਾ ਲੈਣ ਦੀ ਗੱਲ ਕਰ ਰਿਹਾ ਹੈ।
ਈਰਾਨ ਦੀ ਕੇਂਦਰੀ ਫੌਜੀ ਕਮਾਂਡ ਨੇ ਸੋਮਵਾਰ (6 ਅਪ੍ਰੈਲ) ਨੂੰ ਇੱਕ ਵੱਡਾ ਬਿਆਨ ਜਾਰੀ ਕੀਤਾ, ਜਿਸ ‘ਚ ਐਲਾਨ ਕੀਤਾ ਗਿਆ ਕਿ ਜੇਕਰ ਉਸ ਦੇ ਵਿਰੋਧੀਆਂ ਨੇ ਨਾਗਰਿਕ ਟਿਕਾਣਿਆਂ ਨੂੰ ਨਿਸ਼ਾਨਾ ਬਣਾਇਆ, ਤਾਂ ਉਹ ਬਹੁਤ ਜ਼ਿਆਦਾ ਵਿਨਾਸ਼ਕਾਰੀ ਜਵਾਬ ਦੇਵੇਗਾ। ਇਹ ਚੇਤਾਵਨੀ ਉਸ ਸਮੇਂ ਆਈ ਹੈ, ਜਦੋਂ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਈਰਾਨ ਦੇ ਨਾਗਰਿਕ ਬੁਨਿਆਦੀ ਢਾਂਚੇ ਨੂੰ ਤਬਾਹ ਕਰਨ ਦੀ ਧਮਕੀ ਦਿੱਤੀ ਹੈ।
ਇਸ ਦੌਰਾਨ, ਇੱਕ ਨਵੀਂ ਰਿਪੋਰਟ ਦੇ ਅਨੁਸਾਰ, ਸੰਯੁਕਤ ਰਾਜ, ਈਰਾਨ ਤੇ ਖੇਤਰੀ ਵਿਚੋਲਿਆਂ ਦਾ ਇੱਕ ਸਮੂਹ ਇਸ ਸਮੇਂ ਸੰਭਾਵੀ 45 ਦਿਨਾਂ ਦੀ ਜੰਗਬੰਦੀ ਦੀਆਂ ਸ਼ਰਤਾਂ ‘ਤੇ ਗੱਲਬਾਤ ਕਰ ਰਿਹਾ ਹੈ। ਰਿਪੋਰਟ ਮੁਤਾਬਕ ਵਿਚੋਲਗੀ ਦਾ ਇੱਕ ਸਮੂਹ, 45 ਦਿਨਾਂ ਦੀ ਜੰਗਬੰਦੀ ਦੇ ਫੈਸਲੇ ਨੂੰ ਮੁਕੰਮਲ ਕਰਨ ਲਈ ਆਖਰੀ ਕੋਸ਼ਿਸ਼ ਕਰ ਰਹੇ ਹਨ। ਇਸ ਪ੍ਰਸਤਾਵਿਤ ਜੰਗਬੰਦੀ ਨੂੰ ਸੰਘਰਸ਼ ਦੇ ਸਥਾਈ ਹੱਲ ਵੱਲ ਇੱਕ ਮਹੱਤਵਪੂਰਨ ਕਦਮ ਮੰਨਿਆ ਜਾ ਰਿਹਾ ਹੈ। ਵਿਚੋਲੇ ਰਾਸ਼ਟਰ ਇਹ ਯਕੀਨੀ ਬਣਾਉਣ ਲਈ ਯਤਨਸ਼ੀਲ ਹਨ ਕਿ ਜੰਗਬੰਦੀ ਨੂੰ ਕਿਸੇ ਵੀ ਤਰੀਕੇ ਨਾਲ ਲਾਗੂ ਕੀਤਾ ਜਾਵੇ ਤੇ ਇਸ ਤਰ੍ਹਾਂ ਭਵਿੱਖ ‘ਚ ਸਥਾਈ ਸ਼ਾਂਤੀ ਲਈ ਰਾਹ ਪੱਧਰਾ ਕੀਤਾ ਜਾਵੇ।
ਟਕਰਾਅ ਨੂੰ ਟਾਲਣ ਦਾ ਆਖਰੀ ਮੌਕਾ!
