ਜਗਰਾਓਂ ’ਚ ਸ਼੍ਰੋਮਣੀ ਅਕਾਲੀ ਦਲ ਦੀ ਪੰਜਾਬ ਬਚਾਓ ਯਾਤਰਾ ਦੇ ਸਮਰਥਨ ਵਿਚ ਨਿੱਤਰੇ ਯੂਥ ਦਾ ਉਤਸ਼ਾਹ ਦੇਖ ਸਾਬਕਾ ਉਪ ਮੁੱਖ ਮੰਤਰੀ ਸੁਖਬੀਰ ਸਿੰਘ ਬਾਦਲ ਗਦਗਦ ਹੋ ਉਠੇ। ਉਨ੍ਹਾਂ ਯੂਥ ਦੇ ਜ਼ੋਰਦਾਰ ਸਵਾਗਤ ’ਤੇ ਧੰਨਵਾਦ ਕਰਦਿਆਂ ਪੰਜਾਬ ਨੂੰ ਦਿੱਲੀ ਦੇ ਹਾਕਮਾਂ ਤੋਂ ਬਚਾਉਣ ਲਈ ਅਕਾਲੀ ਦਲ ਨਾਲ ਮੈਦਾਨ ਵਿਚ ਡਟ ਜਾਣ ਦੀ ਅਪੀਲ ਵੀ ਕੀਤੀ।
ਜਗਰਾਓਂ ’ਚ ਸ਼੍ਰੋਮਣੀ ਅਕਾਲੀ ਦਲ ਦੀ ਪੰਜਾਬ ਬਚਾਓ ਯਾਤਰਾ ਦੇ ਸਮਰਥਨ ਵਿਚ ਨਿੱਤਰੇ ਯੂਥ ਦਾ ਉਤਸ਼ਾਹ ਦੇਖ ਸਾਬਕਾ ਉਪ ਮੁੱਖ ਮੰਤਰੀ ਸੁਖਬੀਰ ਸਿੰਘ ਬਾਦਲ ਗਦਗਦ ਹੋ ਉਠੇ। ਉਨ੍ਹਾਂ ਯੂਥ ਦੇ ਜ਼ੋਰਦਾਰ ਸਵਾਗਤ ’ਤੇ ਧੰਨਵਾਦ ਕਰਦਿਆਂ ਪੰਜਾਬ ਨੂੰ ਦਿੱਲੀ ਦੇ ਹਾਕਮਾਂ ਤੋਂ ਬਚਾਉਣ ਲਈ ਅਕਾਲੀ ਦਲ ਨਾਲ ਮੈਦਾਨ ਵਿਚ ਡਟ ਜਾਣ ਦੀ ਅਪੀਲ ਵੀ ਕੀਤੀ। ਸ਼੍ਰੋਮਣੀ ਅਕਾਲੀ ਦਲ ਲੁਧਿਆਣਾ ਦਿਹਾਤੀ ਦੇ ਜ਼ਿਲ੍ਹਾ ਪ੍ਰਧਾਨ ਭਾਈ ਗੁਰਚਰਨ ਸਿੰਘ ਗਰੇਵਾਲ ਵੱਲੋਂ ਤਹਿਸੀਲ ਰੋਡ ’ਤੇ ਪੰਜਾਬ ਬਚਾਓ ਯਾਤਰਾ ਦੇ ਸਵਾਗਤ ਲਈ ਸਮਾਗਮ ਰੱਖਿਆ ਗਿਆ ਜਿਸ ਦੀ ਕਮਾਂਡ ਸਾਂਭਦਿਆਂ ਗੁਰਫਤਿਹ ਸਿੰਘ ਗਰੇਵਾਲ ਅਤੇ ਗੁਰਜੋਤ ਸਿੰਘ ਗਰੇਵਾਲ ਵੱਲੋਂ ਵੱਡੀ ਗਿਣਤੀ ’ਚ ਨੌਜਵਾਨਾਂ ਨਾਲ ਸ਼ਮੂਲੀਅਤ ਕੀਤੀ।
