ਜਾਣੋ ਕੌਣ ਹੈ ਉਹ ਲੱਕੀ ਗਰਲ
ਬਿੱਗ ਬੌਸ 16′ ਸਟਾਰ ਅਬਦੂ ਰੋਜ਼ਿਕ (Abdu Rozik) ਦੀ ਪਾਪੂਲੈਰਿਟੀ ਭਾਰਤ ‘ਚ ਇਸ ਸ਼ੋਅ ‘ਚ ਆਉਣ ਤੋਂ ਬਾਅਦ ਜ਼ਬਰਦਸਤ ਤਰੀਕੇ ਨਾਲ ਵਧ ਹੈ। ਉਹ ਇਸ ਸ਼ੋਅ ‘ਚ ਆਇਆ ਤੇ ਛਾ ਗਿਆ। ਹਰ ਕੋਈ ਉਸ ਦੀ ਕਿਊਟਨੈੱਸ ਤੇ ਮਾਸੂਮੀਅਤ ‘ਤੇ ਫਿਦਾ ਹੈ। ਇੰਨਾ ਹੀ ਨਹੀਂ ਅਬਦੂ ਦੀ ਗਾਇਕੀ ਵੀ ਲੋਕਾਂ ‘ਚ ਕਾਫੀ ਮਸ਼ਹੂਰ ਹੈ।3 ਫੁੱਟ ਲੰਬੇ ਅਬਦੂ ਨੇ ਇਕ ਵਾਰ ‘ਬਿੱਗ ਬੌਸ 16’ ਸ਼ੋਅ ‘ਚ ਆਪਣੇ ਇਕੱਲੇਪਣ ਬਾਰੇ ਗੱਲ ਕੀਤੀ ਸੀ। ਉਸ ਨੇ ਕਿਹਾ ਸੀ ਕਿ ਉਹ 3 ਫੁੱਟ ਲੰਬਾ ਹੈ, ਇਸ ਲਈ ਉਸ ਦੇ ਛੋਟੇ ਕੱਦ ਕਾਰਨ ਕੋਈ ਵੀ ਉਸ ਨੂੰ ਨਹੀਂ ਮਿਲਦਾ। ਪਰ ਹੁਣ ਤਜ਼ਾਕਿਸਤਾਨੀ ਗਾਇਕ ਦੀ ਇਹ ਇੱਛਾ ਵੀ ਪੂਰੀ ਹੋ ਗਈ ਹੈ। ਅਬਦੂ ਦਾ ਕੁਝ ਹੀ ਮਹੀਨਿਆਂ ‘ਚ ਵਿਆਹ ਹੋਣ ਵਾਲਾ ਹੈ। ਉਸ ਨੇ ਹਾਲ ਹੀ ‘ਚ ਇਸ ਦਾ ਐਲਾਨ ਕੀਤਾ ਸੀ। ਗਾਇਕ ਦੇ ਇਹ ਸ਼ਬਦ ਉਸ ਦੇ ਪ੍ਰਸ਼ੰਸਕਾਂ ਨੂੰ ਮਜ਼ਾਕ ਵਾਂਗ ਲੱਗ ਰਹੇ ਸਨ ਪਰ ਅਬਦੂ ਨੇ ਮੰਗਣੀ ਦੀਆਂ ਤਸਵੀਰਾਂ ਸ਼ੇਅਰ ਕਰ ਕੇ ਅਫਵਾਹਾਂ ‘ਤੇ ਮੋਹਰ ਲਗਾ ਦਿੱਤੀ ਹੈ।ਅਬਦੂ ਰੋਜ਼ਿਕ ਵੱਲੋਂ ਸ਼ੇਅਰ ਕੀਤੀਆਂ ਮੰਗਣੀ ਦੀਆਂ ਤਸਵੀਰਾਂ ‘ਚ ਉਸਨੇ ਆਪਣੀ ਹੋਣ ਵਾਲੀ ਦੁਲਹਨ ਦੀ ਝਲਕ ਵੀ ਦਿਖਾਈ ਹੈ। ਉਸ ਨੇ ਆਪਣੇ ਸੋਸ਼ਲ ਮੀਡੀਆ ਹੈਂਡਲ ‘ਤੇ ਇਕ ਵੀਡੀਓ ਰਾਹੀਂ ਆਪਣੇ ਵਿਆਹ ਦੀ ਖੁਸ਼ਖਬਰੀ ਸਾਂਝੀ ਕੀਤੀ ਹੈ। ਇਸ ਐਲਾਨ ਤੋਂ ਬਾਅਦ ਉਸ ਦੇ ਵਿਆਹ ਦੀ ਖਬਰ ਸੁਣ ਕੇ ਪ੍ਰਸ਼ੰਸਕ ਹੈਰਾਨ ਰਹਿ ਗਏ। ਜਿਸਦੇ ਨਾਲ ਨਾਲ ਅਬਦੂ ਦਾ ਨਿਕਾਹ ਹੋਣ ਜਾ ਰਿਹਾ ਹੈ, ਉਸ ਦਾ ਨਾਂ ਅਮੀਰਾ ਹੈ। ਗਾਇਕ ਦੀ ਮੰਗਣੀ 24 ਅਪ੍ਰੈਲ ਨੂੰ ਹੋਈ ਸੀ ਪਰ ਉਸ ਨੇ ਇਹ ਗੱਲ ਹੁਣ ਸਾਂਝੀ ਕਰ ਦਿੱਤੀ ਹੈ। ਸਾਹਮਣੇ ਆਈਆਂ ਤਸਵੀਰਾਂ ‘ਚ ਅਬਦੂ ਆਪਣੀ ਹੋਣ ਵਾਲੀ ਦੁਲਹਨ ਨੂੰ ਦਿਲ ਦੇ ਆਕਾਰ ਦੀ ਹੀਰੇ ਦੀ ਅੰਗੂਠੀ ਦਿਖਾਉਂਦੇ ਦੇਖਿਆ ਜਾ ਸਕਦਾ ਹੈ। ਦੂਜੀ ਫੋਟੋ ‘ਚ ਉਸ ਨੂੰ ਅੰਗੂਠੀ ਪਾਈ ਦੇਖਿਆ ਜਾ ਸਕਦਾ ਹੈ। ਇਨ੍ਹਾਂ ਤਸਵੀਰਾਂ ਦੇ ਸਾਹਮਣੇ ਆਉਣ ਤੋਂ ਬਾਅਦ ਸੈਲੀਬ੍ਰਿਟੀਜ਼ ਤੋਂ ਲੈ ਕੇ ਪ੍ਰਸ਼ੰਸਕਾਂ ਤਕ ਸਾਰਿਆਂ ਨੇ ਉਸ ਨੂੰ ਵਧਾਈ ਦਿੱਤੀ ਹੈ। ਤਸਵੀਰਾਂ ‘ਚ ਅਬਦੂ ਦੇ ਚਿਹਰੇ ‘ਤੇ ਜੀਵਨ ਸਾਥੀ ਮਿਲਣ ਦੀ ਖੁਸ਼ੀ ਸਾਫ਼ ਝਲਕਦੀ ਹੈ।