ਰਿਪੋਰਟਾਂ ਦੇ ਅਨੁਸਾਰ, ਇਨ੍ਹਾਂ ਗੱਲਬਾਤਾਂ ‘ਚ ਸ਼ਾਮਲ ਅਮਰੀਕੀ, ਇਜ਼ਰਾਈਲੀ ਤੇ ਖੇਤਰੀ ਸੂਤਰਾਂ ਨੇ ਇਸ ਵਿਕਾਸ ਦੀ ਪੁਸ਼ਟੀ ਕੀਤੀ ਹੈ। ਇਨ੍ਹਾਂ ਸੂਤਰਾਂ ਦਾ ਕਹਿਣਾ ਹੈ ਕਿ ਅਗਲੇ 48 ਘੰਟਿਆਂ ਦੇ ਅੰਦਰ ਅੰਸ਼ਕ ਸਮਝੌਤੇ ‘ਤੇ ਪਹੁੰਚਣ ਦੀ ਸੰਭਾਵਨਾ ਕਾਫ਼ੀ ਘੱਟ ਹੈ। ਫਿਰ ਵੀ, ਇਸ ਯਤਨ ਨੂੰ ਬਹੁਤ ਮਹੱਤਵਪੂਰਨ ਮੰਨਿਆ ਜਾ ਰਿਹਾ ਹੈ, ਕਿਉਂਕਿ ਇਹ ਵੱਡੇ ਪੱਧਰ ‘ਤੇ ਟਕਰਾਅ ਨੂੰ ਟਾਲਣ ਦਾ ਆਖਰੀ ਮੌਕਾ ਹੋ ਸਕਦਾ ਹੈ।
ਇਸ ਆਖਰੀ ਕੋਸ਼ਿਸ਼ ਨੂੰ ਟਕਰਾਅ ਦੇ ਵਾਧੇ ਤੋਂ ਬਚਣ ਦਾ ਇੱਕੋ ਇੱਕ ਮੌਕਾ ਮੰਨਿਆ ਜਾ ਰਿਹਾ ਹੈ। ਜੇਕਰ ਇਹ ਗੱਲਬਾਤ ਅਸਫਲ ਹੋ ਜਾਂਦੀ ਹੈ, ਤਾਂ ਸਥਿਤੀ ਤੇਜ਼ੀ ਨਾਲ ਵਿਗੜ ਸਕਦੀ ਹੈ, ਜਿਸ ਨਾਲ ਪੂਰੇ ਖੇਤਰ ‘ਚ ਵੱਡੇ ਪੱਧਰ ‘ਤ ਅਸਥਿਰਤਾ ਦਾ ਖ਼ਤਰਾ ਵਧ ਸਕਦਾ ਹੈ।
ਈਰਾਨ ਨੂੰ ਟਰੰਪ ਦੀ ਧਮਕੀ
ਰਿਪੋਰਟਾਂ ਦੇ ਅਨੁਸਾਰ, ਅਗਲੇ 48 ਘੰਟਿਆਂ ਦੇ ਅੰਦਰ ਜੰਗਬੰਦੀ ਸਮਝੌਤੇ ‘ਤੇ ਮੋਹਰ ਲਗਾਉਣ ਲਈ ਇੱਕ ਆਖਰੀ ਜ਼ੋਰ ਚੱਲ ਰਿਹਾ ਹੈ। ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੁਆਰਾ ਜਾਰੀ ਕੀਤੀ ਗਈ ਸਮਾਂ ਸੀਮਾ ਦੀ ਸਮਾਪਤੀ ਤੋਂ ਪਹਿਲਾਂ, ਮੰਗ ਕੀਤੀ ਜਾ ਰਹੀ ਹੈ ਕਿ ਤਹਿਰਾਨ ਇੱਕ ਡੀਲ ਸਵੀਕਾਰ ਕਰੇ ਤੇ ਸਟ੍ਰੇਟ ਆਫ਼ ਹੋਰਮੁਜ਼ ਨੂੰ ਦੁਬਾਰਾ ਖੋਲ੍ਹੇ। ਟਰੰਪ ਨੇ ਇੱਕ ਧਮਕੀ ਜਾਰੀ ਕੀਤੀ ਹੈ, ਚੇਤਾਵਨੀ ਦਿੱਤੀ ਹੈ ਕਿ ਜੇਕਰ ਉਸ ਦੀਆਂ ਮੰਗਾਂ ਪੂਰੀਆਂ ਨਹੀਂ ਕੀਤੀਆਂ ਗਈਆਂ, ਤਾਂ ਉਹ ਸਭ ਕੁਝ ਉਡਾ ਦੇਣਗੇ।
