ਧੂੰਆਂ ਨਹੀਂ, ਸਿਰਫ਼ ਭਾਫ਼ ਛੱਡੇਗੀ ਭਾਰਤ ਦੀ ਪਹਿਲੀ ਹਾਈਡ੍ਰੋਜਨ ਟ੍ਰੇਨ, ਬਿਨਾਂ Diesel-ਬਿਨਾਂ ਬਿਜਲੀ ਕਿਵੇਂ ਦੌੜੇਗੀ ਇਹ ਗੱਡੀ? ਜਾਣੋ ਸਭ ਕੁਝ

ਵਿਕਸਿਤ ਦੇਸ਼ਾਂ ਲਈ ਚੁਣੌਤੀ ਬਣਿਆ ਭਾਰਤ ਸ਼ੁੱਕਰਵਾਰ (17 ਜੁਲਾਈ, 2026) ਨੂੰ ਹਾਈਡ੍ਰੋਜਨ ਟ੍ਰੇਨ ਦੇ ਇੱਕ ਨਵੇਂ ਯੁੱਗ ‘ਚ ਪ੍ਰਵੇਸ਼ ਕਰ ਗਿਆ।

ਵਿਕਸਿਤ ਦੇਸ਼ਾਂ ਲਈ ਚੁਣੌਤੀ ਬਣਿਆ ਭਾਰਤ ਸ਼ੁੱਕਰਵਾਰ (17 ਜੁਲਾਈ, 2026) ਨੂੰ ਹਾਈਡ੍ਰੋਜਨ ਟ੍ਰੇਨ ਦੇ ਇੱਕ ਨਵੇਂ ਯੁੱਗ ‘ਚ ਪ੍ਰਵੇਸ਼ ਕਰ ਗਿਆ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਹਰਿਆਣਾ ਦੀ ਰਾਜਨੀਤਿਕ ਰਾਜਧਾਨੀ ਕਹੇ ਜਾਣ ਵਾਲੇ ਜੀਂਦ ਤੋਂ ਹਵਾ-ਪਾਣੀ ਨਾਲ ਚੱਲਣ ਵਾਲੀ ਦੇਸ਼ ਦੀ ਪਹਿਲੀ ਹਾਈਡ੍ਰੋਜਨ ਟ੍ਰੇਨ ਨੂੰ ਹਰੀ ਝੰਡੀ ਦਿਖਾ ਕੇ ਰਵਾਨਾ ਕੀਤਾ, ਜੋ ਜੀਂਦ ਤੋਂ ਸੋਨੀਪਤ ਵਿਚਕਾਰ ਦੌੜੇਗੀ।

ਇਨ੍ਹਾਂ ਦੋਵਾਂ ਸ਼ਹਿਰਾਂ ਦੇ ਵਿਚਕਾਰ 15 ਸਟੇਸ਼ਨ ਹੋਣਗੇ। ਇਸ ਦੇ ਨਾਲ ਹੀ ਭਾਰਤ ਹੁਣ ਜਰਮਨੀ, ਫਰਾਂਸ, ਇਟਲੀ, ਚੀਨ ਅਤੇ ਜਾਪਾਨ ਵਰਗੇ ਚੋਣਵੇਂ ਦੇਸ਼ਾਂ ਦੇ ਵਿਸ਼ੇਸ਼ ਕਲੱਬ ‘ਚ ਸ਼ਾਮਲ ਹੋ ਗਿਆ ਹੈ। ਇਨ੍ਹਾਂ ਦੇਸ਼ਾਂ ‘ਚ ਜਿੱਥੇ ਆਮ ਤੌਰ ‘ਤੇ ਦੋ ਤੋਂ ਚਾਰ ਡੱਬਿਆਂ ਵਾਲੀ ਹਾਈਡ੍ਰੋਜਨ ਟ੍ਰੇਨ ਦਾ ਸੰਚਾਲਨ ਹੁੰਦਾ ਹੈ। ਉੱਥੇ ਹੀ, ਭਾਰਤ ‘ਚ ਪਹਿਲੀ ਹਾਈਡ੍ਰੋਜਨ ਟ੍ਰੇਨ ‘ਚ 10 ਕੋਚ ਹਨ, ਜਿਸ ‘ਚ 2600 ਯਾਤਰੀ ਇੱਕੋ ਸਮੇਂ ਸਫ਼ਰ ਕਰ ਸਕਣਗੇ। ਅਗਲੇ ਪੜਾਅ ‘ਚ 34 ਹੋਰ ਹਾਈਡ੍ਰੋਜਨ ਟ੍ਰੇਨਾਂ ਦੇਸ਼ ਦੇ ਵੱਖ-ਵੱਖ ਹਿੱਸਿਆਂ ‘ਚ ਦੌੜਦੀਆਂ ਦਿਖਾਈ ਦੇਣਗੀਆਂ।