ਉਹ ਦੋਵੇਂ ਘਰ ਵਿਚ ਦਾਖ਼ਲ ਹੋਏ ਤੇ…’ ਕਿਵੇਂ ਹੋਇਆ ਸਰਬਜੀਤ ਦੇ ਕਾਤਲ ਦਾ ਕਤਲ, ਚਸ਼ਮਦੀਦ ਭਰਾ ਨੇ ਦੱਸੀ ਅੱਖਾਂ-ਦੇਖੀ

ਪੁਲਿਸ ਇਸ ਘਟਨਾ ਦੀ ਜਾਂਚ ਕਰ ਰਹੀ ਹੈ। ਐਫਆਈਆਰ ਮੁਤਾਬਕ ਆਮਿਰ ਸਰਫਰਾਜ਼ ਦੇ ਭਰਾ ਜੁਨੈਦ ਸਰਫਰਾਜ ਨੇ ਕੁਝ ਜਾਣਕਾਰੀ ਸਾਂਝੀ ਕੀਤੀ ਹੈ। ਘਟਨਾ ਸਬੰਧੀ ਜਾਣਕਾਰੀ ਦਿੰਦਿਆਂ ਉਨ੍ਹਾਂ ਦੱਸਿਆ ਕਿ ਘਟਨਾ ਸਮੇਂ ਉਹ ਅਤੇ ਉਸ ਦਾ ਵੱਡਾ ਭਰਾ ਘਰ ‘ਚ ਮੌਜੂਦ ਸਨ।

ਜੁਨੈਦ ਨੇ ਦੱਸਿਆ ਕਿ ਉਹ ਗਰਾਊਂਡ ਫਲੋਰ ‘ਤੇ ਸੀ, ਜਦਕਿ ਆਮਿਰ ਸਰਫਰਾਜ਼ ਉਪਰਲੀ ਮੰਜ਼ਿਲ ‘ਤੇ ਸੀ। ਐਤਵਾਰ ਦੁਪਹਿਰ 12.40 ਵਜੇ ਦੋ ਅਣਪਛਾਤੇ ਵਿਅਕਤੀ ਮੋਟਰਸਾਈਕਲ ‘ਤੇ ਸਵਾਰ ਹੋ ਕੇ ਉਸ ਦੇ ਘਰ ਪਹੁੰਚੇ।

ਇੱਕ ਵਿਅਕਤੀ ਨੇ ਹੈਲਮੇਟ ਪਾਇਆ ਹੋਇਆ ਸੀ। ਜਦਕਿ ਦੂਜੇ ਦੇ ਮੂੰਹ ‘ਤੇ ਮਾਸਕ ਸੀ। ਇਸ ਤੋਂ ਬਾਅਦ ਇਕ ਵਿਅਕਤੀ ਨੇ ਆਮਿਰ ਸਰਫਰਾਜ਼ ‘ਤੇ ਤਿੰਨ ਗੋਲੀਆਂ ਚਲਾਈਆਂ। ਇਸ ਤੋਂ ਬਾਅਦ ਦੋਵੇਂ ਦੋਸ਼ੀ ਮੌਕੇ ਤੋਂ ਫਰਾਰ ਹੋ ਗਏ। ਹਸਪਤਾਲ ਵਿੱਚ ਇਲਾਜ ਦੌਰਾਨ ਤੰਬਾ ਦੀ ਮੌਤ ਹੋ ਗਈ। ਜੁਨੈਦ ਸਰਫਰਾਜ ਨੇ ਦੱਸਿਆ ਕਿ ਉਸ ਦੇ ਭਰਾ ਦੀ ਕਿਸੇ ਨਾਲ ਕੋਈ ਦੁਸ਼ਮਣੀ ਨਹੀਂ ਸੀ।

ਜ਼ਿਕਰਯੋਗ ਹੈ ਕਿ ਸਰਬਜੀਤ ਸਿੰਘ 30 ਅਗਸਤ 1990 ਦੀ ਸ਼ਾਮ ਨੂੰ ਭਾਰਤ-ਪਾਕਿਸਤਾਨ ਸਰਹੱਦ ਪਾਰ ਕਰਕੇ ਪਾਕਿਸਤਾਨ ਚਲਾ ਗਿਆ ਸੀ। ਬਾਅਦ ਵਿਚ ਉਸ ਨੂੰ ਇਸਲਾਮਾਬਾਦ ਵਿਚ ਬੰਬ ਧਮਾਕਿਆਂ ਦੇ ਸਬੰਧ ਵਿਚ ਪਾਕਿਸਤਾਨ ਪੁਲਿਸ ਨੇ ਗ੍ਰਿਫਤਾਰ ਕੀਤਾ ਸੀ।

ਪਾਕਿਸਤਾਨ ਪੁਲਿਸ ਨੇ ਦਾਅਵਾ ਕੀਤਾ ਸੀ ਕਿ ਤਰਨਤਾਰਨ ਦੇ ਪਿੰਡ ਭਿੱਖੀਵਿੰਡ ਦਾ ਰਹਿਣ ਵਾਲਾ ਸਰਬਜੀਤ ਸਿੰਘ ਭਾਰਤੀ ਏਜੰਸੀਆਂ ਦਾ ਜਾਸੂਸ ਹੈ, ਜੋ ਕਿ ਖੁਫ਼ੀਆ ਏਜੰਸੀ ਆਈਐਸਆਈ ਦੇ ਨਿਰਦੇਸ਼ਾਂ ‘ਤੇ ਆਮਿਰ ਸਰਫ਼ਰਾਜ਼ ਨੇ 2013 ਵਿੱਚ ਜੇਲ੍ਹ ਵਿੱਚ ਕਤਲ ਕਰ ਦਿੱਤਾ ਸੀ।