ਵਾਲ-ਵਾਲ ਬਚਿਆ ਨੌਜਵਾਨ
ਲੈਦਰ ਕੰਪਲੈਕਸ ਰੋਡ ‘ਤੇ ਸਥਿਤ ਪੈਟਰੋਲ ਪੰਪ ‘ਚੋਂ ਪੈਟਰੋਲ ਪਵਾ ਕੇ ਜਾ ਰਹੇ ਇਕ ਨੌਜਵਾਨ ਦੀ ਐਕਟਿਵਾ ਨੂੰ ਅੱਗ ਲੱਗ ਗਈ ਗਨੀਮਤ ਰਹੀ ਕਿ ਅੇਕਟਿਵਾ ਚਲਾ ਰਿਹਾ ਨੌਜਵਾਨ ਵਾਲ ਵਾਲ ਬਚ ਗਿਆ।ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਆਸੂ ਵਾਸੀ ਸ਼ੇਰ ਸਿੰਘ ਕਲੋਨੀ ਨੇ ਦੱਸਿਆ ਕਿ ਚਾਰ ਦਿਨ ਬਾਅਦ ਉਸਨੇ ਅੱਜ ਆਪਣੀ ਐਕਟਿਵਾ ਸਟਾਰਟ ਕੀਤੀ ਤੇ ਪੈਟਰੋਲ ਪੰਪ ‘ਚੋਂ ਪੈਟਰੋਲ ਪੁਆ ਕੇ ਉਹ ਲੈਦਰ ਕੰਪਲੈਕਸ ਰੋਡ ਵੱਲ ਜਾ ਰਿਹਾ ਸੀ। ਜਦ ਉਹ ਐਮਐਸ ਫਾਰਮ ਲਾਗੇ ਪਹੁੰਚਿਆ ਤਾਂ ਉਸ ਦੀ ਐਕਟਿਵਾ ਬੰਦ ਹੋ ਗਈ। ਜਦ ਉਸ ਨੇ ਹੇਠਾਂ ਉਤਰ ਕੇ ਕਿੱਕ ਮਾਰਨੀ ਚਾਹੀ ਤਾਂ ਦੇਖਿਆ ਕਿ ਐਕਟਿਵਾ ਦੇ ਹੇਠਾਂ ਅੱਗ ਲੱਗੀ ਹੋਈ ਹੈ ਤਾਂ ਉਹ ਤੁਰੰਤ ਪਿੱਛੇ ਹੱਟ ਗਿਆ। ਉਹ ਹਾਲੇ ਪਿੱਛੇ ਹਟਿਆ ਹੀ ਸੀ ਕਿ ਅੱਗ ਪੂਰੀ ਤਰ੍ਹਾਂ ਭੜਕ ਉੱਠੀ ਤੇ ਪੂਰੀ ਐਕਟਿਵਾ ਸੜ ਗਈ। ਆਸ਼ੂ ਨੇ ਦੱਸਿਆ ਕਿ ਉਸ ਦੇ ਪਿੱਛੇ ਹੱਟ ਜਾਣ ਕਾਰਨ ਉਸਦੀ ਜਾਨ ਬਚ ਗਈ, ਜੇਕਰ ਚਲਦੀ ਐਕਟਿਵਾ ਨੂੰ ਅੱਗ ਲੱਗਦੀ ਤਾਂ ਕੁਝ ਵੀ ਹੋ ਸਕਦਾ ਸੀ।