ਪੰਜਾਬ ਬਚਾਓ ਯਾਤਰਾ’ ਚਾਹੇ ਜਗਰਾਓਂ ’ਚ ਦੇਰ ਸ਼ਾਮ ਪਹੁੰਚੀ ਪਰ ਤਹਿਸੀਲ ਰੋਡ ’ਤੇ ਦੋ ਘੰਟੇ ਪਹਿਲਾਂ ਹੀ ਯੂਥ ਦਾ ਵੱਡਾ ਇਕੱਠ ਪਾਰਟੀ ਪ੍ਰਧਾਨ ਸੁਖਬੀਰ ਬਾਦਲ ਦੇ ਸਵਾਗਤ ਲਈ ਮੌਜੂਦ ਸੀ। ਇਸ ਦੌਰਾਨ ਯੂਥ ਨੇ ਘੰਟਿਆਂਬੱਧੀ ਯਾਤਰਾ ਦੇ ਜਗਰਾਓਂ ਪਹੁੰਚਣ ਦਾ ਇੰਤਜ਼ਾਰ ਕਰਦਿਆਂ ਅਕਾਲੀ ਦਲ ਦੇ ਹੱਕ ਵਿਚ ਨਾਅਰੇ ਗੂੰਜਾਏ। ਇਸੇ ਦੌਰਾਨ ਯਾਤਰਾ ਤਹਿਸੀਲ ਰੋਡ ਪੁੱਜੀ ਤਾਂ ਸਾਬਕਾ ਉਪ ਮੁੱਖ ਮੰਤਰੀ ਸੁਖਬੀਰ ਬਾਦਲ ਨੇ ਆਪਣਾ ਕਾਫ਼ਲਾ ਰੁਕਵਾਉਂਦਿਆਂ ਯੂਥ ਵੱਲੋਂ ਕੀਤੇ ਸਵਾਗਤ ਨੂੰ ਕਬੂਲਦਿਆਂ ਉਨ੍ਹਾਂ ਦਾ ਧੰਨਵਾਦ ਕੀਤਾ। ਉਨ੍ਹਾਂ ਨੌਜਵਾਨਾਂ ਨੂੰ ਪੰਜਾਬ ਦਾ ਵਾਸਤਾ ਦਿੰਦਿਆਂ ਅਕਾਲੀ ਦਲ ਨਾਲ ਅੱਜ ਵਾਂਗ ਹੀ ਖੜ੍ਹਨ ਦੀ ਅਪੀਲ ਕੀਤੀ। ਉਨ੍ਹਾਂ ਕਿਹਾ ਕਿ ਦੇਸ਼ ਦੀਆਂ ਕੌਮੀ ਪਾਰਟੀਆਂ ਪੰਜਾਬ ’ਤੇ ਅੱਖ ਰੱਖੀ ਬੈਠੀਆਂ ਹਨ। ਇਨ੍ਹਾਂ ਨੂੰ ਮੌਕਾ ਮਿਲ ਗਿਆ ਤਾਂ ਪੰਜਾਬ ਦੇ ਹੱਕਾਂ ਦਾ ਘਾਣ ਹੋ ਜਾਵੇਗਾ। ਸ਼੍ਰੋਮਣੀ ਅਕਾਲੀ ਦਲ ਖੇਤਰੀ ਪਾਰਟੀ ਹੈ, ਜੋ ਪੰਜਾਬ ਅਤੇ ਪੰਜਾਬੀਅਤ ਦੀ ਪਹਿਰੇਦਾਰ ਹੈ।
ਇਸ ਮੌਕੇ ਜ਼ਿਲ੍ਹਾ ਪ੍ਰਧਾਨ ਭਾਈ ਗੁਰਚਰਨ ਸਿੰਘ ਗਰੇਵਾਲ ਨੇ ਲੁਧਿਆਣਾ ਦਿਹਾਤੀ ਦੀ ਅਕਾਲੀ ਲੀਡਰਸ਼ਿਪ, ਯੂਥ ਆਗੂਆਂ ਅਤੇ ਆਵਾਮ ਦਾ ਪੰਜਾਬ ਬਚਾਓ ਯਾਤਰਾ ਨੂੰ ਸਫਲ ਬਣਾਉਣ ਲਈ ਧੰਨਵਾਦ ਕੀਤਾ। ਉਨ੍ਹਾਂ ਪਾਰਟੀ ਪ੍ਰਧਾਨ ਸੁਖਬੀਰ ਬਾਦਲ ਨੂੰ ਭਰੋਸਾ ਦਿੱਤਾ ਕਿ ਲੋਕ ਸਭਾ ਚੋਣਾਂ ਵਿਚ ਪਾਰਟੀ ਉਮੀਦਵਾਰ ਨੂੰ ਵੱਡੀ ਗਿਣਤੀ ’ਚ ਜਿਤਾਇਆ ਜਾਵੇਗਾ।