ਐਤਵਾਰ ਨੂੰ, ਈਸਟਰ ਦੇ ਮੌਕੇ ਟਰੰਪ ਨੇ ਟਰੂਥ ਸੋਸ਼ਲ ਪਲੇਟਫਾਰਮ ‘ਤੇ ਈਰਾਨ ਨੂੰ ਧਮਕੀ ਦਿੰਦੇ ਹੋਏ ਕਿਹਾ ਕਿ ਮੰਗਲਵਾਰ ਨੂੰ, ਈਰਾਨ ‘ਪਾਵਰ ਪਲਾਂਟ ਡੇਅ’ ਤੇ ‘ਬ੍ਰਿਜ਼ ਡੇਅ’ ਸਭ ਇੱਕੋ ਸਮੇਂ ਮਨਾਇਆ ਜਾਵੇਗਾ। ਅਜਿਹਾ ਪਹਿਲਾਂ ਕਦੇ ਨਹੀਂ ਹੋਇਆ ਹੋਵੇਗਾ। ਸਟ੍ਰੇਟ ਖੋਲ੍ਹੋ, ਨਹੀਂ ਤਾਂ ਤੁਸੀਂ ਨਰਕ ‘ਚ ਰਹੋਗੇ, ਬਸ ਦੇਖਦੇ ਰਹੋ। ਇੱਕ ਵੱਖਰੀ ਪੋਸਟ ‘ਚ, ਟਰੰਪ ਨੇ ਇੱਕ ਚੇਤਾਵਨੀ ਜਾਰੀ ਕੀਤੀ ਕਿ ਮੰਗਲਵਾਰ ਪੂਰਵੀ ਸਮੇਂ ਮੁਤਾਬਕ ਰਾਤ 8:00 ਵਜੇ। ਇਸ ਨੂੰ ਸੰਭਾਵੀ ਈਰਾਨ ਨੂੰ ਦਿੱਤੀ ਗਈ ਸਮਾਂ ਮਿਆਦ ਦੀ ਸਮਾਪਤੀ ਦਾ ਸਮਾਂ ਮੰਨਿਆ ਜਾ ਰਿਹਾ ਹੈ।
“ਫਿਰ ਮੈਂ ਉੱਥੇ ਸਭ ਕੁਝ ਉਡਾ ਦੇਵਾਂਗਾ…”
ਐਤਵਾਰ ਨੂੰ, ਟਰੰਪ ਨੇ ਇਹ ਵੀ ਸੰਕੇਤ ਦਿੱਤਾ ਕਿ ਸਮਝੌਤੇ ‘ਤੇ ਪਹੁੰਚਣ ਦੀ ਸੰਭਾਵਨਾ ਬਣੀ ਹੋਈ ਹੈ। ਹਾਲਾਂਕਿ, ਜੇਕਰ ਜੰਗਬੰਦੀ ਅਮਲ ‘ਚ ਨਹੀਂ ਆਉਂਦੀ ਤਾਂ ਉਨ੍ਹਾਂ ਨੇ ਇੱਕੋ ਸਮੇਂ ਵਿਆਪਕ ਤਬਾਹੀ ਦੀ ਧਮਕੀ ਦਿੱਤੀ । ਐਕਸਿਓਸ ਨਾਲ ਇੱਕ ਇੰਟਰਵਿਊ ‘ਚ, ਅਮਰੀਕੀ ਰਾਸ਼ਟਰਪਤੀ ਨੇ ਸਪੱਸ਼ਟ ਤੌਰ ‘ਤੇ ਕਿਹਾ ਕਿ ਡੀਲਾ ਦਾ ਇੱਕ ਚੰਗਾ ਮੌਕਾ ਹੈ, ਪਰ ਜੇਕਰ ਉਹ ਡੀਲ ਨਹੀਂ ਕਰਦੇ ਤਾਂ ਮੈਂ ਉੱਥੇ ਸਭ ਕੁੱਝ ਉਡਾ ਦੇਵਾਂਗਾ।”
