ਜਲੰਧਰ ਦੇ ਕਿਸ਼ਨਪੁਰ ‘ਚ ਸਥਿਤ ਇੱਕ ਪ੍ਰਸਿੱਧ ਬਾਰ ‘ਚ ਸ਼ਰਾਬ ਪੀਣ ਦੌਰਾਨ ਸ਼ੁਰੂ ਹੋਇਆ ਝਗੜਾ ਹਿੰਸਕ ਝੜਪ ‘ਚ ਬਦਲ ਗਿਆ।
ਇਲਜ਼ਾਮ ਹੈ ਕਿ ਇੱਕ ਮਾਮੂਲੀ ਗੱਲ ਨੂੰ ਲੈ ਕੇ, ਨੌਜਵਾਨਾਂ ਦੇ ਇੱਕ ਗਰੁੱਪ ਨੇ ਰੈਸਟੋਰੈਂਟ ਦੇ ਸਟਾਫ਼ ‘ਤੇ ਹਮਲਾ ਕੀਤਾ ਤੇ ਹੰਗਾਮਾ ਕੀਤਾ, ਇਸ ਨਾਲ ਬਾਰ ਦਾ ਕਾਫ਼ੀ ਨੁਕਸਾਨ ਹੋਇਆ। ਘਟਨਾ ਤੋਂ ਬਾਅਦ ਪੁਲਿਸ ਮੌਕੇ ‘ਤੇ ਪਹੁੰਚੀ। ਪੁਲਿਸ ਨੇ ਸੀਸੀਟੀਵੀ ਫੁਟੇਜ ਜ਼ਬਤ ਕਰ ਲਈ ਹੈ ਤੇ ਦੋਸ਼ੀ ਵਿਅਕਤੀਆਂ ਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ।
ਇਹ ਘਟਨਾ ਕਿਸ਼ਨਪੁਰ ਦੇ ‘ਚੀਅਰਸ ਐਂਡ ਬੀਅਰਸ’ ਬਾਰ ਐਂਡ ਰੈਸਟੋਰੈਂਟ ‘ਚ ਵਾਪਰੀ। ਨੌਜਵਾਨਾਂ ਦਾ ਇੱਕ ਗਰੁੱਪ ਰੈਸਟੋਰੈਂਟ ‘ਚ ਬੈਠੇ ਕੇ ਸ਼ਰਾਬ ਪੀ ਰਿਹਾ ਸੀ। ਇਸ ਦੌਰਾਨ, ਇੱਕ ਨੌਜਵਾਨ, ਜੋ ਬਹੁਤ ਜ਼ਿਆਦਾ ਨਸ਼ੇ ‘ਚ ਸੀ। ਉਸ ਨੇ ਵਾਸ਼ਰੂਮ ਦੇ ਕੋਲ ਉਲਟੀ ਕਰ ਦਿੱਤੀ। ਜਦੋਂ ਇੱਕ ਰੈਸਟੋਰੈਂਟ ਕਰਮਚਾਰੀ ਨੇ ਇਸ ਵਿਵਹਾਰ ‘ਤੇ ਇਤਰਾਜ਼ ਕੀਤਾ ਤੇ ਨੌਜਵਾਨ ਗੁੱਸੇ ‘ਚ ਆ ਗਏ। ਕੁੱਝ ਹੀ ਸਮੇਂ ‘ਚ ਬਹਿਸ ਕਾਬੂ ਤੋਂ ਬਾਹਰ ਹੋ ਗਈ। ਨੌਜਵਾਨਾਂ ਨੇ ਗਾਲੀ-ਗਲੋਚ ਕਰਨੀ ਸ਼ੁਰੂ ਕਰ ਦਿੱਤੀ ਤੇ ਜ਼ੁਬਾਨੀ ਝੜਪ ਨੇ ਜਲਦੀ ਹੀ ਹਿੰਸਕ ਰੂਪ ਲੈ ਲਿਆ।
