ਦੱਸ ਦੇਈਏ ਕਿ ਸਰਬੀਆ ਦੇ ਸਟਾਰ ਟੈਨਿਸ ਖਿਡਾਰੀ ਨੋਵਾਕ ਜੋਕੋਵਿਕ ਵੱਲੋਂ ਵਿੰਬਲਡਨ ਵਿੱਚ ਰਾਫੇਲ ਨਡਾਲ ਖਿਲਾਫ਼ ਜਿੱਤ ਦਰਜ ਕਰਨ ਤੋਂ ਬਾਅਦ ਨੋਵਾਕ ਨੂੰ ਟੈਨਿਸ ਕੋਰਟ ਦੀ ਮਿੱਟੀ ਖਾਂਦੇ ਦੇਖਿਆ ਗਿਆ।
ਟੀ-20 ਵਿਸ਼ਵ ਕੱਪ 2024 ਦਾ ਖਿਤਾਬ ਜਿੱਤਣ ਤੋਂ ਬਾਅਦ ਰੋਹਿਤ ਸ਼ਰਮਾ ਆਪਣੀਆਂ ਭਾਵਨਾਵਾਂ ‘ਤੇ ਕਾਬੂ ਨਹੀਂ ਰੱਖ ਸਕੇ ਅਤੇ ਉਨ੍ਹਾਂ ਦੀਆਂ ਅੱਖਾਂ ‘ਚ ਹੰਝੂ ਆ ਗਏ। ਸਾਥੀ ਖਿਡਾਰੀਆਂ ਨੇ ਉਸ ਨੂੰ ਦਿਲਾਸਾ ਦਿੱਤਾ। ਇਸ ਤੋਂ ਬਾਅਦ ਰੋਹਿਤ ਆਪਣੀ ਪਤਨੀ ਰਿਤਿਕਾ ਅਤੇ ਬੇਟੀ ਸਮਾਇਰਾ ਨੂੰ ਮਿਲਣ ਲਈ ਭਾਰਤੀ ਡਗਆਊਟ ‘ਚ ਗਏ। ਉੱਥੋਂ ਉਹ ਬਾਰਬਾਡੋਸ ਦੀ ਪਿੱਚ ‘ਤੇ ਗਏ ਤੇ ਉਨ੍ਹਾਂ ਨੂੰ ਮਿੱਟੀ ਖਾਂਦੇ ਦੇਖਿਆ ਗਿਆ।
ਜਦੋਂ ਰੋਹਿਤ ਸ਼ਰਮਾ ਦਾ ਮਿੱਟੀ ਖਾਣ ਦਾ ਵੀਡੀਓ ਵਾਇਰਲ ਹੋਇਆ ਤਾਂ ਲੋਕ ਹੈਰਾਨ ਰਹਿ ਗਏ ਕਿ ਆਖਿਰ ਰੋਹਿਤ ਨੇ ਅਜਿਹਾ ਕਿਉਂ ਕੀਤਾ। ਦਰਅਸਲ, ਰੋਹਿਤ ਸ਼ਰਮਾ ਦਾ ਸੁਪਨਾ ਆਈਸੀਸੀ ਟਰਾਫੀ ਜਿੱਤਣਾ ਸੀ। ਪਿਛਲੇ ਸਾਲ ਉਹ ਅਤੇ ਉਸਦੀ ਟੀਮ ਦੋ ਵਾਰ ਫਾਈਨਲ ਵਿੱਚ ਹਾਰ ਗਈ ਸੀ। ਆਸਟਰੇਲੀਆ ਨੇ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਫਾਈਨਲ ਅਤੇ ਵਨਡੇ ਵਿਸ਼ਵ ਕੱਪ ਫਾਈਨਲ ਵਿੱਚ ਭਾਰਤ ਨੂੰ ਹਰਾਇਆ। ਜਦੋਂ ਭਾਰਤ ਨੇ ਟੀ-20 ਵਿਸ਼ਵ ਕੱਪ ਜਿੱਤਿਆ ਤਾਂ ਰੋਹਿਤ ਨੇ ਨੋਵਾਕ ਜੋਕੋਵਿਕ ਦੀ ਤਰ੍ਹਾਂ ਜਸ਼ਨ ਮਨਾ ਕੇ ਮਿੱਟੀ ਖਾਧੀ।
ਨੋਵਾਕ ਜੋਕੋਵਿਕ ਇਸ ਤਰ੍ਹਾਂ ਮਨਾਉਂਦੇ ਹਨ ਜਸ਼ਨ
