ਵਟਸਐਪ ਨੇ ਆਪਣੇ ਯੂਜ਼ਰਸ ਨੂੰ ਹੈਰਾਨ ਕਰ ਦਿੱਤਾ ਹੈ। ਕੰਪਨੀ ਨੇ ਐਪ ਦੀ ਕਲਰ ਸਕੀਮ ਬਦਲ ਦਿੱਤੀ ਹੈ। ਹੁਣ ਇਹ ਵਾਇਬ੍ਰੇਂਟ ਹਰਾ ਰੰਗ ਬਣ ਗਿਆ ਹੈ। ਯੂਜ਼ਰਸ ਇਸ ਬਦਲਾਅ ਨੂੰ ਲੈ ਕੇ ਕਾਫੀ ਪਰੇਸ਼ਾਨ ਹਨ ਕਿਉਂਕਿ ਉਨ੍ਹਾਂ ਨੂੰ ਇਸ ਦੇ ਪਿੱਛੇ ਦਾ ਕਾਰਨ ਸਮਝ ਨਹੀਂ ਆ ਰਿਹਾ ਹੈ। ਐਪ ਵਿੱਚ ਲੌਗਇਨ ਕਰਨ ਤੋਂ ਬਾਅਦ ਬਹੁਤ ਸਾਰੇ ਉਪਭੋਗਤਾ ਨੂੰ ਵਟਸਐਪ ਦੀ ਨਵੀਂ ਗ੍ਰੀਨ ਥੀਮ ਦੇਖਣ ਨੂੰ ਮਿਲ ਰਹੀ ਹੈ। ਵਟਸਐਪ ‘ਚ ਕੀਤੇ ਗਏ ਇਸ ਬਦਲਾਅ ਨੂੰ ਯੂਜ਼ਰਸ ਨੇ ਖਾਸ ਪਸੰਦ ਨਹੀਂ ਕੀਤਾ। ਕੁਝ ਉਪਭੋਗਤਾਵਾਂ ਨੇ ਵੱਖ-ਵੱਖ ਪਲੇਟਫਾਰਮਾਂ ‘ਤੇ ਇਸ ਬਾਰੇ ਸ਼ਿਕਾਇਤ ਕੀਤੀ ਅਤੇ ਕਿਹਾ ਕਿ ਉਨ੍ਹਾਂ ਨੂੰ ਗ੍ਰੀਨ ਥੀਮ ਬਿਲਕੁਲ ਪਸੰਦ ਨਹੀਂ ਹੈ। ਰਿਪੋਰਟਾਂ ਮੁਤਾਬਕ ਵਟਸਐਪ ਨੇ ਯੂਜ਼ਰਸ ਦੇ ਵਿਜ਼ੂਅਲ ਅਨੁਭਵ ਨੂੰ ਬਿਹਤਰ ਬਣਾਉਣ ਲਈ ਥੀਮ ਨੂੰ ਬਦਲਿਆ ਹੈ। ਮੈਟਾ ਇਸ ਥੀਮ ਰਾਹੀਂ ਉਪਭੋਗਤਾਵਾਂ ਨੂੰ ਇੱਕ ਆਧੁਨਿਕ ਅਤੇ ਪਹੁੰਚਯੋਗ ਇੰਟਰਫੇਸ ਦੀ ਪੇਸ਼ਕਸ਼ ਕਰਨਾ ਚਾਹੁੰਦਾ ਹੈ। ਕੰਪਨੀ ਹੌਲੀ-ਹੌਲੀ ਇਸ ਅਪਡੇਟ ਨੂੰ ਯੂਜ਼ਰਸ ਤੱਕ ਪਹੁੰਚਾ ਰਹੀ ਹੈ। ਖਾਸ ਗੱਲ ਇਹ ਹੈ ਕਿ ਯੂਜ਼ਰਸ ਇਸ ਅਪਡੇਟ ਤੋਂ ਇਨਕਾਰ ਨਹੀਂ ਕਰ ਸਕਦੇ ਹਨ। ਯਾਨੀ ਆਉਣ ਵਾਲੇ ਦਿਨਾਂ ‘ਚ ਸਾਰੇ ਯੂਜ਼ਰਸ ਨੂੰ ਨਵੀਂ ਥੀਮ ਨਾਲ WhatsApp ਚਲਾਉਣ ਦੀ ਆਦਤ ਪਾਉਣੀ ਪਵੇਗੀ।
ਵਟਸਐਪ ‘ਚ ਕੀਤਾ ਜਾ ਰਿਹਾ ਇਹ ਬਦਲਾਅ ਪਹਿਲਾਂ iOS ਯੂਜ਼ਰਸ ਤੱਕ ਪਹੁੰਚ ਰਿਹਾ ਹੈ। ਕੰਪਨੀ ਸਾਰੇ iOS ਡਿਵਾਈਸਾਂ ਲਈ ਗ੍ਰੀਨ ਥੀਮ ਨੂੰ ਰੋਲ ਆਊਟ ਕਰ ਰਹੀ ਹੈ। ਥੀਮ ਤੋਂ ਇਲਾਵਾ ਯੂਜ਼ਰਸ ਐਪ ਦੇ ਆਈਕਨ ਅਤੇ ਬਟਨਾਂ ‘ਚ ਵੀ ਬਦਲਾਅ ਦੇਖਣਗੇ। ਐਂਡ੍ਰਾਇਡ ਯੂਜ਼ਰਸ ਦੀ ਗੱਲ ਕਰੀਏ ਤਾਂ ਇਹ ਯੂਜ਼ਰਸ ਵਟਸਐਪ ਦੇ ਗ੍ਰੀਨ ਆਈਕਨ ਦੇ ਆਦੀ ਹਨ। ਹਾਲਾਂਕਿ, ਐਂਡ੍ਰਾਇਡ ਯੂਜ਼ਰਸ ਨੂੰ ਕਲਰ ਟੋਨ ‘ਚ ਵੀ ਥੋੜ੍ਹਾ ਬਦਲਾਅ ਦੇਖਣ ਨੂੰ ਮਿਲੇਗਾ। ਇਸ ਵਿੱਚ ਡਾਰਕ ਮੋਡ ਵਿੱਚ ਸੁਧਾਰ ਦੇ ਨਾਲ-ਨਾਲ ਲਾਈਟ ਮੋਡ ਵਿੱਚ ਸੁਧਾਰ ਸ਼ਾਮਿਲ ਹਨ। ਇਸ ਤੋਂ ਇਲਾਵਾ, ਕੰਪਨੀ ਐਪ ਦੇ ਅੰਦਰ ਮੌਜੂਦ ਟੈਬਾਂ ਨੂੰ ਉੱਪਰ ਤੋਂ ਹੇਠਾਂ ਤੱਕ ਬਦਲੇਗੀ, ਜਿਸ ਨਾਲ ਉਪਭੋਗਤਾਵਾਂ ਨੂੰ ਪਹਿਲਾਂ ਦੇ ਮੁਕਾਬਲੇ ਵਿਕਲਪਾਂ ਦੇ ਨੈਵੀਗੇਸ਼ਨ ਵਿੱਚ ਵਧੇਰੇ ਆਸਾਨੀ ਹੋਵੇਗੀ।