ਹੰਗਾਮਾ ਹੁੰਦੇ ਦੇਖ ਹੋਰ ਕਰਮਚਾਰੀ ਦਖਲ ਦੇਣ ਲਈ ਦੌੜੇ, ਇਲਜ਼ਾਮ ਹੈ ਕਿ ਨੌਜਵਾਨਾਂ ਨੇ ਉਨ੍ਹਾਂ ‘ਤੇ ਵੀ ਹਮਲਾ ਕਰ ਦਿੱਤਾ। ਨੌਜਵਾਨਾਂ ਨੇ ਨਾ ਸਿਰਫ਼ ਸਟਾਫ ‘ਤੇ ਸਰੀਰਕ ਹਮਲਾ ਕੀਤਾ, ਬਲਕਿ ਰੈਸਟੋਰੈਂਟ ਦੇ ਅੰਦਰ ਮਹਿੰਗੇ ਸ਼ੀਸ਼ੇ ਦੇ ਫਿਕਸਚਰ, ਫਰਨੀਚਰ ਤੇ ਹੋਰ ਜਾਇਦਾਦ ਦੀ ਵੀ ਭੰਨ-ਤੋੜ ਕੀਤੀ।
ਘਟਨਾ ਤੋਂ ਬਾਅਦ ਰੈਸਟੋਰੈਂਟ ਮੈਨੇਜਰ ਨੇ ਤੁਰੰਤ ਸਥਾਨਕ ਪੁਲਿਸ ਸਟੇਸ਼ਨ ਨੂੰ ਸੂਚਿਤ ਕੀਤਾ। ਇਸ ਤੋਂ ਥੋੜ੍ਹੀ ਦੇਰ ਬਾਅਦ ਇੱਕ ਪੁਲਿਸ ਟੀਮ ਮੌਕੇ ‘ਤੇ ਪਹੁੰਚੀ, ਪਰ ਉਦੋਂ ਤੱਕ ਨੌਜਵਾਨ ਪਹਿਲਾਂ ਹੀ ਵਾਰਦਾਤ ਵਾਲੀ ਤੋਂ ਭੱਜ ਚੁੱਕੇ ਸਨ। ਪੁਲਿਸ ਨੇ ਅਪਰਾਧ ਵਾਲੀ ਥਾਂ ਦਾ ਮੁਆਇਨਾ ਕੀਤਾ ਹੈ ਤੇ ਰੈਸਟੋਰੈਂਟ ਦੇ ਅੰਦਰ ਲੱਗੇ ਸੀਸੀਟੀਵੀ ਕੈਮਰਿਆਂ ਦੁਆਰਾ ਰਿਕਾਰਡ ਕੀਤੀ ਗਈ ਫੁਟੇਜ ਨੂੰ ਆਪਣੇ ਕਬਜ਼ੇ ‘ਚ ਲੈ ਲਿਆ ਹੈ।
ਪੁਲਿਸ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਸੀਸੀਟੀਵੀ ਫੁਟੇਜ ‘ਚ ਨੌਜਵਾਨਾਂ ਦੇ ਚਿਹਰੇ ਸਾਫ਼ ਦਿਖਾਈ ਦੇ ਰਹੇ ਹਨ। ਇੱਕ ਕੇਸ ਦਰਜ ਕਰ ਲਿਆ ਗਿਆ ਹੈ ਤੇ ਵੀਡੀਓ ਸਬੂਤਾਂ ਦੇ ਆਧਾਰ ‘ਤੇ ਨੌਜਵਾਨਾਂ ਦੀ ਪਛਾਣ ਕਰਨ ਦੀਆਂ ਕੋਸ਼ਿਸ਼ਾਂ ਜਾਰੀ ਹਨ। ਪੁਲਿਸ ਨੇ ਦਾਅਵਾ ਕੀਤਾ ਹੈ ਕਿ ਮੁਲਜ਼ਮਾਂ ਨੂੰ ਜਲਦੀ ਹੀ ਗ੍ਰਿਫ਼ਤਾਰ ਕਰ ਲਿਆ ਜਾਵੇਗਾ ਤੇ ਉਨ੍ਹਾਂ ਵਿਰੁੱਧ ਸਖ਼ਤ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ।
