ਤੁਹਾਡੇ ਨਾਲ-ਨਾਲ ਤੁਹਾਡੀਆਂ ਕੁਝ ਆਦਤਾਂ ਵੀ ਤੁਹਾਡੀ ਬਲੱਡ ਸ਼ੂਗਰ ਨੂੰ ਵਧਾ ਦਿੰਦੀਆਂ ਹਨ ਪਰ ਅਣਜਾਣੇ ‘ਚ ਅਸੀਂ ਉਨ੍ਹਾਂ ਆਦਤਾਂ ਵੱਲ ਇੰਨਾ ਧਿਆਨ ਨਹੀਂ ਦਿੰਦੇ
ਲੋਕ ਸੋਚਦੇ ਹਨ ਕਿ ਜ਼ਿਆਦਾ ਖੰਡ ਜਾਂ ਚੌਲਾਂ ਦਾ ਸੇਵਨ ਹੀ ਬਲੱਡ ਸ਼ੂਗਰ (Blood Sugar Spike) ਨੂੰ ਵਧਾਉਂਦਾ ਹੈ। ਆਪਣੀ ਡਾਈਟ ਵਿੱਚ ਮਾਮੂਲੀ ਬਦਲਾਅ ਕਰਨ ਨਾਲ ਲੋਕ ਇਹ ਉਮੀਦ ਕਰਨ ਲੱਗ ਜਾਂਦੇ ਹਨ ਕਿ ਉਨ੍ਹਾਂ ਦਾ ਬਲੱਡ ਸ਼ੂਗਰ ਕੰਟਰੋਲ ‘ਚ ਰਹੇਗੀ ਪਰ ਡਾਈਟ ਤੋਂ ਇਲਾਵਾ ਹੋਰ ਵੀ ਕਈ ਕਾਰਨ ਹਨ ਜੋ ਬਲੱਡ ਸ਼ੂਗਰ ਲੈਵਲ ਵਧਾ ਸਕਦੇ ਹਨ। ਤੁਹਾਡੇ ਨਾਲ-ਨਾਲ ਤੁਹਾਡੀਆਂ ਕੁਝ ਆਦਤਾਂ ਵੀ ਤੁਹਾਡੀ ਬਲੱਡ ਸ਼ੂਗਰ ਨੂੰ ਵਧਾ ਦਿੰਦੀਆਂ ਹਨ ਪਰ ਅਣਜਾਣੇ ‘ਚ ਅਸੀਂ ਉਨ੍ਹਾਂ ਆਦਤਾਂ ਵੱਲ ਇੰਨਾ ਧਿਆਨ ਨਹੀਂ ਦਿੰਦੇ। ਆਓ ਜਾਣਦੇ ਹਾਂ ਉਨ੍ਹਾਂ ਪੰਜ ਆਦਤਾਂ ਬਾਰੇ ਜੋ ਬਲੱਡ ਸ਼ੂਗਰ ਨੂੰ ਵਧਾਉਂਦੀਆਂ ਹਨ- ਨਾਸ਼ਤਾ ਛੱਡਣਾ ਕੋਰਟੀਸੋਲ ਪੰਪ ਹੋ ਕੇ ਬਲੱਡ ਸ਼ੂਗਰ ਦੇ ਪੱਧਰ ਨੂੰ ਕੰਟਰੋਲ ਕਰਦਾ ਹੈ ਜਿਸ ਨਾਲ ਬਲੱਡ ਸ਼ੂਗਰ ਦਾ ਪੱਧਰ ਵੀ ਵਧ ਜਾਂਦਾ ਹੈ। ਕੋਰਟੀਸੋਲਇੱਕ ਗਲੂਕੋਕਾਰਟੀਕੋਇਡ ਹਾਰਮੋਨ ਹੈ, ਜੋ ਕਿ ਸਟ੍ਰੈੱਸ ਹਾਰਮੋਨ ਵੀ ਹੈ ਜੋ ਪ੍ਰੋਟੀਨ ਨੂੰ ਗਲੂਕੋਜ਼ ‘ਚ ਬਦਲਦਾ ਹੈ। ਨਾਸ਼ਤਾ ਛੱਡਣ ਦੀ ਤਰ੍ਹਾਂ ਨਾਸ਼ਤੇ ‘ਚ ਕੌਫੀ ਦਾ ਸੇਵਨ ਕਰਨ ਨਾਲ ਕੋਰਟੀਸੋਲ ਦਾ ਪੱਧਰ ਵਧਦਾ ਹੈ। ਨਾਸ਼ਤੇ ਤੋਂ ਪਹਿਲਾਂ ਵੀ ਕੌਫੀ ਪੀਣਾ ਕਿਸੇ ਵੀ ਤਰ੍ਹਾਂ ਨਾਲ ਫਾਇਦੇਮੰਦ ਨਹੀਂ ਹੈ। ਕੌਫੀ ਪੀਣ ਨਾਲ ਭੁੱਖ ਘੱਟ ਜਾਂਦੀ ਹੈ। ਨਾਸ਼ਤੇ ‘ਚ ਇਸਦਾ ਸੇਵਨ ਅਸਲ ਨਾਸ਼ਤੇ ‘ਚ ਹੋਰ ਦੇਰੀ ਕਰ ਸਕਦਾ ਹੈ, ਜੋ ਸਰੀਰ ਦਾ ਸਸਰਕੈਡੀਅਨ ਰਿਦਮ ਜਾਂ ਬਾਡੀ ਕਲੌਕ ਨੂੰ ਪ੍ਰਭਾਵਿਤ ਕਰਦਾ ਹੈ। ਇਸ ਕਾਰਨ ਬਲੱਡ ਸ਼ੂਗਰ ਤੇਜ਼ੀ ਨਾਲ ਵਧਦੀ ਹੈ। ਸਵੇਰੇ ਚੜ੍ਹਦੇ ਸੂਰਜ ਨੂੰ ਦੇਖਣ ਨਾਲ ਸਰੀਰ ਦਾ ਸਰਕੈਡੀਅਨ ਚੱਕਰ ਹੌਲੀ-ਹੌਲੀ ਸ਼ੁਰੂ ਹੁੰਦਾ ਹੈ ਤੇ ਕੋਰਟੀਸੋਲ ਦਾ ਪੱਧਰ ਵੀ ਸੁਚਾਰੂ ਢੰਗ ਨਾਲ ਵਧਦਾ ਹੈ। ਇਸ ਦੇ ਨਾਲ ਹੀ ਕੌਫੀ ਪੀਣ ਨਾਲ ਇਹ ਪੱਧਰ ਅਚਾਨਕ ਵਧ ਜਾਂਦਾ ਹੈ, ਜਿਸ ਨਾਲ ਬਲੱਡ ਸ਼ੂਗਰ ਲੈਵਲ ‘ਤੇ ਅਸਰ ਪੈਂਦਾ ਹੈ। ਸਨਰਾਈਜ਼ ‘ਚ ਬਹੁਤ ਸਾਰੀ ਰੈੱਡ ਲਾਈਟ ਹੁੰਦੀ ਹੈ, ਜਿਸ ਕਾਰਨ ਸੈੱਲਾਂ ਦਾ ਮਾਈਟੋਕਾਂਡਰੀਆ ਗਲੂਕੋਜ਼ ਦੀ ਤੇਜ਼ੀ ਨਾਲ ਵਰਤੋਂ ਕਰਦੇ ਹਨ ਤੇ ਬਲੱਡ ਸ਼ੂਗਰ ਦੇ ਪੱਧਰ ਨੂੰ ਘੱਟ ਕਰਦਾ ਹੈ। ਜਿਵੇਂ-ਜਿਵੇਂ ਦਿਨ ਵਧਦਾ ਜਾਂਦਾ ਹੈ ਇਨਸੁਲਿਨ ਦੀ ਸੰਵੇਦਨਸ਼ੀਲਤਾ ਵਿਗੜਦੀ ਜਾਂਦੀ ਹੈ। ਇਸਦਾ ਮਤਲਬ ਇਹ ਹੈ ਕਿ ਸਾਡੀ ਬਲੱਡ ਸ਼ੂਗਰ ਪ੍ਰਤੀਕ੍ਰਿਆ ਸਵੇਰ ਤੋਂ ਰਾਤ ਤਕ ਖਰਾਬ ਹੁੰਦੀ ਜਾਂਦੀ ਹੈ, ਖਾਸ ਤੌਰ ‘ਤੇ ਦਿਲ ਢਲਣ ਤੋਂ ਬਾਅਦ। ਇਸ ਲਈ, ਇਹ ਸਮਝਣਾ ਚਾਹੀਦਾ ਹੈ ਕਿ ਸੂਰਜ ਢਲਦੇ ਹੀ ਇਨਸੁਲਿਨ ਦੇ ਕੰਮ ਕਰਨ ਦੀ ਸਮਰੱਥਾ ਵੀ ਘਟਣ ਲਗਦੀ ਹੈ। ਅਜਿਹੀ ਸਥਿਤੀ ‘ਚ ਸੌਣ ਤੋਂ ਤੁਰੰਤ ਪਹਿਲਾਂ ਖਾਣਾ ਇਨਸੁਲਿਨ ਵਧਾਉਂਦਾ ਹੈ। ਨੀਲੀ ਰੋਸ਼ਨੀ ਕੋਰਟੀਸੋਲ ਦੇ ਪੱਧਰ ਨੂੰ ਵਧਾਉਂਦੀ ਹੈ। ਰਾਤ ਨੂੰ ਸੌਣ ਤੋਂ ਪਹਿਲਾਂ ਵਰਤੀਆਂ ਜਾਣ ਵਾਲੀਆਂ ਲਗਪਗ ਸਾਰੀਆਂ ਸਕਰੀਨਾਂ ਜਿਵੇਂ ਲੈਪਟਾਪ, ਟੀਵੀ ਜਾਂ ਮੋਬਾਈਲ ‘ਚ ਭਾਰੀ ਨੀਲੀ ਰੋਸ਼ਨੀ ਮੌਜੂਦ ਹੁੰਦੀ ਹੈ। ਸੂਰਜ ਢਲਣ ਤੋਂ ਬਾਅਦ ਇਨ੍ਹਾਂ ਨੀਲੀਆਂ ਬੱਤੀਆਂ ਦੀ ਵਰਤੋਂ ਕਰਨ ਨਾਲ ਸਾਡੇ ਸਰੀਰ ‘ਤੇ ਮਾੜਾ ਪ੍ਰਭਾਵ ਪੈਂਦਾ ਹੈ। ਨੀਲੀ ਰੋਸ਼ਨੀ ਕੋਰਟੀਸੋਲ ਦੇ ਨਾਲ-ਨਾਲ ਬਲੱਡ ਸ਼ੂਗਰ ਅਤੇ ਇਨਸੁਲਿਨ ਦੇ ਪੱਧਰ ਨੂੰ ਵੀ ਵਧਾਉਂਦੀ ਹੈ।
