ਚੋਣ ਨਤੀਜਿਆਂ ਵਿੱਚ ਅਹਿਮ ਹੁੰਦੇ ਹਨ ਸਵਿੰਗ ਸਟੇਟਸ
ਵ੍ਹਾਈਟ ਹਾਊਸ ਦੀ ਦੌੜ ਕੌਣ ਜਿੱਤਦਾ ਹੈ ਇਹ ਇਨ੍ਹਾਂ ਸੱਤ ਸਵਿੰਗ ਸਟੇਟਸ ਦੇ ਨਤੀਜਿਆਂ ‘ਤੇ ਨਿਰਭਰ ਕਰਦਾ ਹੈ, ਜਿਸ ਵਿੱਚ ਐਰੀਜ਼ੋਨਾ, ਜਾਰਜੀਆ, ਮਿਸ਼ੀਗਨ, ਨੇਵਾਦਾ, ਉੱਤਰੀ ਕੈਰੋਲੀਨਾ, ਪੈਨਸਿਲਵੇਨੀਆ ਅਤੇ ਵਿਸਕਾਨਸਿਨ ਸ਼ਾਮਲ ਹਨ। ਕਮਲਾ ਹੈਰਿਸ ਨੇ ਡਿਸਟ੍ਰਿਕਟ ਆਫ ਕੋਲੰਬੀਆ, ਵਰਜੀਨੀਆ, ਕੋਲੋਰਾਡੋ ਅਤੇ ਮਿਨੇਸੋਟਾ ਤੋਂ ਚੋਣ ਜਿੱਤੀ ਹੈ ਜਦਕਿ ਡੋਨਾਲਡ ਟਰੰਪ ਨੇ ਉੱਤਰੀ ਕੈਰੋਲੀਨਾ, ਆਇਓਵਾ, ਮੋਂਟਾਨਾ, ਮਿਸੂਰੀ ਅਤੇ ਉਤਾਹ ਤੋਂ ਜਿੱਤ ਹਾਸਲ ਕੀਤੀ ਹੈ।
ਕਮਲਾ ਹੈਰਿਸ ਨੇ ਮੇਨ ਵਿੱਚ ਪਹਿਲੀ ਕਾਂਗਰੇਸ਼ਨਲ ਡਿਸਟ੍ਰਿਕਟ ਵਿੱਚ ਜਿੱਤ ਦਰਜ ਕੀਤੀ ਅਤੇ ਇੱਕ ਇਲੈਕਟੋਰਲ ਕਾਲਜ ਵੋਟ ਹਾਸਲ ਕੀਤੀ। ਉਹ ਕੈਲੀਫੋਰਨੀਆ, ਓਰੇਗਨ ਅਤੇ ਵਾਸ਼ਿੰਗਟਨ ਵਿੱਚ ਵੀ ਜਿੱਤ ਚੁੱਕੇ ਹਨ। ਡੈਮੋਕਰੇਟ ਸੁਹਾਸ ਸੁਬਰਾਮਨੀਅਮ ਨੇ ਉੱਤਰੀ ਵਰਜੀਨੀਆ ਦੀ ਪ੍ਰਤੀਨਿਧਤਾ ਕਰਨ ਵਾਲੇ ਅਮਰੀਕੀ ਸਦਨ ਦੀ ਸੀਟ ਲਈ ਚੋਣ ਜਿੱਤ ਲਈ ਹੈ।
ਅਮਰੀਕਾ ਵਿੱਚ 50 ਰਾਜ ਹਨ ਅਤੇ ਸਵਿੰਗ ਰਾਜਾਂ ਨੂੰ ਛੱਡ ਕੇ ਉਨ੍ਹਾਂ ਵਿੱਚੋਂ ਜ਼ਿਆਦਾਤਰ ਹਰ ਚੋਣ ਵਿੱਚ ਇੱਕੋ ਪਾਰਟੀ ਨੂੰ ਵੋਟ ਦਿੰਦੇ ਰਹੇ ਹਨ। ਕਿਹਾ ਜਾਂਦਾ ਹੈ ਕਿ ਚੋਣਾਵੀ ਤੌਰ ‘ਤੇ ਮਹੱਤਵਪੂਰਨ ਮੰਨੇ ਜਾਂਦੇ ਇਨ੍ਹਾਂ ਸਵਿੰਗ ਰਾਜਾਂ ‘ਚ ਵੋਟਰਾਂ ਦਾ ਝੁਕਾਅ ਬਦਲਦਾ ਰਹਿੰਦਾ ਹੈ। ਇਲੈਕਟੋਰਲ ਕਾਲਜ ਦੀਆਂ ਵੋਟਾਂ ਜਨਸੰਖਿਆ ਦੇ ਆਧਾਰ ‘ਤੇ ਰਾਜਾਂ ਨੂੰ ਦਿੱਤੀਆਂ ਜਾਂਦੀਆਂ ਹਨ। ਕੁੱਲ 538 ਇਲੈਕਟੋਰਲ ਕਾਲਜ ਦੀਆਂ ਵੋਟਾਂ ਲਈ ਵੋਟਿੰਗ ਹੁੰਦੀ ਹੈ। ਜਿਸ ਉਮੀਦਵਾਰ ਨੂੰ 270 ਜਾਂ ਇਸ ਤੋਂ ਵੱਧ ਇਲੈਕਟੋਰਲ ਕਾਲਜ ਵੋਟਾਂ ਮਿਲਦੀਆਂ ਹਨ, ਉਸਨੂੰ ਚੋਣ ਦਾ ਜੇਤੂ ਐਲਾਨਿਆ ਜਾਂਦਾ ਹੈ।
