ਪੰਜਾਬ ਕਿੰਗਜ਼ ਨੇ ਆਸਟਰੇਲੀਆ ਦੇ ਸਾਬਕਾ ਕਪਤਾਨ ਰਿਕੀ ਪੋਂਟਿੰਗ ਨੂੰ ਟੀਮ ਦਾ ਮੁੱਖ ਕੋਚ ਨਿਯੁਕਤ ਕੀਤਾ ਹੈ।
ਆਸਟਰੇਲੀਆ ਦੇ ਸਾਬਕਾ ਕਪਤਾਨ ਰਿਕੀ ਪੋਂਟਿੰਗ ਨੂੰ ਪੰਜਾਬ ਕਿੰਗਜ਼ ਦਾ ਮੁੱਖ ਕੋਚ ਨਿਯੁਕਤ ਕੀਤਾ ਗਿਆ ਹੈ। ਪੋਂਟਿੰਗ IPL 2025 ‘ਚ ਪੰਜਾਬ ਕਿੰਗਜ਼ ਦੀ ਕੋਚਿੰਗ ਕਰਦੇ ਨਜ਼ਰ ਆਉਣਗੇ। ਉਹ ਹਮਵਤਨ ਟ੍ਰੇਵਰ ਬੇਲਿਸ ਦੀ ਥਾਂ ਲਵੇਗਾ। ਇਸ ਤੋਂ ਪਹਿਲਾਂ ਰਿਕੀ ਪੋਂਟਿੰਗ ਦਾ ਦਿੱਲੀ ਕੈਪੀਟਲਸ ਨਾਲ ਕਰਾਰ ਖਤਮ ਹੋ ਗਿਆ ਸੀ।
ਰਿਕੀ ਪੋਂਟਿੰਗ ਸੱਤ ਸਾਲ ਦਿੱਲੀ ਕੈਪੀਟਲਜ਼ ਦਾ ਹਿੱਸਾ ਰਹਿਣ ਤੋਂ ਬਾਅਦ ਪੰਜਾਬ ਕਿੰਗਜ਼ ਨਾਲ ਜੁੜ ਗਿਆ ਹੈ। ਪ੍ਰਿਟੀ ਜ਼ਿੰਟਾ ਦੀ ਸਹਿ ਮਾਲਕੀ ਵਾਲੀ ਪੰਜਾਬ ਕਿੰਗਜ਼ ਨੇ ਆਪਣੇ ਸੋਸ਼ਲ ਮੀਡੀਆ ਹੈਂਡਲ ‘ਤੇ ਇਹ ਜਾਣਕਾਰੀ ਦਿੱਤੀ।
ਭਵਿੱਖ ‘ਚ ਦਿਖੇਗਾ ਟੀਮ ‘ਚ ਬਦਲਾਅ
ਪੰਜਾਬ ਕਿੰਗਜ਼ ਦਾ ਕੋਚ ਬਣਨ ਤੋਂ ਬਾਅਦ ਰਿਕੀ ਪੋਂਟਿੰਗ ਨੇ ਕਿਹਾ ਕਿ ਮੈਨੂੰ ਖੁਸ਼ੀ ਹੈ ਕਿ ਪੰਜਾਬ ਕਿੰਗਜ਼ ਨੇ ਮੈਨੂੰ ਮੁੱਖ ਕੋਚ ਦੀ ਜ਼ਿੰਮੇਵਾਰੀ ਦਿੱਤੀ ਹੈ। ਨਵੀਂ ਚੁਣੌਤੀ ਲਈ ਉਤਸ਼ਾਹਿਤ।
ਇਹ ਫੈਸਲਾ ਮੇਰੀ ਟੀਮ ਮੈਨੇਜਮੈਂਟ ਅਤੇ ਟੀਮ ਆਨਰ ਨਾਲ ਲੰਬੀ ਚਰਚਾ ਤੋਂ ਬਾਅਦ ਲਿਆ ਗਿਆ ਹੈ। ਮੈਂ ਟੀਮ ਦੇ ਵਿਜ਼ਨ ਨੂੰ ਅੱਗੇ ਲਿਜਾਣ ਦੀ ਕੋਸ਼ਿਸ਼ ਕਰਾਂਗਾ ਅਤੇ ਅਸੀਂ ਵਾਅਦਾ ਕਰਦੇ ਹਾਂ ਕਿ ਅਸੀਂ ਭਵਿੱਖ ਵਿੱਚ ਟੀਮ ਵਿੱਚ ਬਹੁਤ ਸਾਰੇ ਬਦਲਾਅ ਦੇਖਾਂਗੇ।
ਛੇਵੇਂ ਮੁੱਖ ਕੋਚ ਹੋਣਗੇ ਪੋਂਟਿੰਗ
ਧਿਆਨਯੋਗ ਹੈ ਕਿ ਰਿਕੀ ਪੋਂਟਿੰਗ ਪਿਛਲੇ ਸੱਤ ਸੈਸ਼ਨਾਂ ਵਿੱਚ ਪੰਜਾਬ ਕਿੰਗਜ਼ ਦੇ ਛੇਵੇਂ ਮੁੱਖ ਕੋਚ ਹੋਣਗੇ। ਆਈਪੀਐਲ ਦੇ ਪਿਛਲੇ 10 ਸਾਲਾਂ ਦੇ ਇਤਿਹਾਸ ਵਿੱਚ, ਫਰੈਂਚਾਇਜ਼ੀ ਸਿਰਫ ਦੋ ਵਾਰ ਹੀ ਪਲੇਆਫ ਵਿੱਚ ਪਹੁੰਚੀ ਹੈ। ਸਾਲ 2024 ‘ਚ ਟੀਮ ਨੌਵੇਂ ਸਥਾਨ ‘ਤੇ ਰਹੀ।
