Encounter: Udhampur ‘ਚ ਸੁਰੱਖਿਆ ਬਲਾਂ ਤੇ ਅੱਤਵਾਦੀਆਂ ਵਿਚਾਲੇ ਮੁਕਾਬਲਾ ਸ਼ੁਰੂ, CRPF ਤੇ ਫ਼ੌਜ ਨੇ ਇਲਾਕੇ ਨੂੰ ਘੇਰਿਆ

ਦੱਸਿਆ ਜਾ ਰਿਹਾ ਹੈ ਕਿ ਰਾਤ ਕਰੀਬ 8 ਵਜੇ ਅੱਤਵਾਦੀਆਂ ਅਤੇ ਸੁਰੱਖਿਆ ਬਲਾਂ ਵਿਚਾਲੇ ਗੋਲ਼ੀਬਾਰੀ ਸ਼ੁਰੂ ਹੋਈ। SOG, CRPF ਅਤੇ ਫ਼ੌਜ ਅੱਤਵਾਦੀਆਂ ਨੂੰ ਘੇਰ ਰਹੀ ਹੈ। ਇਸ ਤੋਂ ਪਹਿਲਾਂ, 28 ਅਪ੍ਰੈਲ 2024 ਨੂੰ, ਅੱਤਵਾਦੀਆਂ ਨੇ ਬਸੰਤਗੜ੍ਹ ਦੇ ਚੋਚਰੂ ਗਾਲਾ ਵਿੱਚ ਐਸਪੀਓ ਅਤੇ ਵੀਡੀਜੀ ਦੀ ਟੀਮ ‘ਤੇ ਹਮਲਾ ਕੀਤਾ ਸੀ। ਇਸ ਵਿਚ ਇਕ ਵੀਡੀਜੀ ਸ਼ਹੀਦ ਹੋ ਗਏ ਸਨ।

ਊਧਮਪੁਰ ਦੇ ਐੱਸਐੱਸਪੀ ਜੋਗਿੰਦਰ ਸਿੰਘ ਨੇ ਦੱਸਿਆ ਕਿ ਊਧਮਪੁਰ ਜ਼ਿਲ੍ਹੇ ਦੀ ਬਸੰਤਗੜ੍ਹ ਤਹਿਸੀਲ ਦੇ ਨਾਲ ਲੱਗਦੇ ਪੁਲਿਸ ਚੌਕੀ ਵਿੱਚ ਗੋਲ਼ੀਬਾਰੀ ਦੀ ਖ਼ਬਰ ਮਿਲੀ ਹੈ।

ਢਾਈ ਮਹੀਨਿਆਂ ਬਾਅਦ ਇਲਾਕੇ ਵਿੱਚ ਮੁੜ ਐਨਕਾਊਂਟਰ ਹੋਇਆ

ਉਸ ਤੋਂ ਬਾਅਦ ਤੋਂ ਇਲਾਕੇ ‘ਚ ਤਲਾਸ਼ੀ ਮੁਹਿੰਮ ਚਲਾਈ ਗਈ ਅਤੇ ਅੱਤਵਾਦੀਆਂ ਦੇ ਸਕੈਚ ਜਾਰੀ ਕੀਤੇ ਗਏ। ਅੱਤਵਾਦੀਆਂ ਨੂੰ ਪਨਾਹ ਦੇਣ ਵਾਲੇ ਉਸ ਦੇ ਇਕ ਸਹਾਇਕ ਨੂੰ ਵੀ ਕਠੂਆ ਦੇ ਲੋਹਾ ਨਾਠੀ ਤੋਂ ਗ੍ਰਿਫਤਾਰ ਕੀਤਾ ਗਿਆ ਸੀ। ਅੱਤਵਾਦੀਆਂ ਦੀ ਮੌਜੂਦਗੀ ਲਗਾਤਾਰ ਦਿਖਾਈ ਦੇ ਰਹੀ ਸੀ। ਅੱਜ ਢਾਈ ਮਹੀਨਿਆਂ ਬਾਅਦ ਇਲਾਕੇ ‘ਚ ਸੁਰੱਖਿਆ ਬਲ ਅਤੇ ਅੱਤਵਾਦੀ ਆਹਮੋ-ਸਾਹਮਣੇ ਹੋ ਗਏ ਹਨ।