ਹਿਜ਼ਬੁੱਲਾ ਨੇ ਕਿਹਾ ਕਿ ਇਸ ਨੇ ਇਜ਼ਰਾਈਲੀ ਮਿਲਟਰੀ ਇੰਟੈਲੀਜੈਂਸ ਯੂਨਿਟ 8200 ਦੁਆਰਾ ਵਰਤੇ ਗਏ ਗਿਲੋਟ ਬੇਸ, ਅਤੇ ਤੇਲ ਅਵੀਵ ਦੇ ਉਪਨਗਰ ਵਿੱਚ ਨੀਰੀਤ ਖੇਤਰ ਵਿੱਚ ਰਾਕੇਟ ਦਾਗੇ।
ਇਜ਼ਰਾਇਲੀ ਫੌਜ ਦੀ ਕਾਰਵਾਈ ਦਾ ਜਵਾਬ ਦਿੰਦੇ ਹੋਏ ਹਿਜ਼ਬੁੱਲਾ ਨੇ ਇਜ਼ਰਾਇਲ ‘ਤੇ ਹਮਲਾ ਕੀਤਾ ਹੈ। ਹਿਜ਼ਬੁੱਲਾ ਨੇ ਦਾਅਵਾ ਕੀਤਾ ਹੈ ਕਿ ਉਸ ਨੇ ਤੇਲ ਅਵੀਵ ‘ਤੇ ਮਿਜ਼ਾਈਲ ਹਮਲਾ ਕੀਤਾ ਹੈ। ਹਿਜ਼ਬੁੱਲਾ ਨੇ ਦਾਅਵਾ ਕੀਤਾ ਕਿ ਉਸ ਨੇ ਮੰਗਲਵਾਰ ਸਵੇਰੇ ਇਜ਼ਰਾਈਲ ਦੇ ਸ਼ਹਿਰ ਤੇਲ ਅਵੀਵ ਅਤੇ ਹੈਫਾ ਦੇ ਪੱਛਮ ਵਿੱਚ ਇੱਕ ਨੇਵੀ ਬੇਸ ਦੇ ਨੇੜੇ ਦੋ ਟੀਚਿਆਂ ‘ਤੇ ਰਾਕੇਟ ਦਾਗੇ ਸਨ।
ਇਨ੍ਹਾਂ ਟਿਕਾਣਿਆਂ ਨੂੰ ਬਣਾਇਆ ਨਿਸ਼ਾਨਾ
ਹਿਜ਼ਬੁੱਲਾ ਨੇ ਕਿਹਾ ਕਿ ਇਸ ਨੇ ਇਜ਼ਰਾਈਲੀ ਮਿਲਟਰੀ ਇੰਟੈਲੀਜੈਂਸ ਯੂਨਿਟ 8200 ਦੁਆਰਾ ਵਰਤੇ ਗਏ ਗਿਲੋਟ ਬੇਸ, ਅਤੇ ਤੇਲ ਅਵੀਵ ਦੇ ਉਪਨਗਰ ਵਿੱਚ ਨੀਰੀਤ ਖੇਤਰ ਵਿੱਚ ਰਾਕੇਟ ਦਾਗੇ। ਹਿਜ਼ਬੁੱਲਾ ਨੇ ਇਹ ਵੀ ਦਾਅਵਾ ਕੀਤਾ ਕਿ ਉਸਨੇ ਉੱਤਰ ਵਿੱਚ ਬੰਦਰਗਾਹ ਸ਼ਹਿਰ ਹੈਫਾ ਦੇ ਬਾਹਰ ਇੱਕ ਜਲ ਸੈਨਾ ਦੇ ਅੱਡੇ ‘ਤੇ ਰਾਕੇਟ ਦਾਗੇ। ਇਨ੍ਹਾਂ ਹਮਲਿਆਂ ‘ਚ ਹੁਣ ਤੱਕ ਕਿਸੇ ਜਾਨੀ ਨੁਕਸਾਨ ਦੀ ਸੂਚਨਾ ਨਹੀਂ ਹੈ।
ਯੁੱਧ ਦੇ ਦੌਰਾਨ 11ਵੀਂ ਵਾਰ ਇਜ਼ਰਾਈਲ ਪਹੁੰਚਿਆ ਬਲਿੰਕਨ
ਇਜ਼ਰਾਈਲੀ ਅਧਿਕਾਰੀਆਂ ਨੇ ਕਿਹਾ ਕਿ ਲਿਬਨਾਨ ਵਲੋਂ ਹਮਲੇ ਕੀਤੇ ਜਾਣ ਤੋਂ ਬਾਅਦ ਤੇਲ ਅਵੀਵ ਦੇ ਦੱਖਣ-ਪੂਰਬ ਦੇ ਖੇਤਰਾਂ ਵਿੱਚ ਹਵਾਈ ਸਾਇਰਨ ਸਰਗਰਮ ਹੋ ਗਏ ਸਨ। ਤੇਲ ਅਵੀਵ ਸਮੇਤ ਕਈ ਸ਼ਹਿਰਾਂ ਵਿੱਚ ਸਾਇਰਨ ਵੱਜੇ। ਤੁਹਾਨੂੰ ਦੱਸ ਦੇਈਏ ਕਿ ਇਜ਼ਰਾਈਲ-ਹਮਾਸ ਜੰਗ ਦਰਮਿਆਨ ਅਮਰੀਕੀ ਵਿਦੇਸ਼ ਮੰਤਰੀ ਐਂਟਨੀ ਬਲਿੰਕਨ 11ਵੀਂ ਵਾਰ ਇਜ਼ਰਾਈਲ ਪਹੁੰਚੇ ਹਨ।
ਇਜ਼ਰਾਈਲੀ ਮੀਡੀਆ ਨੇ ਪੁਲਿਸ ਦੇ ਹਵਾਲੇ ਨਾਲ ਕਿਹਾ ਕਿ ਇੰਟਰਸੈਪਟਰ ਦੇ ਟੁਕੜੇ ਉੱਤਰੀ ਇਜ਼ਰਾਈਲ ਦੇ ਸ਼ਹਿਰ ਮੈਗਨ ਮਾਈਕਲ ਵਿੱਚ ਡਿੱਗੇ। ਇਹ ਟੁਕੜੇ ਇਮਾਰਤਾਂ ਅਤੇ ਕੁਝ ਵਾਹਨਾਂ ‘ਤੇ ਡਿੱਗੇ।
