ਬਾਲੀਵੁੱਡ ਅਦਾਕਾਰਾ ਸੋਨਾਕਸ਼ੀ ਸਿਨਹਾ ਨੇ ਲੰਬੇ ਸਮੇਂ ਦੇ ਬੁਆਏਫ੍ਰੈਂਡ ਜ਼ਹੀਰ ਇਕਬਾਲ ਨਾਲ ਵਿਆਹ ਕਰ ਲਿਆ ਹੈ।
ਬਾਲੀਵੁੱਡ ਅਦਾਕਾਰਾ ਸੋਨਾਕਸ਼ੀ ਸਿਨਹਾ ਨੇ ਲੰਬੇ ਸਮੇਂ ਦੇ ਬੁਆਏਫ੍ਰੈਂਡ ਜ਼ਹੀਰ ਇਕਬਾਲ ਨਾਲ ਵਿਆਹ ਕਰ ਲਿਆ ਹੈ। ਰਜਿਸਟਰਡ ਮੈਰਿਜ ਜ਼ਰੀਏ ਸਾਦਾ ਵਿਆਹ ਕਰਨ ਤੋਂ ਬਾਅਦ ਜੋੜੀ ਨੇ ਮੁੰਬਈ ਵਿਚ ਸ਼ਾਨਦਾਰ ਰਿਸੈਪਸ਼ਨ ਪਾਰਟੀ ਦੀ ਮੇਜ਼ਬਾਨੀ ਕੀਤੀ।
ਸੂਟ ‘ਚ ਰੇਖਾ ਨੇ ਦਿਖਾਇਆ ਆਪਣਾ ਸਟਾਈਲ ਸਟੇਟਮੈਂਟ ਸੋਨਾਕਸ਼ੀ-ਜ਼ਹੀਰ ਦੇ ਵਿਆਹ ਦੀ ਰਿਸੈਪਸ਼ਨ ‘ਚ ਕਈ ਸਿਤਾਰਿਆਂ ਨੇ ਸ਼ਿਰਕਤ ਕੀਤੀ। ਇਸ ਫੰਕਸ਼ਨ ‘ਚ ਰੇਖਾ ਨੇ ਵੀ ਸ਼ਿਰਕਤ ਕੀਤੀ, ਜਿਸ ਨੇ ਆਪਣੀ ਖੂਬਸੂਰਤੀ ਨਾਲ ਲਾਈਮਲਾਈਟ ਚੁਰਾਈ। ਅਕਸਰ ਸਾੜੀ ਵਿਚ ਨਜ਼ਰ ਆਉਣ ਵਾਲੀ ਰੇਖਾ ਇਸ ਵਾਰ ਸਿਲਕ ਸੂਟ ਵਿਚ ਨਜ਼ਰ ਆਈ।
ਸੋਨਾਕਸ਼ੀ-ਜ਼ਹੀਰ ਦੇ ਵਿਆਹ ਦੀ ਰਿਸੈਪਸ਼ਨ ‘ਚ 69 ਸਾਲਾ ਰੇਖਾ ਨੇ ਇਕ ਵਾਰ ਫਿਰ ਆਪਣੇ ਸਟਾਈਲਿਸ਼ ਅਤੇ ਮਨਮੋਹਕ ਅੰਦਾਜ਼ ਨਾਲ ਲੋਕਾਂ ਦਾ ਦਿਲ ਜਿੱਤ ਲਿਆ। ਇਸ ਦਿੱਗਜ ਅਦਾਕਾਰਾ ਦੇ ਫੈਸ਼ਨ ਸੈਂਸ ਨੂੰ ਦੇਖ ਕੇ ਲੋਕ ਉਸ ਦੀ ਤਾਰੀਫ ਕਰਦੇ ਨਹੀਂ ਥੱਕ ਰਹੇ ਹਨ।
ਸਿਧਾਰਥ ਤੇ ਆਦਿਤੀ ਨੇ ਲਿਆ ਆਸ਼ੀਰਵਾਦ
