ਈਰਾਨ ਤੋਂ ਹੋਏ ਰਵਾਨਾ; ਵਿਦੇਸ਼ ਮੰਤਰਾਲੇ ਨੇ ਦਿੱਤੀ ਜਾਣਕਾਰੀ
ਈਰਾਨ ਸਥਿਤ ਭਾਰਤੀ ਦੂਤਾਵਾਸ ਨੇ ਕਿਹਾ ਕਿ ਤਹਿਰਾਨ ਦੁਆਰਾ ਜ਼ਬਤ ਕੀਤੇ ਗਏ ਇਜ਼ਰਾਈਲੀ ਜਹਾਜ਼ (ਐਮਐਸਸੀ ਏਰੀਜ਼) ਵਿੱਚ ਸਵਾਰ ਪੰਜ ਭਾਰਤੀ ਮਲਾਹਾਂ ਨੂੰ ਵੀਰਵਾਰ ਨੂੰ ਰਿਹਾਅ ਕਰ ਦਿੱਤਾ ਗਿਆ ਅਤੇ ਈਰਾਨ ਛੱਡ ਦਿੱਤਾ ਗਿਆ ਹੈ।ਉਨ੍ਹਾਂ ਦੀ ਰਿਹਾਈ ਦੇ ਵੇਰਵਿਆਂ ਨੂੰ ਸਾਂਝਾ ਕਰਦੇ ਹੋਏ, ਭਾਰਤੀ ਦੂਤਾਵਾਸ ਨੇ ਕਿਹਾ: “ਅਸੀਂ ਬਾਂਦਰ ਅੱਬਾਸ ਵਿੱਚ ਦੂਤਾਵਾਸ ਅਤੇ ਭਾਰਤੀ ਕੌਂਸਲੇਟ ਨਾਲ ਨਜ਼ਦੀਕੀ ਤਾਲਮੇਲ ਲਈ ਈਰਾਨੀ ਅਧਿਕਾਰੀਆਂ ਦੀ ਸ਼ਲਾਘਾ ਕਰਦੇ ਹਾਂ।ਵਿਦੇਸ਼ ਮੰਤਰਾਲੇ ਦੇ ਅਧਿਕਾਰਤ ਬੁਲਾਰੇ ਰਣਧੀਰ ਜੈਸਵਾਲ ਨੇ ਇੰਟਰਨੈੱਟ ਮੀਡੀਆ ‘ਤੇ ਪੋਸਟ ਕੀਤਾ, MSC Aries ‘ਤੇ ਸਵਾਰ ਪੰਜ ਭਾਰਤੀ ਮਲਾਹਾਂ ਨੂੰ ਵੀਰਵਾਰ ਸ਼ਾਮ ਨੂੰ ਰਿਹਾਅ ਕਰ ਦਿੱਤਾ ਗਿਆ ਅਤੇ ਇਰਾਨ ਛੱਡ ਦਿੱਤਾ ਗਿਆ। ਇਜ਼ਰਾਈਲ ਨਾਲ ਸਬੰਧਤ ਮਾਲਵਾਹਕ ਜਹਾਜ਼ ਨੂੰ ਈਰਾਨ ਨੇ 13 ਅਪ੍ਰੈਲ ਨੂੰ ਜ਼ਬਤ ਕੀਤਾ ਸੀ, ਜਿਸ ਵਿਚ 17 ਭਾਰਤੀ ਨਾਗਰਿਕ ਸਵਾਰ ਸਨ।
