ਕੰਪਨੀ ਨੇ ਕਮਿਸ਼ਨ ’ਚ ਆਪਣਾ ਪੱਖ ਪੇਸ਼ ਕਰਦੇ ਹੋਏ ਕਿਹਾ ਕਿ ਮਸ਼ੀਨ ’ਚ ਕੋਈ ਸਮੱਸਿਆ ਨਹੀਂ ਹੈ। ਸਗੋਂ ਬੁਢਾਪੇ ਕਾਰਨ ਸ਼ਿਕਾਇਤਕਰਤਾ ਨੂੰ ਸੁਣਨ ’ਚ ਦਿੱਕਤ ਆ ਰਹੀ ਸੀ ਅਤੇ ਮਸ਼ੀਨ ਨਾਲ ਉਸ ਦੀ ਸਮੱਸਿਆ ਨੂੰ ਠੀਕ ਨਹੀਂ ਕੀਤਾ ਜਾ ਸਕਦਾ ਸੀ। ਇਸ ਤੋਂ ਇਲਾਵਾ ਸ਼ਿਕਾਇਤਕਰਤਾ ਨੇ ਮਸ਼ੀਨ ਵਿਚ ਕੋਈ ਤਕਨੀਕੀ ਨੁਕਸ ਸਾਬਤ ਕਰਨ ਲਈ ਪਟੀਸ਼ਨ ਵਿਚ ਕੋਈ ਮਾਹਿਰ ਰਿਪੋਰਟ ਨਹੀਂ ਦਿੱਤੀ।
ਜ਼ਿਲ੍ਹਾ ਖਪਤਕਾਰ ਕਮਿਸ਼ਨ ਨੇ 92 ਸਾਲਾ ਇਕ ਵਿਅਕਤੀ ਨੂੰ ਘਟੀਆ ਗੁਣਵੱਤਾ ਵਾਲੀਆਂ ਸੁਣਨ ਵਾਲੀਆਂ ਮਸ਼ੀਨਾਂ ਵੇਚਣ ਲਈ ਸੇਵਾ ਵਿਚ ਲਾਪਰਵਾਹੀ ਵਰਤਣ ਦਾ ਦੋਸ਼ੀ ਠਹਿਰਾਇਆ ਹੈ। ਕਮਿਸ਼ਨ ਨੇ ਐਂਪਲੀਫੋਨ ਨਾਂ ਦੀ ਕੰਪਨੀ ’ਤੇ 10,000 ਰੁਪਏ ਦਾ ਜੁਰਮਾਨਾ ਲਾਇਆ ਹੈ। ਬਜ਼ੁਰਗ ਨੇ ਇਹ ਮਸ਼ੀਨ 2.90 ਲੱਖ ਰੁਪਏ ਵਿਚ ਖਰੀਦੀ ਸੀ। ਕਮਿਸ਼ਨ ਨੇ ਕੰਪਨੀ ਨੂੰ ਇਹ ਰਕਮ 9 ਫੀਸਦੀ ਵਿਆਜ ਸਮੇਤ ਵਾਪਸ ਕਰਨ ਦੇ ਵੀ ਨਿਰਦੇਸ਼ ਦਿੱਤੇ ਹਨ।
ਕਮਿਸ਼ਨ ਨੇ ਇਹ ਫੈਸਲਾ ਸੈਕਟਰ-19 ਦੇ ਵਸਨੀਕ ਐਸ.ਅਗਰਵਾਲ ਦੀ ਸ਼ਿਕਾਇਤ ’ਤੇ ਦਿੱਤਾ ਹੈ।
