ਨਾਰਕੋ-ਟੇਰਰ ਮਾਮਲੇ ‘ਚ ਵੱਡਾ ਖੁਲਾਸਾ, ਗੋਇੰਦਵਾਲ ਜੇਲ੍ਹ ਤੋਂ ਚੱਲ ਰਿਹਾ ਸੀ ਇੰਟਰਨੈਸ਼ਨਲ ਡਰੱਗਸ ਸਿੰਡੀਕੇਟ
ਐਨਸੀਬੀ ਚੰਡੀਗੜ੍ਹ ਜ਼ੋਨਲ ਯੂਨਿਟ ਨੇ ਇੱਕ ਵੱਡੇ ਆਪ੍ਰੇਸ਼ਨ ‘ਚ ਇੱਕ ਵੱਡਾ ਖੁਲਾਸਾ ਕੀਤਾ ਹੈ। ਪੰਜਾਬ ਦੀ ਗੋਇੰਦਵਾਲ ਜੇਲ੍ਹ ਤੋਂ ਲਗਾਤਾਰ ਪਾਕਿਸਤਾਨ ਨਾਲ ਹੋ ਰਹੀ ਗੱਲਬਾਤ ਦਾ ਖੁਲਾਸਾ ਕੀਤਾ ਗਿਆ ਹੈ ਕਿ। ਇਸ ਦੌਰਾਨ, ਡਰੱਗ ਮਾਫੀਆ ਦੇ ਮੈਂਬਰਾਂ ਨੇ ਐਨਸੀਬੀ ਟੀਮ ‘ਤੇ ਹਮਲਾ ਕਰਨ ਦੀ ਕੋਸ਼ਿਸ਼ ਕੀਤੀ ਤੇ ਇੱਕ ਐਨਸੀਬੀ ਵਾਹਨ ਨੂੰ ਨੁਕਸਾਨ ਪਹੁੰਚਾਇਆ। ਗੋਇੰਦਵਾਲ ਜੇਲ੍ਹ ‘ਚ ਬੰਦ ਦੋ ਵੱਡੇ ਡਰੱਗ ਮਾਫੀਆ ਇੱਕ ਅੰਤਰਰਾਸ਼ਟਰੀ ਸਿੰਡੀਕੇਟ ਚਲਾ ਰਹੇ ਸਨ ਤੇ ਫਾਈਨ ਕਵਾਲਿਟੀ ਹੈਰੋਇਨ ਆਯਾਤ ਕਰ ਰਹੇ ਸਨ।
ਇੱਕ ਗੁਪਤ ਸੂਚਨਾ ‘ਤੇ ਕਾਰਵਾਈ ਕਰਦੇ ਹੋਏ, NCB ਨੇ ਮੋਹਾਲੀ ‘ਚ ਇੱਕ ਸ਼ੱਕੀ ਨੂੰ ਗ੍ਰਿਫ਼ਤਾਰ ਕੀਤਾ ਤੇ ਉਸਦੇ ਕਬਜ਼ੇ ‘ਚੋਂ ਪਾਕਿਸਤਾਨ ਮੇਡ ਹੈਰੋਇਨ ਬਰਾਮਦ ਕੀਤੀ। ਪੁੱਛਗਿੱਛ ਤੋਂ ਬਾਅਦ, NCB ਨੇ ਅੰਮ੍ਰਿਤਸਰ ‘ਚ ਪਾਕਿਸਤਾਨੀ ਕੁਨੈਕਸ਼ਨ ਨਾਲ ਜੁੜੇ ਇੱਕ ਵੱਡੇ ਡਰੱਗ ਰਿਸੀਵਰ ਨੂੰ ਵੀ ਹੈਰੋਇਨ ਨਾਲ ਗ੍ਰਿਫ਼ਤਾਰ ਕੀਤਾ।
NCB ਟੀਮ ‘ਤੇ ਹਮਲਾ ਕਰਨ ਦੀ ਕੋਸ਼ਿਸ਼
ਇਸ ਜ਼ਬਤੀ ਦੌਰਾਨ, ਡਰੱਗ ਮਾਫੀਆ ਨੇ ਨਾ ਸਿਰਫ਼ NCB ਟੀਮ ‘ਤੇ ਹਮਲਾ ਕਰਨ ਦੀ ਕੋਸ਼ਿਸ਼ ਕੀਤੀ, ਸਗੋਂ ਆਪਣੀ ਕਾਰ ਨੂੰ ਗਲਤ ਦਿਸ਼ਾ ‘ਚ ਤੇਜ਼ ਰਫ਼ਤਾਰ ਨਾਲ ਚਲਾ ਕੇ ਭੱਜਣ ਦੀ ਵੀ ਕੋਸ਼ਿਸ਼ ਕੀਤੀ। ਹਾਲਾਂਕਿ, NCB ਅਧਿਕਾਰੀਆਂ ਨੇ ਤੁਰੰਤ ਕਾਰਵਾਈ ਕੀਤੀ ਤੇ ਗੱਡੀ ਨੂੰ ਰੋਕਿਆ, ਜਿਸ ਨਾਲ ਇਸ ‘ਚ ਉਨ੍ਹਾਂ ਦੀ ਗੱਡੀ ਨੂੰ ਨੁਕਸਾਨ ਪਹੁੰਚਿਆ। ਹੁਣ ਤੱਕ, ਇਸ ਮਾਮਲੇ ‘ਚ ਚਾਰ ਗ੍ਰਿਫ਼ਤਾਰੀਆਂ ਕੀਤੀਆਂ ਗਈਆਂ ਹਨ ਤੇ 10 ਕਰੋੜ ਦੀ ਹੈਰੋਇਨ ਬਰਾਮਦ ਕੀਤੀ ਗਈ ਹੈ।
ਪੁੱਛਗਿੱਛ ਤੋਂ ਪਤਾ ਲੱਗਾ ਹੈ ਕਿ ਇਸ ਸਿੰਡੀਕੇਟ ਦੇ ਪਾਕਿਸਤਾਨ ਨਾਲ ਸਬੰਧ ਹਨ। ਗੋਇੰਦਵਾਲ ਜੇਲ੍ਹ ‘ਚ ਬੰਦ ਪੰਜਾਬ ਦੇ ਦੋ ਵੱਡੇ ਡਰੱਗ ਮਾਫੀਆ ਲਗਾਤਾਰ ਪਾਕਿਸਤਾਨ ਨਾਲ ਸੰਪਰਕ ਕਰ ਰਹੇ ਸਨ ਤੇ ਜੇਲ੍ਹ ‘ਚੋਂ ਡਿਲੀਵਰੀ ਟਿਕਾਣਿਆਂ, ਮਨੀ ਟ੍ਰੇਲ ਅਤੇ ਸਪਲਾਈ ਦਾ ਇੱਕ ਨੈਕਸਸ ਚਲਾ ਰਹੇ ਸਨ।
ਪਾਕਿਸਤਾਨ ਕਨੈਕਸ਼ਨ ਪੁੱਛਗਿੱਛ ਕਰੇਗੀ ਐਨਸੀਬੀ
ਧਿਆਨ ਦੇਣ ਯੋਗ ਹੈ ਕਿ ਇਹ ਉਹੀ ਗੋਇੰਦਵਾਲ ਜੇਲ੍ਹ ਹੈ, ਜਿੱਥੇ ਸਿੱਧੂ ਮੂਸੇਵਾਲਾ ਕਤਲ ਕੇਸ ਦੇ ਮੁਲਜ਼ਮਾਂ ‘ਚ ਝੜਪ ਹੋਈ ਸੀ। ਇਸ ਖੂਨੀ ਝੜਪ ‘ਚ, ਗੈਂਗਸਟਰਾਂ ਦਾ ਜੇਲ੍ਹ ਦੇ ਅੰਦਰ ਕਤਲ ਕਰ ਦਿੱਤਾ ਗਿਆ ਸੀ, ਜਿਸ ਦਾ ਇੱਕ ਵੀਡੀਓ ਗੈਂਗਸਟਰਾਂ ਨੇ ਜੇਲ੍ਹ ਦੇ ਅੰਦਰ ਆਪਣੇ ਮੋਬਾਈਲ ਫੋਨਾਂ ‘ਤੇ ਫਿਲਮਾਇਆ ਸੀ ਤੇ ਫਿਰ ਵਾਇਰਲ ਕੀਤਾ ਗਿਆ ਸੀ, ਜਿਸ ਨਾਲ ਕਈ ਜੇਲ੍ਹ ਅਧਿਕਾਰੀਆਂ ਨੂੰ ਦੋਸ਼ੀ ਠਹਿਰਾਇਆ ਗਿਆ ਸੀ। ਐਨਸੀਬੀ ਜਲਦੀ ਹੀ ਇਸ ਜੇਲ੍ਹ ‘ਚ ਬੰਦ ਦੋਵਾਂ ਡਰੱਗ ਮਾਫੀਆ ਨੂੰ ਅਦਾਲਤ ਰਾਹੀਂ ਹਿਰਾਸਤ ‘ਚ ਲੈ ਕੇ, ਉਨ੍ਹਾਂ ਤੋਂ ਉਨ੍ਹਾਂ ਦੇ ਪਾਕਿਸਤਾਨ ਕਨੈਕਸ਼ਨ ਬਾਰੇ ਪੁੱਛਗਿੱਛ ਕਰੇਗੀ।
