ਪੈਰਿਸ ਓਲੰਪਿਕ-2024 ਦਾ ਸੱਤਵਾਂ ਦਿਨ ਭਾਰਤ ਲਈ ਬਹੁਤ ਅਹਿਮ ਰਹਿਣ ਵਾਲਾ ਹੈ।
ਪੈਰਿਸ ਓਲੰਪਿਕ-2024 ਦਾ ਸੱਤਵਾਂ ਦਿਨ ਭਾਰਤ ਲਈ ਬਹੁਤ ਅਹਿਮ ਰਹਿਣ ਵਾਲਾ ਹੈ। ਹੁਣ ਤਕ ਭਾਰਤ ਨੇ ਕੁੱਲ 3 ਤਗਮੇ ਜਿੱਤੇ ਹਨ। ਨਿਸ਼ਾਨੇਬਾਜ਼ੀ ਵਿਚ ਸਵਪਨੀਲ ਕੁਸਾਲੇ ਨੇ ਛੇਵੇਂ ਦਿਨ ਦੇਸ਼ ਲਈ ਕਾਂਸੀ ਦਾ ਤਗ਼ਮਾ ਜਿੱਤਿਆ। ਉਸ ਤੋਂ ਪਹਿਲਾਂ ਸਟਾਰ ਮਨੂ ਭਾਕਰ ਅਤੇ ਸਰਬਜੋਤ ਸਿੰਘ ਵੀ ਨਿਸ਼ਾਨੇਬਾਜ਼ੀ ਵਿਚ ਕਾਂਸੀ ਦੇ ਤਗਮੇ ਜਿੱਤ ਚੁੱਕੇ ਹਨ। ਇਸ ਦੇ ਨਾਲ ਹੀ ਭਾਰਤ ਨੂੰ ਅੱਜ ਦੋ ਹੋਰ ਤਗਮੇ ਮਿਲਣ ਦੀ ਉਮੀਦ ਹੈ। ਮਨੂੰ ਭਾਕਰ ਦੁਪਹਿਰ 12:30 ਵਜੇ ਤੋਂ 25 ਮੀਟਰ ਪਿਸਟਲ ਸ਼ੂਟਿੰਗ ਮੁਕਾਬਲੇ ਵਿਚ ਹਿੱਸਾ ਲਵੇਗੀ। ਇਸ ਈਵੈਂਟ ਵਿਚ ਉਨ੍ਹਾਂ ਨਾਲ ਈਸ਼ਾ ਸਿੰਘ ਵੀ ਭਾਗ ਲਵੇਗੀ। ਮਨੂੰ ਦੀ ਨਜ਼ਰ ਮੈਡਲ ਦੀ ਹੈਟ੍ਰਿਕ ‘ਤੇ ਹੋਵੇਗੀ। ਪੈਰਿਸ ਓਲੰਪਿਕ 2024 ‘ਚ ਭਾਰਤੀ ਸ਼ਟਲਰ ਲਕਸ਼ਯ ਸੇਨ ਨੇ ਹੁਣ ਤਕ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ। ਹੁਣ ਉਸ ਦਾ ਸਾਹਮਣਾ ਕੁਆਰਟਰ ਫਾਈਨਲ ਮੈਚ ਵਿਚ ਤਾਈਵਾਨ ਦੇ ਸ਼ਟਲਰ ਚੋਊ ਟਿਨ ਚੇਨ ਨਾਲ ਹੋਵੇਗਾ ਅਤੇ ਉਸ ਨੂੰ ਹਰਾ ਕੇ ਉਹ ਸੈਮੀਫਾਈਨਲ ਵਿਚ ਪਹੁੰਚਣਾ ਚਾਹੇਗਾ।
ਕੀ ਭਾਰਤੀ ਤੀਰਅੰਦਾਜ਼ ਕਰ ਸਕਣਗੇ ਕਮਾਲ ਦਾ ਪ੍ਰਦਰਸ਼ਨ
ਭਾਰਤੀ ਤੀਰਅੰਦਾਜ਼ ਇਸ ਓਲੰਪਿਕ ਵਿਚ ਕੁਝ ਖਾਸ ਨਹੀਂ ਕਰ ਸਕੇ ਹਨ। ਹੁਣ ਤਕ ਉਹ ਸਾਰੇ ਮੁਕਾਬਲਿਆਂ ਵਿਚ ਸੈਮੀਫਾਈਨਲ ਤੱਕ ਨਹੀਂ ਪਹੁੰਚ ਸਕੇ। ਅੱਜ ਭਾਰਤੀ ਤੀਰਅੰਦਾਜ਼ਾਂ ਨੂੰ ਮਿਕਸਡ ਟੀਮ ਮੁਕਾਬਲੇ ਵਿਚ ਹਿੱਸਾ ਲੈਣਾ ਹੈ ਅਤੇ ਉਮੀਦ ਹੈ ਕਿ ਉਹ ਇੱਥੇ ਚੰਗਾ ਪ੍ਰਦਰਸ਼ਨ ਕਰਨਗੇ।