ਦੱਸ ਦੇਈਏ ਕਿ ਸਰਬੀਆ ਦੇ ਸਟਾਰ ਟੈਨਿਸ ਖਿਡਾਰੀ ਨੋਵਾਕ ਜੋਕੋਵਿਕ ਵੱਲੋਂ ਵਿੰਬਲਡਨ ਵਿੱਚ ਰਾਫੇਲ ਨਡਾਲ ਖਿਲਾਫ਼ ਜਿੱਤ ਦਰਜ ਕਰਨ ਤੋਂ ਬਾਅਦ ਨੋਵਾਕ ਨੂੰ ਟੈਨਿਸ ਕੋਰਟ ਦੀ ਮਿੱਟੀ ਖਾਂਦੇ ਦੇਖਿਆ ਗਿਆ। ਜੋਕੋਵਿਕ ਨੇ 13 ਸਾਲ ਪਹਿਲਾਂ SW19 ਵਿੱਚ ਰਾਫੇਲ ਨਡਾਲ ਵਿਰੁੱਧ ਜਿੱਤ ਤੋਂ ਬਾਅਦ ਮੈਚ ਤੋਂ ਬਾਅਦ ਦੇ ਜਸ਼ਨ ਦੌਰਾਨ ਪਹਿਲੀ ਵਾਰ ਅਜਿਹਾ ਕੀਤਾ ਸੀ। ਉਹ ਇਸ ਤਰ੍ਹਾਂ 8 ਵਾਰ ਜਸ਼ਨ ਮਨਾ ਚੁੱਕਾ ਹੈ।
ਇੰਟਰਵਿਊ ‘ਚ ਕੀਤਾ ਸੀ ਖੁਲਾਸਾ
ਬਾਅਦ ਵਿੱਚ 2018 ਵਿੱਚ ਇੱਕ ਇੰਟਰਵਿਊ ਵਿੱਚ, ਉਸਨੇ ਕਿਹਾ, ਇਹ ਯਕੀਨੀ ਤੌਰ ‘ਤੇ ਇੱਕ ਛੋਟੀ ਪਰੰਪਰਾ ਹੈ। ਜਦੋਂ ਮੈਂ ਇੱਕ ਬੱਚਾ ਸੀ ਤਾਂ ਮੈਂ ਵਿੰਬਲਡਨ ਜਿੱਤਣ ਦਾ ਸੁਪਨਾ ਦੇਖਿਆ ਸੀ, ਅਤੇ ਜਦੋਂ ਤੁਸੀਂ ਇਸਨੂੰ ਪ੍ਰਾਪਤ ਕਰਦੇ ਹੋ ਤਾਂ ਤੁਸੀਂ ਜਸ਼ਨ ਮਨਾਉਣ ਲਈ ਕੁਝ ਵੱਖਰਾ ਕਰਨਾ ਚਾਹੁੰਦੇ ਹੋ ਅਤੇ ਇਹ ਉਹਨਾਂ ਚੀਜ਼ਾਂ ਵਿੱਚੋਂ ਇੱਕ ਸੀ। ਹੁਣ ਮੰਨਿਆ ਜਾ ਰਿਹਾ ਹੈ ਕਿ ਰੋਹਿਤ ਸ਼ਰਮਾ ਨੇ ਵੀ ਨੋਵਾਕ ਦੀ ਨਕਲ ਕਰਕੇ ਅਜਿਹਾ ਹੀ ਜਸ਼ਨ ਮਨਾਇਆ। ਰੋਹਿਤ ਸ਼ਰਮਾ ਨੇ ਆਪਣੇ ਇੰਟਰਵਿਊ ‘ਚ ਕਈ ਵਾਰ ਕਿਹਾ ਸੀ ਕਿ ਉਹ ICC ਟਰਾਫੀ ਜਿੱਤਣਾ ਚਾਹੁੰਦੇ ਹਨ।
ਰੋਹਿਤ ਨੇ ਵੀ ਖਾਸ ਤਰੀਕੇ ਨਾਲ ਮਨਾਇਆ ਜਸ਼ਨ
ਰੋਹਿਤ ਦਾ ਸੁਪਨਾ ਪੂਰਾ ਹੋਣ ‘ਤੇ ਭਾਰਤੀ ਕਪਤਾਨ ਨੇ ਖਾਸ ਤਰੀਕੇ ਨਾਲ ਜਸ਼ਨ ਮਨਾਇਆ। ਉਸ ਨੇ ਮਿੱਟੀ ਖਾਧੀ ਤੇ ਇਸ ਪ੍ਰਾਪਤੀ ਲਈ ਗਰਾਊਂਡ ਦਾ ਧੰਨਵਾਦ ਕੀਤਾ। ਤੁਹਾਨੂੰ ਦੱਸ ਦੇਈਏ ਕਿ ਟੀ-20 ਵਿਸ਼ਵ ਕੱਪ ਜਿੱਤਣ ਤੋਂ ਬਾਅਦ ਰੋਹਿਤ ਅਤੇ ਕੋਹਲੀ ਨੇ ਟੀ-20 ਅੰਤਰਰਾਸ਼ਟਰੀ ਕ੍ਰਿਕਟ ਤੋਂ ਸੰਨਿਆਸ ਲੈ ਲਿਆ।
