ਨਵੇਂ ਫੀਚਰਜ਼ ਦੀ ਗੱਲ ਕਰੀਏ ਤਾਂ ਲਿਸਟ ‘ਚ LED ਹੈੱਡਲਾਈਟ, ਪਾਇਲਟ ਲੈਂਪ ਤੇ ਟੇਲ ਲਾਈਟ ਸ਼ਾਮਲ ਹੋ ਸਕਦੇ ਹਨ।
Royal Enfield ਜਲਦ ਹੀ ਭਾਰਤ ‘ਚ ਅੱਪਡੇਟ ਕੀਤੇ ਕਲਾਸਿਕ 350 ਨੂੰ ਲਾਂਚ ਕਰਨ ਲਈ ਤਿਆਰ ਹੈ। ਕੰਪਨੀ ਨੇ ਅਪਡੇਟ ਕੀਤੀ ਬਾਈਕ ਦੀ ਲਾਂਚਿੰਗ ਡੇਟ 12 ਅਗਸਤ ਤੈਅ ਕੀਤੀ ਹੈ। ਹਾਲਾਂਕਿ ਬ੍ਰਾਂਡ ਨੇ ਅਜੇ ਤਕ ਇਹ ਐਲਾਨ ਨਹੀਂ ਕੀਤਾ ਹੈ ਕਿ ਉਹ ਆਪਣੀ ਮੋਟਰਸਾਈਕਲ ‘ਚ ਕੀ-ਕੀ ਬਦਲਾਅ ਕਰਨਗੇ। 2024 Royal Enfield Classic 350 ‘ਚ ਮੌਜੂਦਾ ਮਾਡਲ ਦਾ ਡਿਜ਼ਾਈਨ ਬਰਕਰਾਰ ਰਹੇਗਾ, ਪਰ ਇਸ ਵਿਚ ਪਹਿਲਾਂ ਨਾਲੋਂ ਜ਼ਿਆਦਾ ਫੀਚਰ ਮਿਲਣ ਦੀ ਉਮੀਦ ਹੈ।
ਅਪਡੇਟਿਡ ਫੀਚਰ ਲਿਸਟ
ਨਵੇਂ ਫੀਚਰਜ਼ ਦੀ ਗੱਲ ਕਰੀਏ ਤਾਂ ਲਿਸਟ ‘ਚ LED ਹੈੱਡਲਾਈਟ, ਪਾਇਲਟ ਲੈਂਪ ਤੇ ਟੇਲ ਲਾਈਟ ਸ਼ਾਮਲ ਹੋ ਸਕਦੇ ਹਨ। ਕਲਾਸਿਕ 350 ਦੇ ਮੌਜੂਦਾ ਲਾਈਨਅੱਪ ਵਾਂਗ, 2024 ਮਾਡਲ ਵੀ ਕਈ ਵੇਰੀਐਂਟਸ ਤੇ ਵੱਖ-ਵੱਖ ਹਾਰਡਵੇਅਰ ਸੈੱਟਅੱਪ ‘ਚ ਪੇਸ਼ ਕੀਤਾ ਜਾਵੇਗਾ। ਤੁਹਾਨੂੰ ਦੱਸ ਦੇਈਏ ਕਿ ਰਾਇਲ ਇਨਫੀਲਡ ਦੇ ਮੌਜੂਦਾ ਮਾਡਲ ਲਈ ਛੇ ਵੱਖ-ਵੱਖ ਟ੍ਰਿਮ ਹਨ। ਇਹ ਰੰਗ, ABS ਸੈੱਟਅੱਪ ਤੇ ਬ੍ਰੇਕਿੰਗ ਹਾਰਡਵੇਅਰ ‘ਚ ਵੱਖ-ਵੱਖ ਹਨ।
ਇੰਜਣ ਤੇ ਸਪੈਸੀਫਿਕੇਨ
ਉੱਪਰ ਦੱਸੇ ਗਏ ਬਦਲਾਵਾਂ ਤੋਂ ਇਲਾਵਾ ਅਸੀਂ ਉਮੀਦ ਕਰ ਸਕਦੇ ਹਾਂ ਕਿ 2024 ਰਾਇਲ ਐਨਫੀਲਡ ਕਲਾਸਿਕ 350 ‘ਚ ਉਹੀ J-ਸੀਰੀਜ਼ 349cc, ਏਅਰ/ਓਇਲ-ਕੂਲਡ ਇੰਜਣ ਨੂੰ ਬਰਕਰਾਰ ਰਹੇਗਾ। ਇਹ 20.2bhp ਅਤੇ 27Nm ਬਣਾਉਂਦਾ ਹੈ ਤੇ 5-ਸਪੀਡ ਗਿਅਰਬਾਕਸ ਨਾਲ ਜੋੜਿਆ ਗਿਆ ਹੈ। ਇੱਥੋਂ ਤਕ ਕਿ ਟੈਲੀਸਕੋਪਿਕ ਫਰੰਟ ਫੋਰਕਸ, ਡੂਅਲ ਰਿਅਰ ਸ਼ੌਕਸ, ਸਪੋਕ ਵ੍ਹੀਲਜ਼ ‘ਤੇ ਲੱਗੇ ਆਪਸ਼ਨਲ ਰਿਅਰ ਡ੍ਰਮ ਤੇ ਡਿਸਕ ਦੇ ਨਾਲ ਫਰੰਟ ਡਿਸਕ ਨੂੰ ਵੀ ਅੱਗੇ ਵਧਾਇਆ ਜਾਵੇਗਾ।
ਸੰਭਾਵੀ ਕੀਮਤ
ਨਵੇਂ ਫੀਚਰਜ਼ ਨੂੰ ਜੋੜਨ ਤੋਂ ਬਾਅਦ ਮੌਜੂਦਾ ਮਾਡਲ ਦੇ ਮੁਕਾਬਲੇ ਕੀਮਤ ‘ਚ ਮਾਮੂਲੀ ਵਾਧਾ ਹੋ ਸਕਦਾ ਹੈ। ਅਸੀਂ ਉਮੀਦ ਕਰਦੇ ਹਾਂ ਕਿ 2024 ਰਾਇਲ ਐਨਫੀਲਡ ਕਲਾਸਿਕ 350 ਦੀ ਕੀਮਤ ਬੇਸ ਮਾਡਲ ਲਈ ਲਗਪਗ 2 ਲੱਖ ਰੁਪਏ ਤੇ ਟਾਪ-ਸਪੈਕ ਟ੍ਰਿਮ, ਐਕਸ-ਸ਼ੋਅਰੂਮ ਲਈ 2.30 ਲੱਖ ਰੁਪਏ ਹੋਵੇਗੀ। ਹਾਲਾਂਕਿ, ਕੰਪਨੀ ਤੋਂ ਅਧਿਕਾਰਤ ਪੁਸ਼ਟੀ ਹੋਣੀ ਅਜੇ ਬਾਕੀ ਹੈ।
