Armaan Malik ਦੇ ਪ੍ਰਸ਼ੰਸਕ ਉਨ੍ਹਾਂ ਦੀਆਂ ਦੋ ਪਤਨੀਆਂ ਪਾਇਲ ਤੇ ਕ੍ਰਿਤਿਕਾ ਬਾਰੇ ਜਾਣਦੇ ਹਨ।
ਬਿੱਗ ਬੌਸ OTT 3 ਦੇ ਕੰਟੈਸਟੈਂਟ ਅਰਮਾਨ ਮਲਿਕ ਦੀ ਪਤਨੀ ਪਾਇਲ ਮਲਿਕ ਨੇ ਉਨ੍ਹਾਂ ਬਾਰੇ ਹੈਰਾਨ ਕਰਨ ਵਾਲਾ ਖੁਲਾਸਾ ਕੀਤਾ ਹੈ। ਪਾਇਲ ਨੇ ਦੱਸਿਆ ਕਿ ਅਰਮਾਨ ਨੇ ਦੋ ਵਾਰ ਨਹੀਂ ਸਗੋਂ ਤਿੰਨ ਵਾਰ ਵਿਆਹ ਕੀਤਾ ਹੈ। ਯੂਟਿਊਬਰ ‘ਤੇ ਪਹਿਲਾਂ ਹੀ ਪੌਲੀਗਾਮੀ ਨੂੰ ਸਪੋਰਟ ਕਰਨ ਦੇ ਦੋਸ਼ ਲਗਦੇ ਆਏ ਹਨ, ਅਜਿਹੇ ਵਿਚ ਉਨ੍ਹਾਂ ਦੇ ਤੀਜੇ ਵਿਆਹ ਦੀ ਗੱਲ ਨੇ ਫੈਨਜ਼ ਦੇ ਤੋਤੇ ਉਡਾ ਦਿੱਤੇ ਹਨ।
ਪਾਇਲ ਮਲਿਕ ਨੂੰ ਹਾਲ ਹੀ ‘ਚ ਬਿੱਗ ਬੌਸ OTT 3 ਦੇ ਘਰ ਤੋਂ ਬਾਹਰ ਕੱਢਿਆ ਗਿਆ ਹੈ। ਉਸ ਦੇ ਅਚਾਨਕ ਬਾਹਰ ਹੋਣ ਕਾਰਨ ਪ੍ਰਸ਼ੰਸਕਾਂ ਚ ਨਾਰਾਜ਼ਗੀ ਹੈ। ਐਲੀਮੀਨੇਸ਼ਨ ਤੋਂ ਬਾਅਦ ਪਾਇਲ ਮਲਿਕ ਇੰਟਰਵਿਊ ਦੇ ਰਹੀ ਹੈ। ਇਸ ਦੌਰਾਨ ਉਨ੍ਹਾਂ ਨੇ ਆਪਣੇ ਪਤੀ ਦੇ ਤੀਜੇ ਵਿਆਹ ਬਾਰੇ ਗੱਲ ਕੀਤੀ।
ਅਰਮਾਨ ਨੇ ਦੋ ਨਹੀਂ, ਤਿੰਨ ਵਿਆਹ ਕੀਤੇ
ਅਰਮਾਨ ਮਲਿਕ ਦੇ ਪ੍ਰਸ਼ੰਸਕ ਉਨ੍ਹਾਂ ਦੀਆਂ ਦੋ ਪਤਨੀਆਂ ਪਾਇਲ ਤੇ ਕ੍ਰਿਤਿਕਾ ਬਾਰੇ ਜਾਣਦੇ ਹਨ। ਹਾਲਾਂਕਿ, ਉਨ੍ਹਾਂ ਦਾ ਬਾਲ ਵਿਆਹ ਵੀ ਹੋਇਆ ਸੀ ਤੇ ਇਹ ਯੂਟਿਊਬਰ ਦਾ ਪਹਿਲਾ ਵਿਆਹ ਸੀ ਯਾਨੀ ਅਰਮਾਨ ਮਲਿਕ ਹੁਣ ਤਕ ਤਿੰਨ ਵਾਰ ਵਿਆਹ ਕਰ ਚੁੱਕੇ ਹਨ। ਗਲਟਾ ਇੰਡੀਆ ਨਾਲ ਗੱਲ ਕਰਦਿਆਂ ਪਾਇਲ ਮਲਿਕ ਨੇ ਕਿਹਾ ਕਿ ਉਹ ਆਪਣੀ ਪਹਿਲੀ ਪਤਨੀ ਤੋਂ ਵੱਖ ਹੋ ਚੁੱਕੇ ਹਨ। ਇਹ ਵਿਆਹ ਉਨ੍ਹਾਂ ਦੇ ਬਚਪਨ ਵਿੱਚ ਹੋਇਆ ਸੀ ਇਸ ਲਈ ਕੋਈ ਫਰਕ ਨਹੀਂ ਪੈਂਦਾ। ਪਾਇਲ ਨੇ ਇਹ ਵੀ ਖੁਲਾਸਾ ਕੀਤਾ ਕਿ ਉਨ੍ਹਾਂ ਦੀ ਪਹਿਲੀ ਪਤਨੀ ਨੂੰ ਪੈਸੇ ਦੇ ਕੇ ਮਾਮਲਾ ਖ਼ਤਮ ਕੀਤਾ ਗਿਆ ਤੇ ਹੁਣ ਉਹ ਦੂਜਾ ਵਿਆਹ ਕਰ ਚੁੱਕੇ ਹਨ।਼
ਅਰਮਾਨ ਦਾ ਹੋਇਆ ਸੀ ਬਾਲ ਵਿਆਹ
ਅਰਮਾਨ ਮਲਿਕ ਦੇ ਤੀਜੇ ਵਿਆਹ ਬਾਰੇ ਗੱਲ ਕਰਦਿਆਂ ਪਾਇਲ ਨੇ ਕਿਹਾ ਕਿ ਉਨ੍ਹਾਂ ਦਾ ਵਿਆਹ ਉਦੋਂ ਹੋਇਆ ਸੀ ਜਦੋਂ ਉਹ ਨਾਬਾਲਗ ਸੀ, ਉਨ੍ਹਾਂ ਦਾ ਨਾਂ ਸੰਦੀਪ ਸੀ। ਉਨ੍ਹਾਂ ਕਿਹਾ, “ਅਜਿਹਾ ਕੁਝ ਵੀ ਨਹੀਂ ਹੈ। ਮੇਰੇ ਵਿਆਹ ਤੋਂ ਪਹਿਲਾਂ ਉਨ੍ਹਾਂ ਦਾ ਤਲਾਕ ਹੋ ਗਿਆ ਸੀ ਤੇ ਇਹ ਬਾਲ ਵਿਆਹ ਸੀ, ਜੋ ਹਰਿਆਣਾ ਵਾਲੇ ਪਾਸੇ ਹੁੰਦਾ ਹੈ। ਉਨ੍ਹਾਂ ਦੇ ਤਲਾਕ ਤੋਂ ਬਾਅਦ ਹੀ ਮੇਰਾ ਵਿਆਹ ਹੋਇਆ। 18 ਸਾਲ ਪਹਿਲਾਂ ਸਾਡੇ ਹਰਿਆਣਾ ਸਾਈਡ ‘ਚ ਕਰ ਦਿੰਦੇ ਹਨ ਵਿਆਹ।
