ਟੀ-20 ਵਿਸ਼ਵ ਕੱਪ 2024 ਦੇ 9ਵੇਂ ਮੈਚ ਵਿੱਚ ਯੂਗਾਂਡਾ ਨੇ ਪਾਪੂਆ ਨਿਊ ਗਿਨੀ (ਪੀਐਨਜੀ) ਨੂੰ ਚਾਰ ਵਿਕਟਾਂ ਨਾਲ ਹਰਾਇਆ ਹੈ।
ਟੀ-20 ਵਿਸ਼ਵ ਕੱਪ 2024 ਦਾ 9ਵਾਂ ਮੈਚ ਗਰੁੱਪ ਸੀ ਦੀਆਂ ਦੋ ਟੀਮਾਂ ਪਾਪੂਆ ਨਿਊ ਗਿਨੀ (ਪੀਐਨਜੀ) ਅਤੇ ਯੂਗਾਂਡਾ ਵਿਚਾਲੇ ਖੇਡਿਆ ਗਿਆ। ਇਸ ਮੈਚ ਵਿੱਚ ਯੂਗਾਂਡਾ ਨੇ ਪੀਐਨਜੀ ਨੂੰ 3 ਵਿਕਟਾਂ ਨਾਲ ਹਰਾਇਆ ਹੈ। ਦੋਵਾਂ ਟੀਮਾਂ ਵਿਚਾਲੇ ਇਹ ਮੈਚ ਘੱਟ ਸਕੋਰ ਵਾਲਾ ਰਿਹਾ। ਪਹਿਲਾਂ ਬੱਲੇਬਾਜ਼ੀ ਕਰਨ ਆਈ ਪਾਪੂਆ ਨਿਊ ਗਿਨੀ ਦੀ ਟੀਮ 77 ਦੌੜਾਂ ਹੀ ਬਣਾ ਸਕੀ। ਜਿਸ ਨੂੰ ਯੂਗਾਂਡਾ ਨੇ 7 ਵਿਕਟਾਂ ਗੁਆ ਕੇ ਹਾਸਲ ਕਰ ਲਿਆ।
ਪਾਪੂਆ ਨਿਊ ਗਿਨੀ ਲਈ ਹੀਰੀ ਹੀਰੀ ਨੇ ਸਭ ਤੋਂ ਵੱਧ 15 ਦੌੜਾਂ ਬਣਾਈਆਂ। ਇਸ ਤੋਂ ਇਲਾਵਾ ਕੋਈ ਵੀ ਪੀਐਨਜੀ ਬੱਲੇਬਾਜ਼ ਇਸ ਤੋਂ ਵੱਧ ਦੌੜਾਂ ਨਹੀਂ ਬਣਾ ਸਕਿਆ। ਬੱਲੇਬਾਜ਼ ਲੇਗਾ ਸਿਆਕਾ ਅਤੇ ਕਿਪਲਿਨ ਡੋਰਿਗਾ ਨੇ ਸਭ ਤੋਂ ਵੱਧ 12-12 ਦੌੜਾਂ ਬਣਾਈਆਂ। ਇਸ ਦੇ ਨਾਲ ਹੀ ਯੁਗਾਂਡਾ ਦੇ ਗੇਂਦਬਾਜ਼ਾਂ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਜੁਮਾ ਕਿਯਾਗੀ ਨੇ 4 ਓਵਰਾਂ ਵਿੱਚ 10 ਦੌੜਾਂ ਦੇ ਕੇ 2 ਵਿਕਟਾਂ ਲਈਆਂ। 78 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਦਿਆਂ ਯੁਗਾਂਡਾ ਨੇ ਇਹ ਸਕੋਰ 18.2 ਓਵਰਾਂ ਵਿੱਚ ਹਾਸਲ ਕਰ ਲਿਆ। ਹਾਲਾਂਕਿ ਯੂਗਾਂਡਾ ਨੂੰ ਇਹ ਸਕੋਰ ਹਾਸਲ ਕਰਨ ਲਈ ਪਸੀਨਾ ਵਹਾਉਣਾ ਪਿਆ। ਯੂਗਾਂਡਾ ਨੇ ਇਹ ਟੀਚਾ 7 ਵਿਕਟਾਂ ਗੁਆ ਕੇ ਹਾਸਲ ਕਰ ਲਿਆ।
ਯੂਗਾਂਡਾ ਲਈ ਰਿਆਜਤ ਅਲੀ ਸ਼ਾਹ ਨੇ 56 ਗੇਂਦਾਂ ਵਿੱਚ 33 ਦੌੜਾਂ ਦੀ ਪਾਰੀ ਖੇਡੀ। ਇਸ ਪਾਰੀ ਦੌਰਾਨ ਉਨ੍ਹਾਂ ਨੇ ਛੱਕਾ ਵੀ ਲਗਾਇਆ। ਇਸ ਤੋਂ ਇਲਾਵਾ ਜੁਮਾ ਰਿਆਗੀ ਨੇ 13 ਦੌੜਾਂ ਬਣਾਈਆਂ। ਇਨ੍ਹਾਂ ਦੋ ਬੱਲੇਬਾਜ਼ਾਂ ਨੂੰ ਛੱਡ ਕੇ ਪੰਜ ਬੱਲੇਬਾਜ਼ ਦੋਹਰੇ ਅੰਕੜੇ ਤੱਕ ਵੀ ਨਹੀਂ ਪਹੁੰਚ ਸਕੇ। ਇਸ ਵਿਸ਼ਵ ਕੱਪ ਵਿੱਚ ਪਾਪੂਆ ਨਿਊ ਗਿਨੀ ਦੀ ਇਹ ਦੂਜੀ ਹਾਰ ਹੈ। ਇਸ ਦੇ ਨਾਲ ਹੀ ਯੂਗਾਂਡਾ ਨੇ ਦੂਜਾ ਮੈਚ ਜਿੱਤ ਲਿਆ ਹੈ।
ਰਿਆਜ਼ਤ ਅਲੀ ਸ਼ਾਹ ਅਤੇ ਜੁਮਾ ਮੀਆਜੀ ਵਿਚਾਲੇ 35 ਦੌੜਾਂ ਦੀ ਅਹਿਮ ਸਾਂਝੇਦਾਰੀ ਨੇ ਮੈਚ ਦਾ ਰੁਖ ਯੂਗਾਂਡਾ ਵੱਲ ਮੋੜ ਦਿੱਤਾ। 26 ਦੌੜਾਂ ‘ਤੇ 5 ਵਿਕਟਾਂ ਗੁਆਉਣ ਤੋਂ ਬਾਅਦ ਪਾਪੂਆ ਨਿਊ ਗਿਨੀ ਜਿੱਤ ਵੱਲ ਵਧ ਰਿਹਾ ਸੀ। ਹਾਲਾਂਕਿ, ਸ਼ਾਹ ਅਤੇ ਜੁਮਾ ਮੀਆਜੀ ਨੇ 43 ਗੇਂਦਾਂ ਵਿੱਚ 35 ਦੌੜਾਂ ਦੀ ਸਾਂਝੇਦਾਰੀ ਕੀਤੀ, ਜਿਸ ਨਾਲ ਯੂਗਾਂਡਾ ਟੀਚੇ ਦੇ ਨੇੜੇ ਪਹੁੰਚ ਗਿਆ।