ਰਿਸੈਪਸ਼ਨ ਪਾਰਟੀ ‘ਚ ਹੀਰਾਮੰਡੀ ਦੀ ‘ਬਿਬੋਜਾਨ’ ਯਾਨੀ ਆਦਿਤੀ ਰਾਓ ਹੈਦਰੀ ਨੇ ਵੀ ਸ਼ਿਰਕਤ ਕੀਤੀ। ਉਹ ਇੱਥੇ ਮੰਗੇਤਰ ਸਿਧਾਰਥ ਨਾਲ ਸ਼ਾਮਿਲ ਹੋਈ। ਇਸ ਦੌਰਾਨ ਆਦਿਤੀ ਗੋਲਡਨ-ਗਰੀਨ ਸ਼ੇਡ ਦੇ ਲਹਿੰਗੇ ‘ਚ ਨਜ਼ਰ ਆਈ। ਉੱਥੇ ਹੀ ਸਿਧਾਰਥ ਨੇ ਆਫ ਵ੍ਹਾਈਟ ਕਲਰ ਦਾ ਕੁੜਤਾ-ਪਜ਼ਾਮਾ ਪਹਿਨਿਆ ਹੋਇਆ ਸੀ। ਇਸ ਜੋੜੇ ਦੀ ਦਿਖ ਦੇ ਨਾਲ-ਨਾਲ ਅਦਾਕਾਰਾ ਰੇਖਾ ਨਾਲ ਉਨ੍ਹਾਂ ਦਾ ਮਿੱਠਾ ਅੰਦਾਜ਼ ਵੀ ਵਾਇਰਲ ਹੋ ਰਿਹਾ ਹੈ।
ਰਿਸੈਪਸ਼ਨ ਪਾਰਟੀ ਦੇ ਰੈੱਡ ਕਾਰਪੇਟ ‘ਤੇ ਸਿਧਾਰਥ ਨੇ ਰੇਖਾ ਦੇ ਪੈਰ ਛੂਹ ਕੇ ਆਸ਼ੀਰਵਾਦ ਲਿਆ। ‘ਰੰਗ ਦੇ ਬਸੰਤੀ’ ਦੇ ਅਦਾਕਾਰ ਨੂੰ ਅਜਿਹਾ ਕਰਦਿਆਂ ਦੇਖ ਲੋਕ ਉਸ ਦੀ ਤਾਰੀਫ਼ ਕਰਦੇ ਨਹੀਂ ਥੱਕ ਰਹੇ।
ਅਦਿਤੀ ਰਾਓ ਹੈਦਰੀ ਨੇ ਵੀ ਰੇਖਾ ਦੇ ਪੈਰ ਛੂਹੇ। ਪਾਰਟੀ ਖ਼ਤਮ ਹੋਣ ਤੋਂ ਬਾਅਦ ਉਨ੍ਹਾਂ ਨੇ ਮਸ਼ਹੂਰ ਅਦਾਕਾਰਾ ਦੇ ਪੈਰ ਛੂਹ ਕੇ ਆਸ਼ੀਰਵਾਦ ਲਿਆ। ਪਾਰਟੀ ਖਤਮ ਹੋਣ ਤੋਂ ਬਾਅਦ ਇਹ ਜੋੜੀ ਰੇਖਾ ਨੂੰ ਕਾਰ ਤਕ ਛੱਡਣ ਲਈ ਵੀ ਆਈ ਸੀ।
ਪਾਰਟੀ ‘ਚ ਸ਼ਾਮਿਲ ਹੋਏ ਇਹ ਸਿਤਾਰੇ
ਸੋਨਾਕਸ਼ੀ ਤੇ ਜ਼ਹੀਰ ਦੇ ਵਿਆਹ ਦੀ ਰਿਸੈਪਸ਼ਨ ‘ਚ ਸਲਮਾਨ ਖਾਨ, ਫਰਦੀਨ ਖਾਨ, ਕਾਜੋਲ ਸਮੇਤ ਕਈ ਸਿਤਾਰਿਆਂ ਨੇ ਸ਼ਿਰਕਤ ਕੀਤੀ।
