HomeDeshLawrence Bishnoi ਗੈਂਗ ਨੇ ਗਾਇਕ ਬੀ ਪ੍ਰਾਕ ਨੂੰ ਦਿੱਤੀ ਧਮਕੀ, ਇੱਕ...
Lawrence Bishnoi ਗੈਂਗ ਨੇ ਗਾਇਕ ਬੀ ਪ੍ਰਾਕ ਨੂੰ ਦਿੱਤੀ ਧਮਕੀ, ਇੱਕ ਹਫ਼ਤੇ ਵਿੱਚ ਮੰਗੇ 10 ਕਰੋੜ ਰੁਪਏ
ਲਾਰੈਂਸ ਬਿਸ਼ਨੋਈ ਗੈਂਗ ਨੇ ਗਾਇਕ ਦਿਲਨੂਰ ਰਾਹੀਂ ਬੀ ਪ੍ਰਾਕ ਨੂੰ ਧਮਕੀ ਭੇਜੀ ਹੈ।
ਲਾਰੈਂਸ ਬਿਸ਼ਨੋਈ ਗੈਂਗ ਨੇ ਗਾਇਕ ਦਿਲਨੂਰ ਨੂੰ ਧਮਕੀ ਦਿੱਤੀ ਹੈ। ਜਿਸ ਵਿੱਚ 10 ਕਰੋੜ ਰੁਪਏ ਦੀ ਫਿਰੌਤੀ ਦੀ ਮੰਗ ਕੀਤੀ ਗਈ ਹੈ। ਇਹ ਧਮਕੀ ਬੀ ਪ੍ਰਾਕ ਨੂੰ ਭੇਜੇ ਗਏ ਇੱਕ ਸੁਨੇਹੇ ਰਾਹੀਂ ਦਿੱਤੀ ਗਈ ਸੀ। ਜਿਸ ਵਿੱਚ ਇੱਕ ਹਫ਼ਤੇ ਦੇ ਅੰਦਰ ਭੁਗਤਾਨ ਦੀ ਮੰਗ ਕੀਤੀ ਗਈ ਸੀ। ਗਾਇਕਾਂ ਅਤੇ ਅਦਾਕਾਰਾਂ ਨੂੰ ਪਹਿਲਾਂ ਵੀ ਅਜਿਹੀਆਂ ਧਮਕੀਆਂ ਮਿਲੀਆਂ ਹਨ। ਜਿੱਥੇ ਲਾਰੈਂਸ ਬਿਸ਼ਨੋਈ ਗੈਂਗ ਨੇ ਵੱਖ-ਵੱਖ ਮਸ਼ਹੂਰ ਹਸਤੀਆਂ ਤੋਂ ਫਿਰੌਤੀ ਦੀ ਮੰਗ ਕੀਤੀ ਹੈ।
ਲਾਰੈਂਸ ਬਿਸ਼ਨੋਈ ਗੈਂਗ ਨੇ ਧਮਕੀ ਵਿੱਚ ਕਿਹਾ ਕਿ “ਬੀ. ਪ੍ਰਾਕ ਨੂੰ ਸੁਨੇਹਾ ਭੇਜੋ, ਸਾਨੂੰ 10 ਕਰੋੜ ਰੁਪਏ ਚਾਹੀਦੇ ਹਨ। ਤੁਹਾਡੇ ਕੋਲ ਇੱਕ ਹਫ਼ਤੇ ਦਾ ਸਮਾਂ ਹੈ। ਜਿਸ ਵੀ ਦੇਸ਼ ਵਿੱਚ ਚਲੇ ਜਾਂ ਨੇੜੇ-ਤੇੜੇ ਦਾ ਕੋਈ ਵੀ ਵਿਅਕਤੀ ਮਿਲ ਗਿਆ ਤਾਂ ਨੁਕਸਾਨ ਪਹੁੰਚਾਵਾਂਗੇ। ਇਹ ਨਾ ਸੋਚੋ ਕਿ ਇਹ ਇੱਕ ਜਾਅਲੀ ਕਾਲ ਹੈ। ਜੇਕਰ ਮਿਲ ਕੇ ਚਲੋਗੇ ਤਾਂ ਠੀਕ ਨਹੀਂ ਤਾਂ ਮਿਟੀ ਵਿੱਚ ਮਿਲਾ ਦੇਵਾਂਗੇ।
