ਗੌਰਵ ਨੇ ਦੱਸਿਆ ਸੀ ਕਿ ਉਸ ਨੂੰ ਰਣਜੀਤ ਨਾਂ ਦੇ ਗੈਂਗਸਟਰ ਦੀ ਆਡੀਓ ਮਿਲੀ ਸੀ।
ਪੰਜਾਬ ਭਾਜਪਾ ਦੇ ਸਾਬਕਾ ਪ੍ਰਧਾਨ ਤੇ ਸਾਬਕਾ ਰਾਜ ਸਭਾ ਮੈਂਬਰ ਸ਼ਵੇਤ ਮਲਿਕ ਨੂੰ ਜਾਨੋਂ ਮਾਰਨ ਦੀ ਧਮਕੀ ਮਿਲੀ ਹੈ। ਸ਼ਵੇਤ ਮਲਿਕ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਇਹ ਧਮਕੀ 3 ਜੁਲਾਈ ਨੂੰ ਮਿਲੀ ਸੀ। ਉਨ੍ਹਾਂ ਨੂੰ ਇਸ ਦੀ ਸੂਚਨਾ ਅੰਮ੍ਰਿਤਸਰ ਦੇ ਪੁਲਿਸ ਕਮਿਸ਼ਨਰ ਨੂੰ ਦਿੱਤੀ ਹੈ। ਪਰ ਛੇ ਦਿਨ ਬੀਤ ਜਾਣ ਤੋਂ ਬਾਅਦ ਵੀ ਪੁਲਿਸ ਮੁਲਜ਼ਮਾਂ ਦਾ ਸੁਰਾਗ ਨਹੀਂ ਲਗਾ ਸਕੀ। ਸ਼ਵੇਤ ਮਲਿਕ ਨੇ ਦੱਸਿਆ ਕਿ 3 ਜੁਲਾਈ ਨੂੰ 11.30 ਵਜੇ ਉਨ੍ਹਾਂ ਨੂੰ ਗੌਰਵ ਨਾਂ ਦੇ ਨੌਜਵਾਨ ਦਾ ਫੋਨ ਆਇਆ ਸੀ। ਗੌਰਵ ਨੇ ਦੱਸਿਆ ਸੀ ਕਿ ਉਸ ਨੂੰ ਰਣਜੀਤ ਨਾਂ ਦੇ ਗੈਂਗਸਟਰ ਦੀ ਆਡੀਓ ਮਿਲੀ ਸੀ। ਰੰਜੀਤ ਆਡੀਓ ‘ਚ ਕਹਿ ਰਹੇ ਹਨ ਕਿ ਸ਼ਵੇਤ ਮਲਿਕ ਨੂੰ ਬੈੱਡ ‘ਤੇ ਪਾ ਕੇ ਗੋਲੀਆਂ ਮਾਰਨੀਆਂ ਹਨ। ਗੌਰਵ ਨੇ ਇਸ ਸਬੰਧੀ ਰਿਕਾਰਡਿੰਗ ਵੀ ਭੇਜੀ ਹੈ। ਘਟਨਾ ਦੇ ਕੁਝ ਸਮੇਂ ਬਾਅਦ ਉਸ ਨੇ ਇਸ ਦੀ ਸ਼ਿਕਾਇਤ ਸੀਪੀ ਨੂੰ ਕੀਤੀ ਸੀ।
