ਦੇਸ਼ ਦੇ ਸਭ ਤੋਂ ਵੱਡੇ ਕਰਜ਼ਾ ਦੇਣ ਵਾਲੇ ਭਾਰਤੀ ਸਟੇਟ ਬੈਂਕ ਨੇ ਆਮ ਲੋਕਾਂ ਨੂੰ ਵੱਡਾ ਝਟਕਾ ਦਿੰਦੇ ਹੋਏ ਕਰਜ਼ੇ ਦੀ EMI ਵਧਾ ਦਿੱਤੀ ਹੈ। SBI ਨੇ MCLR, EBLR ਅਤੇ ਰੇਪੋ ਲਿੰਕਡ ਉਧਾਰ ਦਰਾਂ ਦੀ ਬੇਸ ਰੇਟ ਵਧਾ ਦਿੱਤੀ ਹੈ। ਕਰਜ਼ੇ, ਜਿਵੇਂ ਕਿ ਆਟੋ ਜਾਂ ਹੋਮ ਲੋਨ, ਉਧਾਰ ਲੈਣ ਵਾਲਿਆਂ ਲਈ ਹੋਰ ਮਹਿੰਗੇ ਹੋ ਜਾਣਗੇ। ਨਵੀਆਂ ਦਰਾਂ ਅੱਜ ਯਾਨੀ 15 ਦਸੰਬਰ ਤੋਂ ਲਾਗੂ ਹੋ ਗਈਆਂ ਹਨ। MCLR ਘੱਟੋ-ਘੱਟ ਵਿਆਜ ਦਰ ਹੈ ਜਿਸ ‘ਤੇ ਕੋਈ ਵੀ ਬੈਂਕ ਕਿਸੇ ਵੀ ਗਾਹਕ ਨੂੰ ਕਰਜ਼ਾ ਦੇ ਸਕਦਾ ਹੈ। ਅਸੀਂ ਤੁਹਾਨੂੰ ਇਹ ਵੀ ਦੱਸਦੇ ਹਾਂ ਕਿ SBI ਨੇ ਆਪਣੀ ਵਿਆਜ ਦਰਾਂ ਵਿੱਚ ਕਿੰਨਾ ਵਾਧਾ ਕੀਤਾ ਹੈ।
ਛੇ ਮਹੀਨਿਆਂ ਦੇ MCLR ਵਿੱਚ 0.10 ਫ਼ੀਸਦੀ ਦਾ ਵਾਧਾ ਕੀਤਾ ਗਿਆ ਅਤੇ ਵਿਆਜ ਦਰ 8.55 ਫ਼ੀਸਦੀ ਹੋ ਗਈ ਸੀ। ਇੱਕ ਸਾਲ ਦਾ MCLR, ਜੋ ਬਹੁਤ ਸਾਰੇ ਉਪਭੋਗਤਾ ਕਰਜ਼ਿਆਂ ਨਾਲ ਜੁੜਿਆ ਹੋਇਆ ਹੈ, ਹੁਣ 8.55 ਫ਼ੀਸਦੀ ਤੋਂ 0.10 ਫ਼ੀਸਦੀ ਵਧ ਕੇ 8.65 ਫ਼ੀਸਦੀ ਹੋ ਗਿਆ ਹੈ। ਦੋ ਸਾਲ ਅਤੇ ਤਿੰਨ ਸਾਲਾਂ ਦੇ ਕਾਰਜਕਾਲ ਲਈ MCLR ਵਿੱਚ 10 ਅਧਾਰ ਅੰਕਾਂ ਦਾ ਵਾਧਾ ਕੀਤਾ ਗਿਆ, ਜਿਸ ਤੋਂ ਬਾਅਦ ਦਰਾਂ ਕ੍ਰਮਵਾਰ 8.75 ਫ਼ੀਸਦੀ ਅਤੇ 8.85 ਫ਼ੀਸਦੀ ਹੋ ਗਈਆਂ ਹਨ।
SBI ਨੇ ਆਪਣੀ ਬੇਸ ਰੇਟ 10.10 ਫ਼ੀਸਦੀ ਤੋਂ ਵਧਾ ਕੇ 10.25 ਫ਼ੀਸਦੀ ਕਰ ਦਿੱਤੀ ਹੈ। ਜੇਕਰ ਗੱਲ ਕਰੀਏ ਤਾਂ ਇਸ ਵਿੱਚ ਵੀ ਵਾਧਾ ਕੀਤਾ ਗਿਆ ਹੈ। SBI ਦੀ MCLR ਦਰ 8 ਫ਼ੀਸਦੀ ਤੋਂ 8.85 ਫ਼ੀਸਦੀ ਦੇ ਵਿਚਕਾਰ ਹੋਵੇਗੀ। ਓਵਰਨਾਈਟ MCLR ਦਰ 8 ਫ਼ੀਸਦੀ ਹੈ, ਜਦੋਂ ਕਿ ਇੱਕ ਮਹੀਨੇ ਅਤੇ ਤਿੰਨ ਮਹੀਨਿਆਂ ਦੇ ਕਾਰਜਕਾਲ ਲਈ MCLR ਦਰ 8.15 ਫ਼ੀਸਦੀ ਤੋਂ ਵਧ ਕੇ 8.20 ਫ਼ੀਸਦੀ ਹੋ ਗਈ ਹੈ।
EBLR ਅਤੇ BPLR ਵਿੱਚ ਵੀ ਵਾਧਾ
ਸਟੇਟ ਬੈਂਕ ਆਫ ਇੰਡੀਆ ਦੀ ਬਾਹਰੀ ਬੈਂਚਮਾਰਕ ਲਿੰਕਡ ਦਰ ਭਾਵ EBLR 9.15 ਫ਼ੀਸਦੀ+ CRP + BSP ਹੈ। ਰੇਪੋ ਲਿੰਕਡ ਉਧਾਰ ਦਰ 8.75 ਫ਼ੀਸਦੀ + ਸੀ.ਆਰ.ਪੀ. ਹੈ। ਦੋਵੇਂ ਦਰਾਂ 15 ਫਰਵਰੀ 2023 ਤੋਂ ਲਾਗੂ ਹੋ ਗਈਆਂ ਹਨ। ਇਸ ਦੇ ਨਾਲ ਹੀ, 15 ਦਸੰਬਰ ਨੂੰ ਬੈਂਚਮਾਰਕ ਪ੍ਰਾਈਮ ਉਧਾਰ ਦਰ (BPLR) ਨੂੰ 25 bps ਵਧਾ ਕੇ 15 ਫ਼ੀਸਦੀ ਸਾਲਾਨਾ ਕਰ ਦਿੱਤਾ ਗਿਆ ਹੈ, ਜੋ ਪਹਿਲਾਂ 14.85 ਫ਼ੀਸਦੀ ਸੀ।
