Lawrence Bishnoi ਹੋਇਆ ਦੋਸ਼ ਮੁਕਤ, ਪੰਜਾਬ ਦੀ SIT ਨੇ ਦਿੱਤੀ ਰਾਹਤ; ਜੇਲ੍ਹ ‘ਚ ਇੰਟਰਵਿਊ ਨਾਲ ਜੁੜਿਆ ਹੈ ਮਾਮਲਾ

Punjab and Haryana High Court ਦੇ ਦਖ਼ਲ ‘ਤੇ ਇਸ ਸਾਲ 5 ਜਨਵਰੀ ਨੂੰ ਇੰਟਰਵਿਊਜ਼ ਦੇ ਸੰਬੰਧ ‘ਚ ਦੋ ਐੱਫਆਈਆਰ ਦਰਜ ਕੀਤੀਆਂ ਗਈਆਂ। 

ਗੈਂਗਸਟਰ ਲਾਰੈਂਸ ਬਿਸ਼ਨੋਈ (Lawrence Bishnoi) ਨੂੰ ਫਿਰੌਤੀ ਦੇ ਦੋਸ਼ਾਂ ਤੋਂ ਮੁਕਤ ਕਰ ਦਿੱਤਾ ਗਿਆ ਹੈ, ਪਰ ਉਸ ਉੱਪਰ ਧਮਕਾਉਣ ਦੀ ਜਾਂਚ ਜਾਰੀ ਰਹੇਗੀ। ਪੰਜਾਬ ਪੁਲਿਸ ਦੀ ਵਿਸ਼ੇਸ਼ ਜਾਂਚ ਟੀਮ (SIT) ਨੇ ਗੈਂਗਸਟਰ ਲਾਰੈਂਸ ਬਿਸ਼ਨੋਈ ਖ਼ਿਲਾਫ਼ ਦਰਜ ਕੇਸ ਨੂੰ ਰੱਦ ਕਰਨ ਲਈ ਮੁਹਾਲੀ ਅਦਾਲਤ ‘ਚ ਕੈਂਸਲੇਸ਼ਨ ਰਿਪੋਰਟ ਦਾਇਰ ਕਰ ਦਿੱਤੀ ਹੈ।

ਜਾਂਚ ਟੀਮ ਨੇ ਕਿਹਾ ਹੈ ਕਿ ਰਾਜਸਥਾਨ ਜੇਲ੍ਹ ਤੋਂ ਕਥਿਤ ਤੌਰ ‘ਤੇ ਦਿੱਤੀ ਗਈ ਦੂਜੀ ਟੀਵੀ ਇੰਟਰਵਿਊ ਦੇ ਸਬੰਧ ‘ਚ ਦਰਜ ਕੀਤੇ ਗਏ ਕੇਸ ਵਿੱਚ ਇਸ ਗੱਲ ਦਾ ਕੋਈ ਸਬੂਤ ਨਹੀਂ ਹੈ ਕਿ ਬਿਸ਼ਨੋਈ ਨੇ ਜਬਰਨ ਵਸੂਲੀ ਕੀਤੀ ਸੀ। ਜਾਂਚ ਦੌਰਾਨ ਪੁਲਿਸ ਤੋਂ ਜਾਣਕਾਰੀ ਛੁਪਾਉਣ ਦੇ ਦੋਸ਼ ਤੋਂ ਵੀ ਬਰੀ ਕਰ ਦਿੱਤਾ ਗਿਆ ਹੈ।