ਗਾਇਕ ਬੀ ਪ੍ਰਾਕ ਨੂੰ ਮਿਲੀ ਧਮਕੀ ਗਾਇਕ ਦਿਲਨੂਰ ਨੂੰ ਆਈ ਕਾਲ ਦੇ ਜਰੀਏ ਦਿੱਤੀ ਗਈ ਹੈ। ਦਿਲਨੂਰ ਨੇ ਮੋਹਾਲੀ ਵਿੱਚ ਸ਼ਿਕਾਇਤ ਦਰਜ ਕਰਵਾਈ ਹੈ।
ਇੱਕ ਹਫ਼ਤੇ ਵਿੱਚ 10 ਕਰੋੜ ਰੁਪਏ ਦੀ ਮੰਗ: ਧਮਕੀ ਵਾਲੀ ਆਡੀਓ
ਇਹ ਆਡੀਓ ਰਿਕਾਰਡਿੰਗ 6 ਜਨਵਰੀ ਦੀ ਦੁਪਹਿਰ ਨੂੰ ਪੰਜਾਬੀ ਗਾਇਕਾ ਦਿਲਨੂਰ ਨੂੰ ਭੇਜੀ ਗਈ ਸੀ। ਇਸ ਤੋਂ ਪਹਿਲਾਂ, ਦਿਲਨੂਰ ਨੂੰ 5 ਜਨਵਰੀ ਨੂੰ ਦੋ ਵਾਰ ਫ਼ੋਨ ਕੀਤਾ ਗਿਆ ਸੀ। ਹਾਲਾਂਕਿ, ਉਸ ਨੇ ਫ਼ੋਨ ਦਾ ਜਵਾਬ ਨਹੀਂ ਦਿੱਤਾ। 6 ਜਨਵਰੀ ਨੂੰ ਇੱਕ ਵਿਦੇਸ਼ੀ ਨੰਬਰ ਤੋਂ ਇੱਕ ਹੋਰ ਫ਼ੋਨ ਆਇਆ। ਦਿਲਨੂਰ ਦੀ ਸ਼ਿਕਾਇਤ ਦੇ ਅਨੁਸਾਰ, ਉਸ ਨੇ ਫ਼ੋਨ ਦਾ ਜਵਾਬ ਦਿੱਤਾ। ਹਾਲਾਂਕਿ, ਗੱਲਬਾਤ ਨੂੰ ਅਜੀਬ ਸਮਝਦਿਆਂ, ਉਸ ਨੇ ਫ਼ੋਨ ਕੱਟ ਦਿੱਤਾ। ਫਿਰ ਦਿਲਨੂਰ ਨੂੰ ਇੱਕ ਵੌਇਸ ਮੈਸੇਜ ਭੇਜਿਆ ਗਿਆ।
ਇੱਕ ਵਾਰ ਫਿਰ ਮੈਸੇਜ ਸੁਣੋ ਜਿਸ ਵਿੱਚ ਕਾਲਰ ਨੇ ਆਪਣਾ ਨਾਮ ਆਰਜੂ ਬਿਸ਼ੋਈ ਦੱਸਿਆ। ਆਰਜੂ ਬਿਸ਼ਨੋਈ ਲਾਰੈਂਸ ਬਿਸ਼ਨੋਈ ਲਈ ਕੰਮ ਕਰਦਾ ਹੈ ਅਤੇ ਵਿਦੇਸ਼ ਵਿੱਚ ਬੈਠ ਕੇ ਕੰਮ ਕਰਦਾ ਹੈ।
ਧਮਕੀ ਭਰੀ ਆਡੀਓ ਵਿੱਚ ਕੀ ਹੈ?
