Sri Muktsar Sahib ਦੇ ਇਕ ਨਿੱਜੀ ਸਕੂਲ ਦੀ ਵੈਨ ਬੁੱਧਵਾਰ ਸਵੇਰੇ ਵੱਖ-ਵੱਖ ਪਿੰਡਾਂ ਤੇ ਢਾਣੀਆਂ ’ਚੋਂ ਬੱਚੇ ਲੈ ਕੇ ਆ ਰਹੀ ਸੀ।
ਮੁਕਤਸਰ-ਬਠਿੰਡਾ ਰੋਡ ’ਤੇ ਪਿੰਡ ਭੁੱਲਰ ਨੇੜੇ ਇਕ ਨਿੱਜੀ ਸਕੂਲ ਦੀ ਵੈਨ (School Van) ਗੰਦੇ ਨਾਲ਼ੇ ’ਚ ਪਲਟ ਗਈ।
ਵੈਨ ’ਚ ਸਵਾਰ ਬੱਚਿਆਂ ਨੂੰ ਨੇੜੇ ਮੌਜੂਦ ਲੋਕਾਂ ਵੱਲੋਂ ਸੁਰੱਖਿਅਤ ਬਾਹਰ ਕੱਢ ਲਿਆ ਗਿਆ ਜਿਸ ਸਦਕਾ ਜਾਨੀ ਨੁਕਸਾਨ ਤੋਂ ਬਚਾਅ ਹੋ ਗਿਆ।
ਇਕੱਤਰ ਜਾਣਕਾਰੀ ਅਨੁਸਾਰ ਸ੍ਰੀ ਮੁਕਤਸਰ ਸਾਹਿਬ ਦੇ ਇਕ ਨਿੱਜੀ ਸਕੂਲ ਦੀ ਵੈਨ ਬੁੱਧਵਾਰ ਸਵੇਰੇ ਵੱਖ-ਵੱਖ ਪਿੰਡਾਂ ਤੇ ਢਾਣੀਆਂ ’ਚੋਂ ਬੱਚੇ ਲੈ ਕੇ ਆ ਰਹੀ ਸੀ।
ਜਦ ਪਿੰਡ ਭੁੱਲਰ ਨੇੜੇ ਬਠਿੰਡਾ ਰੋਡ ’ਤੇ ਢਾਣੀਆਂ ’ਚੋਂ ਬੱਚੇ ਲੈ ਕੇ ਕੱਚੇ ਰਸਤੇ ਆ ਰਹੀ ਸੀ ਤਾਂ ਵੈਨ ਦਾ ਸੰਤੁਲਨ ਵਿਗੜਣ ਕਾਰਨ ਵੈਨ ਇਕ ਗੰਦੇ ਨਾਲੇ ’ਚ ਪਲਟ ਗਈ। ਇਸ ਦੌਰਾਨ ਕੁਝ ਬੱਚੇ ਵੀ ਪਾਣੀ ’ਚ ਡਿੱਗ ਗਏ।
ਬੱਚਿਆਂ ਦਾ ਰੌਲ਼ਾ ਸੁਣ ਕੇ ਆਸ-ਪਾਸ ਦੇ ਲੋਕ ਇਕੱਠੇ ਹੋਏ ਜਿਨ੍ਹਾਂ ਨੇ ਫੁਰਤੀ ਨਾਲ ਬੱਚਿਆਂ ਨੂੰ ਸੁਰੱਖਿਅਤ ਬਾਹਰ ਕੱਢ ਲਿਆ।
ਪ੍ਰਤਖਦਰਸ਼ੀਆਂ ਅਨੁਸਾਰ ਵੈਨ ਦੀ ਸਪੀਡ ਜ਼ਿਆਦਾ ਹੋਣ ਤੇ ਰਸਤਾ ਤੰਗ ਹੋਣ ਕਾਰਨ ਹਾਦਸਾ ਵਾਪਰਿਆ ਹੈ। ਬੱਚੇ ਇਸ ਹਾਦਸੇ ਕਾਰਨ ਸਹਿਮੇ ਹੋਏ ਤੇ ਰੋ ਰਹੇ ਸਨ ਜਿਨ੍ਹਾਂ ਨੂੰ ਲੋਕਾਂ ਵੱਲੋਂ ਹੌਸਲਾ ਦਿੰਦਿਆਂ ਚੁੱਪ ਕਰਾਇਆ ਜਾ ਰਿਹਾ ਸੀ।
