Sanju Samson ਲਈ ਆਖਰੀ ਮੌਕਾ! ਟੀ-20 ਵਿਸ਼ਵ ਕੱਪ ਤੋਂ ਪਹਿਲਾਂ ਭਾਰਤ ਦਾ ‘ਪਲਾਨ-B’ ਤਿਆਰ

ਸਟਾਰ ਸਪੋਰਟਸ ‘ਤੇ ਕੁਮੈਂਟਰੀ ਕਰਦੇ ਹੋਏ ਸਾਬਕਾ ਦਿੱਗਜ ਗੇਂਦਬਾਜ਼ ਹਰਭਜਨ ਸਿੰਘ ਨੇ ਸੈਮਸਨ ਨੂੰ ਸਲਾਹ ਦਿੱਤੀ ਹੈ।

ਟੀ-20 ਵਿਸ਼ਵ ਕੱਪ 2026 ਸ਼ੁਰੂ ਹੋਣ ਵਿੱਚ ਹੁਣ ਸਿਰਫ਼ ਕੁੱਝ ਹੀ ਦਿਨ ਬਾਕੀ ਹਨ। ਭਾਰਤੀ ਟੀਮ ਇਸ ਸਮੇਂ ਸ਼ਾਨਦਾਰ ਫਾਰਮ ਵਿੱਚ ਨਜ਼ਰ ਆ ਰਹੀ ਹੈ—ਅਭਿਸ਼ੇਕ ਸ਼ਰਮਾ ਤਾਬੜਤੋੜ ਬੱਲੇਬਾਜ਼ੀ ਕਰ ਰਹੇ ਹਨ ਅਤੇ ਕਪਤਾਨ ਸੂਰਿਆਕੁਮਾਰ ਯਾਦਵ ਆਪਣੀ ਪੁਰਾਣੀ ਲੈਅ ਵਿੱਚ ਪਰਤ ਆਏ ਹਨ ਪਰ ਇਨ੍ਹਾਂ ਸਭ ਦੇ ਵਿਚਕਾਰ ਸੰਜੂ ਸੈਮਸਨ ਦੀ ਖ਼ਰਾਬ ਫਾਰਮ ਟੀਮ ਮੈਨੇਜਮੈਂਟ ਲਈ ਚਿੰਤਾ ਦਾ ਵਿਸ਼ਾ ਬਣੀ ਹੋਈ ਹੈ।

ਨਿਊਜ਼ੀਲੈਂਡ ਵਿਰੁੱਧ ਚੱਲ ਰਹੀ 5 ਮੈਚਾਂ ਦੀ ਸੀਰੀਜ਼ ਵਿੱਚ ਸੰਜੂ ਨੂੰ ਲਗਾਤਾਰ ਮੌਕੇ ਦਿੱਤੇ ਜਾ ਰਹੇ ਹਨ ਪਰ ਉਹ ਹੁਣ ਤੱਕ ਕੋਈ ਵੱਡੀ ਪਾਰੀ ਖੇਡਣ ਵਿੱਚ ਨਾਕਾਮ ਰਹੇ ਹਨ।

4 ਪਾਰੀਆਂ ‘ਚ ਸਿਰਫ਼ 40 ਦੌੜਾਂ… ਸੰਜੂ ‘ਤੇ ਵਧਿਆ ਦਬਾਅ

ਸੀਰੀਜ਼ ਵਿੱਚ ਭਾਰਤ 3-1 ਨਾਲ ਅੱਗੇ ਹੈ ਪਰ ਸੰਜੂ ਸੈਮਸਨ ਦੇ ਅੰਕੜੇ ਕਾਫ਼ੀ ਨਿਰਾਸ਼ਾਜਨਕ ਹਨ। ਨਿਊਜ਼ੀਲੈਂਡ ਖਿਲਾਫ਼ ਹੁਣ ਤੱਕ ਖੇਡੇ ਗਏ 4 ਮੈਚਾਂ ਵਿੱਚ ਸੰਜੂ ਨੇ ਸਿਰਫ਼ 40 ਦੌੜਾਂ ਬਣਾਈਆਂ ਹਨ ਅਤੇ ਉਨ੍ਹਾਂ ਦੀ ਔਸਤ ਸਿਰਫ਼ 10 ਦੀ ਰਹੀ ਹੈ।