ਵਿਰਾਟ ਕੋਹਲੀ ਬਲੈਕ ਸ਼ਰਟ ਅਤੇ ਸਫੇਦ ਪੈਂਟ ਦੇ ਨਾਲ ਕੈਜ਼ੂਅਲ ਲੁੱਕ ‘ਚ ਨਜ਼ਰ ਆ ਰਹੇ ਹਨ।
ਅਨੁਸ਼ਕਾ ਸ਼ਰਮਾ ਅਤੇ ਵਿਰਾਟ ਕੋਹਲੀ ਇੱਕ ਵਾਰ ਫਿਰ ਧਿਆਨ ਖਿੱਚ ਰਹੇ ਹਨ। ਦੋਵਾਂ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਿਹਾ ਹੈ, ਜਿਸ ਵਿੱਚ ਅਨੁਸ਼ਕਾ ਸ਼ਰਮਾ ਅਤੇ ਵਿਰਾਟ ਕੋਹਲੀ ਕ੍ਰਿਸ਼ਨ ਦੀ ਭਗਤੀ ਵਿੱਚ ਮਗਨ ਨਜ਼ਰ ਆ ਰਹੇ ਹਨ।
ਅਨੁਸ਼ਕਾ ਸ਼ਰਮਾ ਤੇ ਵਿਰਾਟ ਕੋਹਲੀ ਦਿਲ ਤੋਂ ਕਾਫ਼ੀ ਅਧਿਆਤਮਿਕ ਹਨ ਅਤੇ ਅਕਸਰ ਮੰਦਰਾਂ ਅਤੇ ਹੋਰ ਥਾਵਾਂ ‘ਤੇ ਜਾਂਦੇ ਦਿਖਾਈ ਦਿੰਦੇ ਹਨ। ਦੋਵੇਂ ਅਕਸਰ ਉੱਤਰਾਖੰਡ ਵੀ ਜਾਂਦੇ ਰਹਿੰਦੇ ਹਨ। ਹੁਣ ਅਨੁਸ਼ਕਾ ਅਤੇ ਵਿਰਾਟ ਕ੍ਰਿਸ਼ਨ ਦੀ ਪੂਜਾ ਕਰਦੇ ਨਜ਼ਰ ਆਏ।
ਕੀਰਤਨ ’ਚ ਸ਼ਾਮਲ ਹੋਇਆ ਕਪਲ
ਅਨੁਸ਼ਕਾ ਸ਼ਰਮਾ ਤੇ ਵਿਰਾਟ ਕੋਹਲੀ ਅਕਸਰ ਲੰਡਨ ਆਉਂਦੇ ਰਹਿੰਦੇ ਹਨ। ਇਸ ਜੋੜੇ ਨੇ ਆਪਣੇ ਬੇਟੇ ਅਕਾਯ ਕੋਹਲੀ ਦੇ ਜਨਮ ਲਈ ਲੰਡਨ ਨੂੰ ਚੁਣਿਆ ਸੀ। ਅਨੁਸ਼ਕਾ ਸ਼ਰਮਾ ਅਤੇ ਵਿਰਾਟ ਕੋਹਲੀ ਦਾ ਵੀਡੀਓ ਵੀ ਲੰਡਨ ਦਾ ਹੈ ਪਰ ਇਹ ਉਨ੍ਹਾਂ ਦਾ ਥ੍ਰੋਬੈਕ ਵੀਡੀਓ ਹੈ, ਜੋ ਇਕ ਵਾਰ ਫਿਰ ਵਾਇਰਲ ਹੋ ਰਿਹਾ ਹੈ। ਵੀਡੀਓ ‘ਚ ਅਨੁਸ਼ਕਾ ਸ਼ਰਮਾ ਅਤੇ ਵਿਰਾਟ ਕੋਹਲੀ ਕ੍ਰਿਸ਼ਨ ਦਾਸ ਕੀਰਤਨ ‘ਚ ਹਿੱਸਾ ਲੈਂਦੇ ਨਜ਼ਰ ਆ ਰਹੇ ਹਨ।
ISKCON Temple ਗਏ ਸਨ ਵਿਰਾਟ-ਅਨੁਸ਼ਕਾ?
ਵਿਰਾਟ ਕੋਹਲੀ ਬਲੈਕ ਸ਼ਰਟ ਅਤੇ ਸਫੇਦ ਪੈਂਟ ਦੇ ਨਾਲ ਕੈਜ਼ੂਅਲ ਲੁੱਕ ‘ਚ ਨਜ਼ਰ ਆ ਰਹੇ ਹਨ। ਉਥੇ ਹੀ ਅਨੁਸ਼ਕਾ ਸ਼ਰਮਾ ਨੇ ਸਫੇਦ ਰੰਗ ਦਾ ਕੁੜਤਾ ਸੈਟ ਪਾਇਆ ਹੋਇਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਅਨੁਸ਼ਕਾ ਸ਼ਰਮਾ ਅਤੇ ਵਿਰਾਟ ਕੋਹਲੀ ਲੰਡਨ ਦੇ ਇਸਕੋਨ ਮੰਦਰ ਗਏ ਸਨ ਅਤੇ ਇਹ ਵੀਡੀਓ ਉਥੋਂ ਦੀ ਹੈ। ਹਾਲ ਹੀ ‘ਚ ਅਨੁਸ਼ਕਾ ਸ਼ਰਮਾ ਨੇ ਲੰਡਨ ਤੋਂ ਫਲਾਂ ਦੀ ਤਸਵੀਰ ਸ਼ੇਅਰ ਕੀਤੀ ਸੀ, ਜੋ ਸ਼ਹਿਰ ‘ਚ ਉਸ ਦੇ ਖੁਸ਼ੀ ਦੇ ਪਲਾਂ ਵੱਲ ਇਸ਼ਾਰਾ ਕਰਦੀ ਹੈ।
ਲੰਡਨ ’ਚ ਸੈਟਲ ਹੋਣ ਦੀਆਂ ਕਿਆਸਅਰਾਈਆਂ
ਹਾਲ ਹੀ ‘ਚ ਅਨੁਸ਼ਕਾ ਸ਼ਰਮਾ ਅਤੇ ਵਿਰਾਟ ਕੋਹਲੀ ਬਾਰੇ ਖਬਰਾਂ ਆਈਆਂ ਸਨ ਕਿ ਇਹ ਜੋੜਾ ਲੰਡਨ ‘ਚ ਸੈਟਲ ਹੋਣ ਦੀ ਯੋਜਨਾ ਬਣਾ ਰਿਹਾ ਹੈ। ਕ੍ਰਿਕਟਰ ਦੇ ਸੰਨਿਆਸ ਤੋਂ ਬਾਅਦ, ਜੋੜੇ ਨੇ ਪੱਕੇ ਤੌਰ ‘ਤੇ ਯੂਕੇ ਜਾਣ ਦਾ ਫੈਸਲਾ ਕੀਤਾ ਹੈ। ਇਨ੍ਹਾਂ ਅਟਕਲਾਂ ਦੇ ਪਿੱਛੇ ਕਾਰਨ ਜੋੜੇ ਦਾ ਯੂ.ਕੇ. ਦਾ ਅਕਸਰ ਜਾਣਾ ਹੈ। ਹਾਲਾਂਕਿ ਵਿਰਾਟ ਅਤੇ ਅਨੁਸ਼ਕਾ ਨੇ ਅਜੇ ਤੱਕ ਇਨ੍ਹਾਂ ਅਫਵਾਹਾਂ ‘ਤੇ ਕੋਈ ਟਿੱਪਣੀ ਨਹੀਂ ਕੀਤੀ ਹੈ।