ਹੈਲੋ, ਆਰਜ਼ੂ ਬਿਸ਼ਨੋਈ ਬੋਲ ਰਿਹਾ ਹਾਂ। ਬੀ ਪ੍ਰਾਕ ਨੂੰ ਮੈਸੇਜ ਭੇਜੋ, ਉਸ ਨੂੰ 10 ਕਰੋੜ ਰੁਪਏ ਚਾਹੀਦੇ ਹਨ। ਤੁਹਾਡੇ ਕੋਲ ਇੱਕ ਹਫ਼ਤੇ ਦਾ ਸਮਾਂ ਹੈ। ਜਿਸ ਵੀ ਦੇਸ਼ ਵਿੱਚ ਚਲੇ ਜਾਂ ਨੇੜੇ-ਤੇੜੇ ਦਾ ਕੋਈ ਵੀ ਵਿਅਕਤੀ ਮਿਲ ਗਿਆ ਤਾਂ ਨੁਕਸਾਨ ਪਹੁੰਚਾਵਾਂਗੇ। ਮਿਲ ਕੇ ਚਲੋਗੇ ਤਾਂ ਠੀਕ ਨਹੀਂ ਤਾਂ ਮਿਟੀ ਵਿੱਚ ਮਿਲਾ ਦੇਵਾਂਗੇ।
ਇਹ ਮੈਸੇਜ ਮਿਲਣ ਤੋਂ ਬਾਅਦ, ਦਿਲਨੂਰ ਨੇ 6 ਜਨਵਰੀ ਨੂੰ ਹੀ ਐਸਐਸਪੀ ਮੋਹਾਲੀ ਨੂੰ ਲਿਖਤੀ ਸ਼ਿਕਾਇਤ ਦਿੱਤੀ ਸੀ, ਜਿਸਦੀ ਜਾਂਚ ਇਸ ਸਮੇਂ ਚੱਲ ਰਹੀ ਹੈ।
ਨਵੇਂ ਸਾਲ ‘ਤੇ ਗੈਂਗ ਨੇ ਚਲਾਈਆਂ ਸਨ ਕਈ ਗੋਲੀਆਂ
ਲਾਰੈਂਸ ਗੈਂਗ ਨੇ ਨਵੇਂ ਸਾਲ ਦੀ ਸ਼ੁਰੂਆਤ ਰੋਹਿਣੀ ਵਿੱਚ ਸ਼ਾਮ 6 ਵਜੇ ਇੱਕ ਵਪਾਰੀ ਦੇ ਘਰ ਦੇ ਬਾਹਰ 25 ਰਾਉਂਡ ਗੋਲੀਆਂ ਚਲਾ ਕੇ ਕੀਤੀ। ਫਿਰ ਉਨ੍ਹਾਂ ਨੇ ਪੱਛਮੀ ਵਿਹਾਰ ਵਿੱਚ ਇੱਕ ਜਿੰਮ ਅਤੇ ਪੂਰਬੀ ਦਿੱਲੀ ਵਿੱਚ ਇੱਕ ਵਪਾਰੀ ਨੂੰ ਨਿਸ਼ਾਨਾ ਬਣਾਇਆ। ਢੰਗ-ਤਰੀਕਾ ਇੱਕੋ ਜਿਹਾ ਸੀ: ਪਹਿਲਾਂ ਫ਼ੋਨ ਦੀ ਧਮਕੀ, ਫਿਰ ਇੱਕ ਘਰ ਦੇ ਬਾਹਰ ਗੋਲੀਬਾਰੀ। ਹਾਲਾਂਕਿ, ਦਿੱਲੀ ਪੁਲਿਸ ਨੇ ਦੋਵਾਂ ਘਟਨਾਵਾਂ ਵਿੱਚ ਸ਼ਾਮਲ ਅਪਰਾਧੀਆਂ ਨੂੰ ਇੱਕ ਮੁਕਾਬਲੇ ਤੋਂ ਬਾਅਦ ਗ੍ਰਿਫ਼ਤਾਰ ਕਰ ਲਿਆ।