ਮਿਕਸਡ ਟੀਮ ਐਲੀਮੀਨੇਸ਼ਨ ਰਾਊਂਡ (ਅੰਕਿਤਾ ਭਗਤ/ਧੀਰਜ ਬੋਮਦੇਵਰਾ ਬਨਾਮ ਦਯਾਨੰਦ ਚੋਈਰੁਨੀਸਾ-ਆਰਿਫ ਪੰਗੇਸਟੂ) – ਦੁਪਹਿਰ 1:19 ਵਜੇ
ਮਿਕਸਡ ਟੀਮ ਕੁਆਰਟਰ ਫਾਈਨਲ: ਸ਼ਾਮ 5:45 ਵਜੇ
ਮਿਕਸਡ ਟੀਮ ਸੈਮੀਫਾਈਨਲ: ਸ਼ਾਮ 7:01 ਵਜੇ
ਮਿਕਸਡ ਟੀਮ ਕਾਂਸੀ ਤਮਗਾ ਮੈਚ: ਸ਼ਾਮ 7:54 ਵਜੇ
ਮਿਕਸਡ ਟੀਮ ਗੋਲਡ ਮੈਡਲ ਮੈਚ – ਰਾਤ 8:13 ਵਜੇ
ਹਾਕੀ ‘ਚ ਭਾਰਤ ਦਾ ਸਾਹਮਣਾ ਆਸਟ੍ਰੇਲੀਆ ਨਾਲ ਹੋਵੇਗਾ
ਭਾਰਤੀ ਪੁਰਸ਼ ਹਾਕੀ ਟੀਮ ਨੂੰ ਬੈਲਜ਼ੀਅਮ ਤੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ ਅਤੇ ਅੱਜ ਗਰੁੱਪ ਗੇੜ ਵਿਚ ਹਾਕੀ ਟੀਮ ਦਾ ਸਾਹਮਣਾ ਆਸਟ੍ਰੇਲੀਆ ਨਾਲ ਹੋਵੇਗਾ। ਇਹ ਮੈਚ ਸ਼ਾਮ 4:45 ਵਜੇ ਸ਼ੁਰੂ ਹੋਵੇਗਾ।
ਮਨੂ ਭਾਕਰ ਦਾ ਮੈਡਲ ਮੈਚ ਕਿਸ ਸਮੇਂ ਖੇਡਿਆ ਜਾਵੇਗਾ?
ਮਨੂ ਭਾਕਰ ਪੈਰਿਸ ਓਲੰਪਿਕ 2024 ਦੇ ਸੱਤਵੇਂ ਦਿਨ ਦੁਪਹਿਰ 12.30 ਵਜੇ ਤੋਂ ਨਿਸ਼ਾਨੇਬਾਜ਼ੀ ਦੇ 25 ਮੀਟਰ ਪਿਸਟਲ ਮੁਕਾਬਲੇ ਵਿੱਚ ਹਿੱਸਾ ਲਵੇਗੀ। ਇਸ ਈਵੈਂਟ ਵਿੱਚ ਉਸ ਨਾਲ ਈਸ਼ਾ ਸਿੰਘ ਵੀ ਹਿੱਸਾ ਲੈ ਰਹੀ ਹੈ। ਪੂਰੇ ਦੇਸ਼ ਨੂੰ ਮਨੂੰ ਭਾਕਰ ਲਈ ਚੌਥੇ ਤਗਮੇ ਦੀ ਉਮੀਦ ਹੈ।
ਭਾਰਤ ਦੋ ਹੋਰ ਤਗਮੇ ਜਿੱਤ ਸਕਦਾ ਹੈ
ਪੈਰਿਸ ਓਲੰਪਿਕ 2024 ਦੇ ਸੱਤਵੇਂ ਦਿਨ ਭਾਰਤ ਨੂੰ ਕੁੱਲ 2 ਤਗਮੇ ਮਿਲ ਸਕਦੇ ਹਨ। ਅੱਜ ਇੱਕ ਵਾਰ ਫਿਰ ਮਨੂੰ ਭਾਕਰ ਐਕਸ਼ਨ ਵਿੱਚ ਨਜ਼ਰ ਆਉਣਗੇ। ਤੁਹਾਨੂੰ ਦੱਸ ਦੇਈਏ ਕਿ ਪੈਰਿਸ ਓਲੰਪਿਕ ਦੇ 6 ਦਿਨ ਪੂਰੇ ਹੋ ਚੁੱਕੇ ਹਨ ਅਤੇ ਹੁਣ ਤੱਕ ਭਾਰਤ ਨੇ ਤਿੰਨ ਕਾਂਸੀ ਦੇ ਤਗਮੇ ਜਿੱਤੇ ਹਨ।