ਅਗਰਵਾਲ ਨੇ ਪਟੀਸ਼ਨ ’ਚ ਕਿਹਾ ਕਿ ਉਸ ਨੇ 6 ਅਕਤੂਬਰ 2022 ਨੂੰ ਕੰਪਨੀ ਤੋਂ ਸੁਣਨ ਵਾਲੀਆਂ ਮਸ਼ੀਨਾਂ ਖਰੀਦੀਆਂ ਸਨ। ਪਰ ਪਹਿਲੇ ਦਿਨ ਤੋਂ ਹੀ ਮਸ਼ੀਨ ਖਰਾਬ ਹੋਣ ਲੱਗੀ। ਉਨ੍ਹਾਂ ਇਸ ਸਮੱਸਿਆ ਬਾਰੇ ਕੰਪਨੀ ਨੂੰ ਕਈ ਵਾਰ ਜਾਣੂ ਕਰਵਾਇਆ ਪਰ ਉਨ੍ਹਾਂ ਨੇ ਕੋਈ ਹੱਲ ਨਹੀਂ ਕੀਤਾ। ਉਸ ਨੇ ਮਸ਼ੀਨ ਬਦਲਣ ਦੀ ਮੰਗ ਵੀ ਕੀਤੀ ਪਰ ਕੰਪਨੀ ਨੇ ਕਿਹਾ ਕਿ ਸਮੱਸਿਆ ਮਸ਼ੀਨ ਵਿਚ ਨਹੀਂ ਸਗੋਂ ਉਸ ਦੇ ਕੰਨ ਵਿਚ ਹੈ। ਕੰਪਨੀ ਨੇ ਨਵੀਂ ਮਸ਼ੀਨ ਦੇਣ ਤੋਂ ਇਨਕਾਰ ਕਰ ਦਿੱਤਾ। ਅਜਿਹੇ ’ਚ ਅਗਰਵਾਲ ਨੇ ਕੰਪਨੀ ਖ਼ਿਲਾਫ਼ ਕੰਜ਼ਿਊਮਰ ਕਮਿਸ਼ਨ ਕੋਲ ਸ਼ਿਕਾਇਤ ਦਰਜ ਕਰਵਾਈ ਹੈ।
ਕੰਪਨੀ ਨੇ ਕਮਿਸ਼ਨ ’ਚ ਆਪਣਾ ਪੱਖ ਪੇਸ਼ ਕਰਦੇ ਹੋਏ ਕਿਹਾ ਕਿ ਮਸ਼ੀਨ ’ਚ ਕੋਈ ਸਮੱਸਿਆ ਨਹੀਂ ਹੈ। ਸਗੋਂ ਬੁਢਾਪੇ ਕਾਰਨ ਸ਼ਿਕਾਇਤਕਰਤਾ ਨੂੰ ਸੁਣਨ ’ਚ ਦਿੱਕਤ ਆ ਰਹੀ ਸੀ ਅਤੇ ਮਸ਼ੀਨ ਨਾਲ ਉਸ ਦੀ ਸਮੱਸਿਆ ਨੂੰ ਠੀਕ ਨਹੀਂ ਕੀਤਾ ਜਾ ਸਕਦਾ ਸੀ। ਇਸ ਤੋਂ ਇਲਾਵਾ ਸ਼ਿਕਾਇਤਕਰਤਾ ਨੇ ਮਸ਼ੀਨ ਵਿਚ ਕੋਈ ਤਕਨੀਕੀ ਨੁਕਸ ਸਾਬਤ ਕਰਨ ਲਈ ਪਟੀਸ਼ਨ ਵਿਚ ਕੋਈ ਮਾਹਿਰ ਰਿਪੋਰਟ ਨਹੀਂ ਦਿੱਤੀ। ਪਰ ਕਮਿਸ਼ਨ ਨੇ ਕੰਪਨੀ ਦੀਆਂ ਇਨ੍ਹਾਂ ਦਲੀਲਾਂ ਨੂੰ ਸਵੀਕਾਰ ਨਹੀਂ ਕੀਤਾ ਅਤੇ ਸ਼ਿਕਾਇਤਕਰਤਾ ਦੇ ਹੱਕ ਵਿਚ ਫੈਸਲਾ ਸੁਣਾ ਦਿੱਤਾ।
